"Crash landing on you" киноны хос Сон Е Жин, Хён Бин нарын хуримыг "Зууны гэрлэлт" гэж нэрийдэж буй. Энэ зууны хамгийн сэтгэл догдлом хурим өнөөдөр /2022.03.31/ болох гэж байна. Тэдний гэрлэлтийн тухай мэдээ Өмнөд Солонгост төдийгүй хилийн чанадад ч шуугиан дэгдээв. Хурим хаана болох, сүйт бүсгүй ямар даашинз өмсөх, хэн хэн зочноор уригдсаныг хүн бүхэн сонирхож байна.

Сон Е Жиний ээж 12 сая воны үнэтэй хуримын бэлэг худалдаж авсан тухай хэвлэлээр шуугисан. Тиймээс хуримын ерөнхий зардал хэчнээн тэрбум вон болно гэж хүмүүс таамаглаж байна.

Сон Е Жин, Хён Бин нар Сөүл хотын Гванжан-донг дахь Гранд Уолкерхилл зочид буудалд орон нутгийн цагаар 11:00 цагт хийх аж. Тэд хуримын зочдод урилгаа гардуулахдаа хуримын нууцыг хадгалахыг хүссэн байна. Гранд Уолкерхилл буудлын "Aston House" гэрлэх ёслолын танхимыг хурим хийхэд хамгийн сайхан газар гэдэг.

Эх сурвалж: ALL KPOP