Оросын Москва хотын удирдлагууд оройны 22 цагаас өглөөний 10 цаг хүртэл согтууруулах ундаа зарахыг хориглож байгаа талаар “РИА Новости” агентлаг мэдээллээ. Согтууруулах ундаа зардаг цагийг ийнхүү гурван цагаар багасгах арга хэмжээ нь есдүгээр сарын 1-нээс хэрэгжиж эхлэх бөгөөд орон нутгийн удирдлагуудад 24 цагаар согтууруулах ундаа зардаг дэлгүүр, цэгүүдийн зөвшөөрөл өгөхийг хориглосон байна.

Энэ шийд нь харин баар, ресторан, шөнийн цэнгээний клубуудэд хамрахгүй бөгөөд тийм газрууд 24 цагаар 15 градусаас бага согтууруулах агуулгатай пиво, вино, савласан коктейль зарах зөвшөөрөл авч болох юм байна. Кремлийн хэрэгжүүлж байгаа энэ арга хэмжээ нь Оросод газар авсан архидан согтуурах явдлыг бууруулахад чиглэж байгаа бөгөөд Орос улсад архинаас болж жил бүр олон мянган хүн нас бардаг бөгөөд Орос иргэдийн дундаж наслалт Европт хамгийн доогуур орж байна.

Шинэ хууль зөвхөн Москва мужид үйлчлэх болно. Согтууруулах ундааны хэрэглээг улс даяараа зохицуулсан хуулийн зохицууулалт ОХУ-д байдаггүй байдаггүй тул бусад мужуудийн лангуун дээрээс 24 цагийн турш водка худалдаж авах боломжтой байна гэж “CNN” агентлаг мэдээллээ.

Т.Бадрах