Сүүлийн 24 цагт Covid-19 халдварын 85 тохиолдол бүртгэгдсэний 42 нь нийслэл Улаанбаатарт, 43 нь орон нутагт бүртгэгдлээ. Сайн мэдээ нь өнгөрсөн хоногт цар тахлын халдварын улмаас хүн нас бараагүй байна. Монгол Улсад өнгөрсөн Ням гаригаас хойш цар тахлын халдварын шалтгаант нас баралт бүртгэгдээгүй.

Өнөөдрийн байдлаар эмнэлэгт 621 хүн эмчлүүлж байгаагийн 120 нь хүүхэд, 26 нь жирэмсэн эмэгтэй байна. Түүнчлэн биеийн байдал нь хүнд байдалтай 72 хүн байгаа бол нэн хүнд 15 хүн байна.