Шар өвс шатаж байсныг шуурхай ажиллаж унтраасан байна. Тодруулбал, Сонгинохайрхан 34-р хороо Найрамдал явах замд Бор толгойн баруун талын уулын энгэр задгайд шар өвс шатаж байна гэсэн дуудлага Нийслэлийн Онцгой байдлын ерөнхий газарт 10:16 цагт ирсэн.  Дуудлагын дагуу Гал түймэр унтраах, аврах 11 дүгээр ангийн ээлжийн бүрэлдэхүүн анги очсон байна. Гал гарч байгаа газарт шуурхай очиж, 2 га газарт шар өвс шатаж байсныг амжилттай хурдан унтраажээ.

Хавар намрын хуурайшилтын үед иргэд асаасан гал, шүдэнз, татсан тамхины гал, цог, үнс нурмыг бүрэн унтраах, халуун үнс, нурмыг тусгайлан бэлдсэн таглаа бүхий нүх, саванд хийх, гэр сууц, хашаа хорооны гадуур түймрээс хамгаалах зурвас татах, айл өрхүүд хашааны өнжмөл өвсийг шатаахгүй байхыг анхааруулж байна.