Багшийн цалинг үр дүнгээр үнэлж болохгүй | News.MN

Багшийн цалинг үр дүнгээр үнэлж болохгүй

Багшийн цалинг үр дүнгээр үнэлж болохгүй

Багшийн цалинг үр дүнгээр үнэлж болохгүй

Төрийн албан хаагч тэр дундаа багш нарын цалинг нэмэх яриа сүүлийн жилүүдэд тасраагүй. Сайн багшийн шавь чадварлаг байж, түүний хэрээр зааж сургасан боловсон хүчин өндөр цалин авах тогтолцоог ч салбарын сайд нь санаачилсан. Гэвч энэ нь хэт нэг талыг баримталсан ойлголт бөгөөд боломжгүй зүйл гэдгийг боловсролын салбарынхан төдийгүй эцэг, эхчүүд хэлж байгаа юм.

Чанартай боловсрол, мэдлэг эзэмшүүлэх ойлголтыг онц дүн, олон олимпиадын батламжаар тодорхойлохгүй. Тиймээс багш нарын чадварыг харгалзаж цалинг нэмнэ гэдэг өрөөсгөл ойлголт.

World population review-ийн өнгөрсөн онд гаргасан жагсаалтаас харвал дотоодын нийт бүтээгдэхүүн, нэг хүнд оногдох ДНБ, хөгжлийн түвшингээр дараах улсууд Монгол Улстай мөр зэрэгцэж байна. Хөгжлийн хувьд Монголтой ойролцоо түвшинд байдаг орнуудын багш нарын цалин ямар байгааг дараах инфографикаас харна уу.

Дээрх графикаас харвал Монголын боловсролын салбарт ажиллаж буй багш нарын дундаж цалин хэд дахин бага байна. Үүнд, бодит шинэчлэлт, цалингийн схем шаардлагатай. Олон улсын хувьд хамгийн өндөр цалинтай орнуудад Япон, Канад, Ирланд зэрэг ордог. Харин жагсаалтаас сүүлд Польш, Унгар, Монгол жагсч байна. Тухайлбал,

  • Япон- 67 мянган ам.доллар
  • Канад- 66 мянган ам.доллар
  • Ирланд- 65 мянган ам.доллар
  • Нидерланд, Австри, АНУ- 64-67 мянган ам.долларын цалинг багш нар авч буй юм.

Харин эсрэгээр олон жил ажилласан ч бага цалин авч байгаа улсуудыг авч үзвэл:

  • Грек-30 мянган ам.доллар
  • Турк-25 мянган ам.доллар
  • Польш-20 мянган ам.доллар
  • Унгар-18-20 мянган ам.доллар
  • Монгол-1-2,5 мянган ам.доллар байна.

Энэ бол Монголд 20-оос дээш жил ажилласан багш нарын хамгийн өндөр цалин. Харин 15-аас доош жил ажилласан багш нар 720-980 мянган төгрөгийн цалин авч байна. Үүн дээр үр дүнгийн урамшуулал, илүү цагийн хөлс, анги даасны мөнгийг нэмсэн ч татвараа хасвал багш гар дээрээ сая хүрэхгүй төгрөгийн цалин авч байна. Хоёр долоо хоногийн өмнө Боловсрол, шинжлэх ухааны сайд  Л.Энх-Амгалан “Багш нарын цалин хөлсний бүтцэд өөрчлөлт оруулна.

Цалин дээшээ хэр их өсөхийг сурагчийн сурлагаар, үр дүнгээр хэмжинэ. Цаашдаа үе шаттайгаар, үр дүнд суурилан өөрчлөлт хийнэ. Сайн багш өндөр цалин авна, муу багш бага цалин авдаг тогтолцоо руу шилжих шаардлагатай гэж харж байна.

Багш нарын цалин таван шатлалтай байсан. Бид цалингийн доод жишгийг батална. Дээшээ бол хязгааргүй. Багцлаад хэлбэл сайн ажлаа хийвэл их цалин авна” гэсэн юм. Үүний дараа хийсэн мэдэгдэлдээ хүлцэл өчиж, залруулга мэдээг ч гаргасан. Учир нь сурагчийн сурлагын дүнгээр багшийн үнэлэмжийг тогтоож өгч байгаа нь олон улсын жишигт нийцээгүй үйлдэл.

АЖИЛЛАСАН ЖИЛИЙГ ХАРГАЛЗАЖ ДООД ЦАЛИНГ ТОГТООХ НЬ ЗӨВ

2007-2020 онд багш нарын цалинг нийт таван удаа нэмж байв. Өнөөдөр 20-25 жил улсад ажилласан багш 850-920 мянган төгрөгийн цалин авч байна. Харин хувийн сургуулийн багш нар хамгийн багадаа 2-2.5 сая төгрөгийн цалин авч байгаа.  Тиймээс багш нарын цалинг улсын дундаж графикд хүргэх, бодит үнэлэмжийг нэмэх шаардлагатай. Гэхдээ сурагчийн сурлагын амжилтаар багшийн амжилтыг тодорхойлох нь утгагүй.

