Ипотекийн зээлийн эргэн төлөлтийг хойшлуулав | News.MN

Ипотекийн зээлийн эргэн төлөлтийг хойшлуулав

Ипотекийн зээлийн эргэн төлөлтийг хойшлуулав

Ипотекийн зээлийн эргэн төлөлтийг хойшлуулав

Орон сууцны ипотекийн хөнгөлөлттэй хүүтэй зээлийн төлбөрийг Цар тахлын тухай хуультай уялдуулан хойшлуулах арга хэмжээг дахин хэрэгжүүлнэ гэж Монголбанкнаас мэдэгдлээ. Тодруулбал, Монгол Улсын Их Хурлаас цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хууль”-д нэмэлт өөрчлөлт оруулж, хуулийн үйлчлэх хугацааг 2022 оныг дуустал хугацаагаар сунган, баталсан.

Хуулийн үйлчлэх хугацаатай уялдуулан төрөөс хэрэгжүүлж буй орон сууцны ипотекийн хөнгөлөлттэй хүүтэй зээлийн үндсэн болон хүүгийн төлбөрийг Монголбанкнаас холбогдох байгууллагуудтай хамтран 2022 оныг дуустал хүү хуримтлуулж тооцохгүй нөхцөлөөр хойшлуулахаар шийдвэрлэв.

Тус арга хэмжээний хүрээнд:

  • Төрөөс хэрэгжүүлж буй орон сууцны ипотекийн хөнгөлөлттэй зээлийн төлбөрөө 2022 оны зургадугаар сарын 30-ны өдрийг дуустал хойшлуулсан зээлдэгч нарын төлбөрийг нэмэлт хүсэлт гаргах шаардлагагүйгээр үргэлжлүүлэн хуулийн хугацаатай уялдуулан сунгах;
  • Харин ипотекийн хөтөлбөрийн зээлийн төлбөрөө хойшлуулах хүсэлт шинээр гаргах зээлдэгчдийн хувьд хүсэлтээ 2022 оны дөрөвдүгээр сарын 1-ний өдрөөс эхлэн 2022 оны дөрөвдүгээр сарын 15-ны өдрийг дуустал харилцагч банканд өөрийн боломжит цахим хэлбэр (банкны цахим хуудас, и-мэйл, ухаалаг гар утасны банкны апликэйшн, утас зэрэг)-ээр эсхүл банканд очин гаргана. Хүсэлт гаргасан өдрөөс эхлэн 2022 оныг дуустал хүү хуримтлуулж тооцохгүй нөхцөлөөр хойшлуулах боломжтой юм.

Энэхүү шийдвэрийн дагуу зээлдэгчдийн гаргасан хүсэлтийг үндэслэн ипотекийн зээлийн төлбөрөө хойшлуулах боловч зээлдэгч төлбөр хойшлуулах хүсэлт гаргалгүйгээр зээлийн төлбөрөө төлөх нь зээл хугацаандаа дуусах, ирээдүйн зээлийн дарамт буурах зэрэг эерэг талтай юм. Төрөөс хэрэгжүүлж буй орон сууцны ипотекийн хөнгөлөлттэй зээлийн төлбөрийг хойшлуулахтай холбоотой түгээмэл асуулт, хариулттай ЭНД дарж танилцана уу.

Энэ мэдээнд өгөх таны сэтгэгдэл?
3
ЗөвЗөв
1
ХөөрхөнХөөрхөн
1
ГайхмаарГайхмаар
1
ТэнэглэлТэнэглэл
0
ХахаХаха
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочтн 2022-03-19 43.242.243.193

Хойшлуулаад байх нь хувь хүнд сайнуу муу юу зөвлөөч хүмүүсээ

Avatar

Оноч 2022-03-19 202.70.34.30

Иргэдийг орон сууцжуулах талаар төрөөс хийсэн ганц зөв зүйл нь ипотек мөн. Гэхдээ, ипотек гэдгийг ипотек гэдэг утгаар нь биш шунахай банкныханы мөлжүүрийн хэрэгсэл болгосон. Бас нэг нэмэлт мөлжүүрийн хэрэгсэл. Улс мөнгө хэвлэж санхүүжүүлээд 4%-ийг нь сахал хүртдэг ийм тогтолцоо хийсэн. Ипотек-тэй бүх хүн сахалд мөнгө төлдөг. Аймаар шүү. Яагаад зарим нь 8, зарим нь 6 зарим нь 5 хувь байдаг гэж бодож байна. Дарга нар ипотек-ийн корпораци дээр хаягийн тодорхойлолтоо аваачиж өгөөд 5 хувьд шилждэг.

Avatar

Азиуд 2022-03-19 202.126.88.226

АЗИ Тивийн Улс орнууд Хий дэмий олон тооны Техник, Технологиуд, Бараа материал., Хүн Амын хэт их өсөлт ба төрөлт, Том том Барилга Байшин, Үл хөдлөхийн Төслүүд, Шинэ хот, Хувцас загвар..гэх мэт дэмий олон зүйлсэд Мөнгө, Цаг, Хөдөлмөрийг Замбраагүй Зарцуулах хирнээ Нийтээрээ шахуу Ядуу буурай амьдарч, Ажил, Амьдрал нь Чанаргүй, Байгаль Орчин нь Доройтсон, Эдийн засаг нь Өсөлтгүй байдаг. Азийн Орнууд Хэт олон хэрэглээтэй мөртлөө л нийтээр ядуу, буурай амьдарцгаадаг.

Avatar

ЕВРОПУУД 2022-03-19 202.126.88.226

Олон Хүмүүс гадаадаар явж үзээд “ЕВРОП ТИВД АЖИЛ, АМЬДРАЛ НЬ НЭГЭН ХЭВИЙН УЙТГАРТАЙ, ЦАГ ХУГАЦАА МАШ УДААН, ЯВДАГ”, ХАРИН, ЭСРЭГЭЭРЭЭ “АЗИ ТИВД ЦАГ ХУРДАН ӨНГӨРДӨГ, ӨНГӨ АЛАГЛАСАН, АЖИЛ АМЬДРАЛ НЬ ТҮРГЭН ХЭМНЭЛТЭЙ, ХҮН АМЬТАД ОВОЛЗСОН САЙХАН..” гэх мэтээр ярьдаг, Гэхдээ Амьдралын Чанар, Байгаль Орчины Цэвэр, Аюулгүй Байдал, Эдийн Засгийн Өсөлт , ДЭД БҮТЭЦ, Тогтвортой Байдал зэрэг олон талаараа ЕВРОП, АМЕРИК ХОЁР Л ДЭЛХИЙД ТЭРГҮҮЛДЭГ. Учир нь Европууд Мөнгийг ХЭРЭГТЭЙ ЗҮЙЛДЭЭ Л ЗАРДАГ ЮМ

Avatar

Оноч 2022-03-19 202.70.34.30

Ер нь бол үнэн байх. Гээд яахав. ажил амьдрал явдагаараа яваад 21-р зуунд хөгжлийн төв Ази-д шилжих нь тодорхой байна. Дараа нь Африкт гэх мэт.

Avatar

Onoch 2022-03-19 66.181.161.55

Ашгүй дээ. Энэ хүнд үед тлм тус шүү дээ.

Avatar

зочин 2022-03-19 103.229.123.191

Арилжааний банкнуудын өөрсдийнх нь олгогдог байрны зээлд бас зохицуулалт хийж өгөхмйг хүсэж байна.

NewsMN Гар утасны хувилбар Татах
NEWS.mn

Мэдээллийн эх сурвалж