Украины арми Киев, Черниговын эргэн тойрноос Оросын тал цэргээ татна гэж зарласанд итгэхгүй байгаагаа мэдэгдэв. Украины жанжин штабын мэдэгдэлд “Оросын арми зүүн Украинд хүчээ төвлөрүүлэхээр зэхэж байгаа шинж тэмдэг юм” гэжээ.

Мөн "Цэргүүдийг татах гэж нэрлэж байгаа ч бие даасан ангиудын ээлжийг сэлгэж байх магадлалтай. Оросууд Киевийг бүслэх оролдлого хийхгүй байхаар шийдсэн гэсэн ташаа ойлголт бий болгосноор Украины цэргийн удирдлагыг төөрөгдүүлэх зорилготой" гэжээ.

Их Британийн Батлан ​​хамгаалах яамнаас Оросын ухралт, Украины сөрөг довтолгоог тайлбарлав. Тэд Оросын тал нийслэл Киевийг бүслэх гэсэн ажиллагаа нь бараг бүтэлгүйтсэн нь тодорхой гэжээ.

Эх сурвалж: AL JAZEERA