Энэ мэдээнд өгөх таны сэтгэгдэл?
6
ЗөвЗөв
2
ГайхмаарГайхмаар
2
ТэнэглэлТэнэглэл
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Хэмжигдэхгүй ажил гэж байхгүй. 2022-03-23 202.179.21.210

Бүх л мэргэжил шалгууртай хэмжүүртэй байдаг. Үйлдвэрийн ажилчид бол бусдаас хэцүү секунд тутамд ядрах ч эрхгүй компъютэр дээрх тоотой уралдана. Бусад мэргэжил нь гайгүй дээ. Арай ч скунд тутам уралдахгүй. Огт үр дүн хийсэн ажлаа ямар байсныг үнэлүүлэхгүйгээр автомат цалин аваад жаргаад сууна гэсэн ойлголт байхгүй.

Avatar

Зочин 2022-03-23 64.119.21.167

Өөр ажил хийхгүй юу . Цалингаа голон голон заавал багш хийх албатай юмуу . Үйлчлэгч, цэвэрлэгч, аяга таваг угаагч , бэлтгэгч, худалдаачин, наймаачин гээд зөндөө л ажил бна ш дээ . Эдгээр ажлыг хийж чадахгүй юм бол цагтаа ирээд цагтаа тараад тогтмол цалингаа аваад дуугүй явж бай

Avatar

Зочин 2022-03-23 202.9.46.55

Заа даа , багшийн ажил мэргэжил гэдэг бол хэдэн төгрөг авах вэ … Биш , хүүхдэд юуг яаж сургах вэ …гэсэн хүүхдэд элэгтэй , цэвэр чин сэтгэл бүхий ховорхон оюунлаг хүмүүсийн хийдэг нандин мэргэжил юм шүү дээ угтаа . Тийм багш нь маш ховор тул өнөө цагийн боловсрол голдиролдоо орж чадахгүй будилсаар байнаа.

Avatar

Багшийг буланд шахах хэрэггүй! Нийтлэг байдлаар шатлалаар нь ахиул! 2022-03-23 202.21.104.2

Тийм! 1 ангийн 50 хүүхдийг гар хүрэхгүй, загнахгүйгээр онцсайн сургахыг шүлс шиг цалин авдаг багш нараас шаардаж үр дүнгээр урамшуулал олгож болохгүй! Хамгийн гол сөрөг үр дагавар нь багшийн ажлыг үнээх маш олон субьектив шалгуур бий болж бичиг цаасны балай ажил нэмэгдэхээс гадна сургуулийн удирдлага, эрх бүхий хүмүүс хаданд гарч, тал тохой татах, фракцлах явдал хэрээс хэтэрнэ! Шударга сайн ажилтан хэзээд үнэ хүндгүй. тэр тусмаа одоо цагт.

Avatar

Зочин 2022-03-23 103.212.119.145

Хүүхэд сургах биш зөвхөн цалингийн төлөө ажилладаг багш нар олон баынаа ь
Тэгэхээр үр дүнг бас харах хэрэгтэй дээ

Avatar

Зочин 2022-03-23 66.181.161.45

ажилчид шиг төсөөлж болохгүй л дээ . Дайны үед Налайхын уурхай болон аж үйлдвэрийн комбинатын ажилчид 1000 % – ийн нормыг мориныхоо хамт биелүүлж БНМАУ – ын УДАРНИК цол хүртэж байсан түүх бий . Энэ бол ажлын үр дүн шууд үнэлэгдэж байсан үлгэр жишээ – жишээ л дээ . Оюун санааны , боловсролын , сэтгэлгээний үнэлэмж гэдэг бол өдөртөө , сардаа , тэр ч атугаа жилдээ цалинжигдаад байдаг зүйл биш л дээ …

Avatar

Зочин 2022-03-23 66.181.161.45

Саяхаан хүртэл айл бүр бурханыхаа авдар дээр залдаг байсан хүндэтгэлтэй нэртэй сайд маань боловсролыг нэг л муу дээр нь улцан гэх шиг тоглочихож магадгүй байгаа юм би ш биз . Мэдэхгүй юмандаа уг нь болгоомжтой – хүндэтгэлтэй хандах ёстой юм . Мэдэхгүй хүнд л юм бүхэн хямдхан санагдаад байдаг юм . Номы нь мэдэхгүй бол номхоныг нь сур гэсэн үг ч бий . Боловсролыг МСS – ийн "бүсгүй " ч билүү – эмэгтэй ч билүү компани шиг , багш нарыг түүний а

Avatar

Зочин 2022-03-23 124.158.107.35

ямар нормын ажмлчин бишдээ

Avatar

Зочин 2022-03-23 66.181.161.45

болдог юм даа … Ер нь ч " талийгаач " болсных нь дараа л сайн хүн болдог нь муугийн зан биш монголын зан ш дээ …

