Эмэгтэй гишүүдийн 100 тэрбумын санаачлага салхинд хийссэн үү? | News.MN

Эмэгтэй гишүүдийн 100 тэрбумын санаачлага салхинд хийссэн үү?

Эмэгтэй гишүүдийн 100 тэрбумын санаачлага салхинд хийссэн үү?

Эмэгтэй гишүүдийн 100 тэрбумын санаачлага салхинд хийссэн үү?

ХӨРСӨНДӨӨ БУУСАН САЙХАН САНААЧЛАГА

2021 оны эхээр Б.Баярсайхан, Ч.Ундрам тэргүүтэй УИХ эмэгтэй гишүүд нийлж, орон нутгийн 819 сургууль, цэцэрлэгийг цэвэр, тохилог ариун цэврийн өрөөтэй болгох 100 тэрбумын санхүүжилттэй сайхан төсөл санаачлав. Санхүүжилтийг нь Эрдэнэт УБҮ-ээс гаргуулахаар болж, УИХ-ын гишүүн, одоогийн Сангийн сайд Б.Жавхлан төслийн ажлын хэсгийг ахалж байсан учраас тэдэнд тусалж, 2021 оны улсын төсөвт оруулж шийдвэрлэсэн юм. Энэ бол цаг үеэ олсон, хөрсөндөө буусан, амьдралд нэн хэрэгцээтэй маш оновчтой төсөл гарцаагүй мөн байв. Гэвч цаасан дээрхи энэ сайхан төсөл хэрэгжилд дээрээ бүтэлгүйтэж, хэдхэн сарын өмнө УИХ-ын чуулганы хуралдаанд Л.Энх-Амгалан сайд, Б.Баярсайхан гишүүн нар нэгнээ буруутгаж, ам мурийсныг зарим нь санаж буй.

Эргэн сануулбал чуулганы үеэр Л.Энх-Амгалан сайд хэлэхдээ, “100 тэрбум төгрөгийг гарын салаагаар урсгахгүй юмсан гэсэндээ их сэтгэл гаргаж ажиллаж байгаа.. Энэ бол их хэцүү төсөл, маш хэцүү төсөл.. алдаа гаргасан маш олон жишээ байдгийг би мэддэг.. ганц яамны шийдэх ажил биш учир гурван яамны төрийн нарийн бичгийн даргын түвшинд ажлын хэсэг гаргаад гол шийдлээ хэрэгжүүлэх болсон.. Гол нь юун дээр алдсан бэ гэхээр манай яамны ажил хариуцаж байсан хүмүүс алдаа гаргасан уу гэвэл гаргасан.. Тендерийг зарлахдаа өөрсдөө жишиг зургаар зарлаад ийм том алдаа болсон.. та ганцаараа микрофон олдсон дээр хашгираад байх шаардлагагүй.. чи хариуцаж байсан ажлаа хийхгүй яасан юм тэгвэл..” гэв.

Үүний хариуд Б.Баярсайхан гишүүн харин, “Та намайг хашгирч байна гэлээ, яах аргагүй хашгирмаар нөхцөл байдалд байгаа юмаа.. Төрийн албан хаагчдын буюу дэд ажлын хэсгийн өөрсдийнх нь 100 хувь гүйцэтгэх ажил дээр, тендерийн асуудал дээр УИХ гишүүд шууд оролцоод явж болохгүй гэдгийг та маш сайн мэдэж байгаа.. бид нэг жилд 10 удаа хуралдсан, маш их цаг хүч, сэтгэл зарцуулсан, гэхдээ дэд ажлын хэсэг дээр унаад байгаа ажлыг яах вэ? Бид нар туугаад явах уу? Энэ дэд ажлын хэсгийн нөхдийг туугаад явах уу? Яаж ажлыг нь хийлгэх вэ?”

Гэх зэргээр маргалдсан байдаг. Эндээс нэг зүйл тодорхой байна. Гурван яам, УИХ гишүүд, Эрдэнэт үйлдвэр гэсэн томчууд бүгд санал нэгтэй зүтгүүлж буй ажил дунд шатны гүйцэтгэл дээр, дунд шатны дарга нар дээр очоод унажээ. Тэнд чухам юу болсон бэ?

ЦЭВЭР, БОХИРЫН СИСТЕМИЙН КОМПАНИУДААС “БАРИЛГЫН ЗӨВШӨӨРӨЛ” НЭХЭЖ, ТЕНДЕРЭЭС УНАГАЖЭЭ

Хоёр гишүүний маргалдаж байсанчлан тендерийн сонгон шалгаруулалтыг үнэхээр БСШУЯ хариуцсан бөгөөд, бүр тодруулбал тухайн үед Төрийн нарийн бичгийн дарга байсан Д.Батбаатар гардаж гүйцэтгэсэн байдаг. Уг нь орон нутгийн сургуулиудад боловсон ариун цэврийн өрөө, цэвэр, бохирын систем амжилттай шийдсэн Мобиком, Дэлхийн зөнгийн сайн үйлсийн аян гээд амжилттай явсан олон жишээ бий.

