Гадаад оршин суугаа орос иргэд албаны ажлын талаар худал мэдээлэл тараасан нь тогтоогдвол 15 жил хүртэлх хугацаагаар шорогд хорих ялаар шийтгэх хуульд ОХУ-ын ерөнхийлөгч Владимир Путин өчигдөр гарын үсэг зурсан болохыг “Interfax” агентлаг мэдээллээ. Сүүлийн өдрүүдэд ОХУ-ын гадаад улсад үйл ажиллагаа явуулж байгаа Элчин сайд, консулын албаны талаар худал мэдээлэл тараах нь нэмэгдсэн тул ийм хууль баталсан талаар тайлбарлажээ.

Үүнээс сарын өмнө Оросын зэвсэгт хүчний талаар худал мэдээлэл тараавал хорих ялаар шийтгэх хуулийг баталсан юм.

Эх сурвалж: Interfax