Avatar

Зочин 2022-03-23 66.181.161.45

Багш ямар сургууль төгсч , мэргэжлийн ямар зэрэглэл авсан байна , түүгээр л цалинжих ёстой . Түүн дээр ажилласан жил , албан тушаалын стажийг нь харгалзан үзэх ёстой . Багшийг " үр дүнгээр " нь цалинжуулна гэдэг бол маш төвөгтэй ч гэх нь хаашаа юм – наандаж үе үеийнх нь шавь нараас\ төгсөгчдөөс \ нь тогтмол системтэй судалгаа явууллж байж л шийдэх асуудал болов уу , холын үзэгдэл дээ … Ер нь багшийн үнэлэмж тэтгэвэрт гарсных нь дараа л тодорхой

Avatar

Зочин 2022-03-23 66.181.161.45

Багшийн цалинг " үрдүнгээр нь нэмнэ " гэдэг бол ёстой ТОМ ТЭНЭГЛЭЛ . Ийм хандлана өнгөрсөн зууны 70 – аад оноос илэрч , дүн – хувь процентын хойноос хөөцөлдсөнөөс болж , эрч хучээ авч байсан боловсролын тогтолцоо одоогийн энэ байдал руу ортлоо унаж байсан гашуун туршлага бий . Нэр төр хөөцөлдсөн бүхий л оролдлого ёстой борооны дараах мөөг шиг олширч – улмаар АВЛИГА болж хөгжсөн юм шүү дээ …. Багш мэргэжлийн ямар шатны сургууль төгсч , ямар

Avatar

Зочин 2022-03-23 150.129.142.128

багш нэр зүүсэн чадваргүй хүмүүс олон бна шүү дээ

Avatar

Зочин 2022-03-23 192.82.66.209

Яаж үнэлэх саналтай байгаагаа шийдэл болгож ярь л даа. Тэгэхгүй бол үнэлэхгүйгээр зүгээр л цалингаа авна гээд байгаа юм шиг л сонсогдож байна

Avatar

Зочин 2022-03-23 202.179.21.210

Үнэлгээгүй автомат цалинтай. Өөрөөр хэлбэл ажлаа сайн хийсэн ч муу хийсэн ч нэг л цалин авахаар хүн муу хинэ.

Avatar

Зочин 2022-03-23 64.119.22.68

Багш нар лаборатори сургууль нэрээр цалингийн 30 хувийн нэмэгдлээс эхлээд хэрэгтэй хэрэггүй элдэв цол гуншин зэрэг олон нэмэгдэл авчихаад ингээж ярьж болохгүй.

Avatar

с 2022-03-23 202.5.205.20

Дүүргийн Тамгын газарт ажилд орж байгаа мэргэжилтэн ТЗ-4 өөр ямар ч нэмэгдэлгүй 615.0 мянгаас эхэлж байгаа,

Avatar

а 2022-03-23 202.5.205.20

Багш нарын цалин төрийн албан хаагчдын цалингаас өндөр байгаа, үндсэн доод цалин 850 мянга, улирлын үр дүнгийн урамшуулал сарын 20 хувь 170 мянга, нийлээд 1020.0 мянга, энэ бол минимум, үүн дээр төрийн алба хаасны, орон нутгийн , ур чадварын, анги даасны, арга зүйч багшийн, кабинетийн, лаборатори сургуулийн гээд олон нэмэгдэл бий,

Avatar

Badarch taxar 2022-03-23 103.57.93.94

Багшийн үр дүнг үнэлээд эхэлбэл багш нарын хоорондох хэрүүл тасрахгүй ! Шинээр дэгдэж эхэлнэ !ялангуяа үр дүнг нь үнэлдэг хүнтэй нь бүх багш муудаж эхэлнэ хоорондоо өрсөлдөөд хачин юм болно ! Дагаад хүүхдүүд их ховч болно !

Avatar

Зочин 2022-03-23 202.179.21.210

Үнэлж ядаад байх юмгүй. Хүүхдүүдээс шалгалт аваад л тоогоор үнэлэгдэнэ, Хүн ямар ч хамаагүй. Өөрийнх нь сурагчид харуулна. өөрөөр хэлбэл өөрөө өөрийгөө сурагчдаар дамжуулан харуулна.

Avatar

Зочин 2022-03-23 66.181.182.168

хүүхдийг ялгавралан гадуурхдаг, хааж боодог, юм сургая гэж боддоггүй, гар хүрдэг, олон хүүхдийн нүдэн дээр загнаж эвгүй байдалд оруулдаг, эцэг эхээс нь гар хардаг, шударга биш, хүн чанаргүй багш нэртэй улс олон болжээ. Хүүхдийн ирээдүй бол Монголын ирээдүй ш дээ. Хүний ирэдүй багш нарын гарт байдаг! Сэтгэл муутай хүмүүс багш хийгээд хэрэггүй шүү!!!!!!

NewsMN Гар утасны хувилбар Татах
NEWS.mn

Мэдээллийн эх сурвалж