НҮБ-ын ерөнхий ассамблей дахин Украины нөхцөл байдлын талаар санал хураалт явуулсан байна. Мөн дайны галыг даруй зогсоох, иргэдийн эрх ашиг, аюулгүй байдал мөн иргэний обьектыг хамгаалах асуудлаар тогтоол гаргах тухай санал асуулга явуулжээ. Нийт 193 гишүүн орноос 140 нь дэмжиж, 38 улс түдгэлзсэн бол таван орон эсэргүүцсэн байна.

Эсэргүүцсэн орнууд нь Сири, Беларусь, Умард Солонгос, Эритрей, Орос бол Монгол Улс түдгэлзсэн байр суурьтай байгаа юм.

НҮБ-ын ерөнхий ассамблей гуравдугаар сарын 2-ны өдөр Украины нөхцөл байдлын талаар санал хураалт явуулж байсан. Тухайн үед 141 улс дайны гал зогсоох, иргэдийн аюулгүй байдлыг хангах тогтоолыг дэмжиж байв.

Эх сурвалж: UN news