100 тэрбум төгрөгийн ажил сонссон, цэвэр бохирын системээр дагнасан үндэсний 30 орчим компани бүгд энэхүү тендерийг баярлан хүлээж, бүгдээрээ материалаа явуулсан ч харамсалтай нь төрийн хүнд суртлын хаалга мөргөжээ. Боловсролын яамны Д.Батбаатар дарга компаниудаас гэнэтхэн тендерийн ажилд “барилгын тусгай зөвшөөрөл” шаардсан байна. Гэтэл цэвэр бохирын системээр дагнасан үндэсний компаниудад барилга барих ямарч шаардлага байдаггүй учраас алинд нь ч барилгын зөвшөөрөл байсангүй. Яамнаас “Сумын төвийн сургууль, дотуур байрны цэвэр, бохирын системд 7 давхар барилга барих тусгай зөвшөөрөлтэй компани ямар хэрэгтэй юм бэ” гэж асуугаад ч тусыг эс олжээ.

МОНГОЛД ТУРШИГДААГҮЙ ТӨХӨӨРӨМЖ, ГАНЦХАН ЖИЛИЙН ӨМНӨ БАЙГУУЛАГДСАН КОМПАНИЙГ ШАХСАН НЬ

“За энэ нь ч дүүрчээ” гээд цэвэр, бохирын системийн компаниуд барилгын компаниудын доор зөвхөн туслан гүйцэтгэгчээр орох санал хүргүүлэв. Гэтэл тендерийн шаардлага дээр нь зөвхөн “Алтай Эколос ХХК”-ын ОХУ-аас оруулж ирдэг “Топ Аэро” төхөөрөмжийг заавал тавих шаардлага оруулсан байлаа. Тендерт оролцохыг хүссэн цэвэр, бохирын системээр дагнасан 30 орчим байгууллага бүгд ийм тулгалтанд орсон байна. Гайхалтай нь тендерийн шалгаруулалтаас ч өмнө “Алтай Эколос ХХК” нь “Топ Аэро” төхөөрөмжүүдийг зарим сумын төвүүд рүү зөөж, аваачаад бэлдчихсэн байв. Гэтэл энэ компани нь дөнгөж 2019 онд байгуулагдсан, цэвэр бохирын ажил дээр туршлагагүй,, “Топ Аэро” төхөөрөмж нь анх удаа орж ирж байгаа, Монголын хүйтэн өвөлд тэсэх эсэх нь туршигдаагүй төхөөрөмж байлаа. 100 тэрбумын тендерийн ажлын зургийг зурсан "Наран Рашаан" ХХК яагаад заавал ганцхан тус компанийн төхөөрөмжийг нэр зааж өгөв, сонгогдоход нь ашиг сонирхол, авилга орсон уу гэдгийг Авилгатай тэмцэх газрынхан шалгах биз ээ.

2021 оны 4 -р сард Цэвэрлэх байгууламж технологийн үзэсгэлэнг ШУТИС-ийн зааланд зохион байгуулсанаас үзэсгэлэнд “Алтай Эколос” ХХК бараг дангаараа оролцов. Бусад байгууллагуудад ердөө хагас өдрийн өмнө ийм үзэсгэлэн зохион байгуулж байгаа талаар мэдэгдсэн зэргээр энэ тендерт олон завхралууд гарчээ. Ингээд Монголдоо гайгүй гэгдэх цэвэр бохирын бүх компаниуд шахагдаж, ганцхан “Алтай Эколос”-ын төхөөрөмж 2021 онд 50 тэрбумын төгрөгийн ажилд төхөөрөмжөө нийлүүлжээ.

