Мэргэжлийн холимог тулааны "UFC" холбооны “Fight Night: Blaydes vs.Daukaus” өдөрлөг өнөөдөр /2022.03.27/ боллоо. Энэхүү өдөрлөгийн хүрээнд манай тамирчин Д.Батгэрэл ээлжит тулаанаа Крис Гутиеррес гэх америк залуугийн эсрэг хийв.

Тулаан тун сонирхолтой өрнөж, хоёрдугаар үед Крис Гутиеррес хүнд цохилтоор ялалт байгуулсан юм. Өдгөө 30 настай “Эль Гуапо” хочтой тэрбээр ийнхүү 24 тулаан хийж, 18 ялалт байгуулсан үзүүлэлттэй боллоо. Мөн тэрбээр өнөөдрийн шилдэг тулааны эзнээр тодорсон аж. Харин “Шуурга” хочит Д.Батгэрэлийн хувьд “UFC”-д тав дахь тулаанаа хийн, хоёр дахь ялагдлаа амсав.

Энэ өдрийн гол тулааны эзэд болох Көртис Блэйдес болон Крис Даукауз нарын тулаанд Блэйдес ялалт байгуулжээ.