Ким Кардашианаас салсан цагаас эхлэн сэтгэлзүйн асуудалтай мэт аашилж байсан Канье шинэ найз бүсгүйдээ 275 мянган ам.долларын Биркин цүнх бэлэглэв.

Уг цүнх нь палладий эдлэл бүхий мөнгөн металлтай "Chevre" арьсаар хийгджээ.  Техас мужийн Хьюстон дахь Жонс хотод Мягмар гаригийн орой шуудангаар хүргэгдсэн гэж эх сурвалж мэдээлэв. Мөн Канье найз бүсгүй Чани нь цүнхээ хүлээн авч байхад бичлэг хэлбэрээр залгаж байсан гэнэ. "Privé Porter"-ийн гүйцэтгэх захирал Мишель Берк хэлэхдээ, "Энэ цүнх 2004 онд хийгдсэн маш хязгаарлагдмал үйлдвэрлэлийн бүтээл. Энэхүү цүнхийг Жеффри Стар болон Белла Хадид нар эзэмшдэг. Энэ бол хамгийн алдартай цүнхнүүдийн нэг юм" гэжээ.

Өдгөө 44 настай реппер сүүлийн долоо хоногийн турш 24 настай загвар өмсөгч бүсгүйтэй цагийг өнгөрөөж байгаа юм.  Тэд энэ сарын эхээр Лэйкерсийн тоглолтод оролцож, хоёрдугаар сард Малибу дахь Нобуд болзон, саяхан Майамид хамтдаа цагийг өнгөрөөсөн.  Өнгөрсөн сард нэгэн эх сурвалж ET-д "Кани, Чани хоёр бие биенээ харж, хөгжилтэй цагийг өнгөрөөдөг. Гэхдээ тэд ноцтой харилцаатай биш. Канье түүнтэй цагийг зугаатай өнгөрүүлж, хамтдаа хийж байгаа бүх сайхан зүйлсийг нь таашааж байгаа" гэж хэлжээ.

Эх сурвалж: Entertainment news