НЭМЭЛТ: 19:30 ЦАГ

Гал унтраах 74 дүгээр ангийн алба хаагчид дуудлагын дагуу шуурхай ажиллаж байна. Галыг бүрэн унтраасан бөгөөд нэг айлын зуслангийн байшин шатжээ. Мөн шатсан байшингийн хажуугийн айлын үүд хэсэг галд өртсөн байна. Одоогоор хохирлын хэмжээ тодорхой болгоогүй байгаа аж.

АР ГҮНТЭД ЗУСЛАНГИЙН БАЙШИН ШАТАЖ БАЙНА

Ар гүнтэд зуслангийн байшингууд шатаж байгаа талаар нийгмийн сүлжээнд нэгэн иргэн мэдээлж, шууд дамжуулалт хийж байна. Одоогоор Онцгой байдлын ерөнхий газарт дуудлага ирээгүй байгаа бөгөөд мэдээлэл ирсэн эсэхийг тодруулаад хариу өгнө гэлээ.

Гал богино хугацаанд тархаж байгаа бөгөөд одоогийн байдлаар зуслангийн нэг байшин шатжээ.