УИХ-ын гишүүн, ХҮН-ын дарга Т.Доржханд одон медалийг хавтайгуулж тараахгүй байх хуулийн төслийг санаачилжээ. Тэрбээр цахим хуудастаа “Одон медаль, хэргэм цолыг хязгаарлах хуулийн төсөл боловсруулж байна. Саналаа @Mongol_huu дм ээр хүргүүлнэ үү. Энэ хаврын чуулганаар өргөн барихаар ажиллаж байна. Цэрэг, хүчний байгууллагын цолыг хэвээр үлдээн, шагналыг цөөлж чанаржуулахаар (олговол мөнгө дагалдуулах) тусгаж байгаа” гэжээ.

Эргэн сануулахад тэрбээр энэ хаврын чуулганаар Үндсэн хуулийн өөрчлөлт үргэлжилж, гишүүдийн тоог нэмэх, сонгуулийн тогтолцоог өөрчлөхийн тулд Улс төрийн намын тухай хуулийн шинэчилсэн найруулга, Сонгуулийн тухай хуулийн шинэчилсэн найруулгад анхаарал хандуулж байгаа талаар мэдээлсэн билээ.