50 ТЭРБУМ ТӨГРӨГИЙГ АЖИЛ БҮТЭЛГҮЙТЖЭЭ

Л.Энх-Амгалан сайдын чуулганд маргалдахдаа хэлсэнчлэн “Жишиг зургаар тендер зарлах нь бид нар цаг хожъё л гэж бодсон..” гэж хэлсэний жишиг зураг гэдэг нь “Алтай Эколос” ХХК -ын өнөө “Топ Аэро” гэдэг төхөөрөмж нь бололтой. “Цаг хожьё” гээд яаран эхэлсэн ажил нь бүтэлгүйтэж, 2021 онд барьсан ариун цэврийн өрөө, бохирын системүүд нь ганцхан өвөл үзээд, ажиллахаа больж, доголджээ. Хамгийн гол шалтгаан нь “Топ Аэро” гэдэг төхөөрөмж нь сумын төвд тохиромжгүй, ажиллуулахад заавал хүн хүч шаарддаг, байнгын цахилгаан хэрэглэдэг, Монголд туршигдаагүй тул өвөл нь хөлдчихдөг гэх мэт бөөн асуудал дагуулах нь тэр.Б.Баярсайхан гишүүн, Л.Энх-амгалан сайд хоёулаа сэтгэл, цаг зав гаргасан нь ч үнэний ортой бөгөөд тэдний хэрүүлийн шалтгаан нь ч энэ “Топ Аэро” гэгч төхөөрөмж, Д.Батбаатар сайдын тендэрийн будилаан бололтой юм.

Ингэж том бүтэлгүйтсэн учраас БСШУЯ, БОАЖЯ, Мэргэжлийн хяналтын газар, Стандарт, хэмжилзүйн газар, Барилга хөгжлийн төв, тендерт оролцсон компанийн төлөөллүүд хамтарч яаралтай хуралдаж, Барилгын хөгжлийн төвийнхөн яагаад бүтэлгүйтсэнийг тодорхойлж, гаргасан албан дүгнэлтээ ч бусдадаа танилцуулжээ. Албан дүгнэлтэнд:

  • Тухайн орон нутгийн хөрсний нөхцөл, цаг уурын онцлогийг харгалзаагүй, сургууль цэцэрлэгийн хүчин чадалд нийцсэн энгийн хялбар, өөрийн урсгалаар нийлүүлэн зайлуулах технологийг сонгоогүй,
  • ”Эколос” цэвэрлэх байгууламжийг хөлдөлтийн гүнээс дээш угсарсан,
  • Цэвэр, бохир усны шугамын угсралт норм дүрэм зөрчиж, замбараагүй угсарсан,
  • Бохир усны шугам, болон цэвэрлэх байгууламжийг хөлдөлтийн гүнд суулгасан,
  • Бохир усны худгийг зориулалтын бус хашааны блокоор өрж хийсэн гэхчилэн ноцтой фактууд дурдагджээ. Энэ хурал дээр ШУТИС-ын доктор профессор, усны зүтгэлтэн, усны нөөцийн инженер Д.Басандорж “Та нар бохирын системын маш олон сонголт байхад ганцхан компанийн төхөөрөмжийг суурилуулдаг нь буруу, наад төхөөрөмж чинь Монголд таарна гэж хэн хэлээд байгаа юм бэ” гэж хэлсэн дарга нарын орой руу орсон гэдэг.

2022 онд үлдсэн 50 тэрбум төгрөгөөр ахиад тендер зарлаж, үлдсэн сургууль цэцэрлэгүүдэд ариун цэврийн өрөөнүүд, цэвэр бохирын системыг тавих юм байна. Харин Д.Батбаатар гэгч нь одоо яамнаас гарчихсан, өөр ажил эрхэлж буй. Тэрээр энэ төслийн хяналтыг эргээд өөрөө хийе гэж санал хүргүүлсэн нь бас хоржоонтой. Дунд шатны ийм завхралд яаж хариуцлага тооцох вэ? Хувь хүний өчүүхэн эрх ашгийн төлөө 819 сургуулийн хэдэн мянган хүүхдүүд хохирсоор үлдэх үү?

Барилга хөгжлийн төвөөс хийсэн дүгнэлт:

С.НОМИНЖАРГАЛ

 

Энэ мэдээнд өгөх таны сэтгэгдэл?
11
ХарамсалтайХарамсалтай
5
ТэнэглэлТэнэглэл
2
БурууБуруу
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

26 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-03-16 122.131.32.32

Төр оролцсон бүх юм дампуурна

Avatar

Irgen 2022-03-16 202.126.89.79

Huduu oron nutagt tsahilgaanaar ajilladag tsewerleh baiguulamj yaj tohirohow dee ene ecolosoos avilga l avaad chihej dee

Avatar

Зочин 2022-03-16 202.126.90.34

батбаатар ч жинхэнэ авлигч нөхөр дөө

Avatar

Зочин 2022-03-16 213.87.131.226

!!!!!!!!!! Шилдэг тавтай морилно уу секс болзоо сайт – – – – https://mysp.ac/50fjz

Avatar

Зочин 2022-03-16 150.129.142.87

Энэ пиздаагаас өөр хулгайч Монгол Авилгалчдын Намд байдаггүй юмуу.(МАН) Энэ н**ш төрийн гурван өндөрлөгийн хэнийх нь зарц,боол вэ?

Avatar

Хуучин гишүүн 2022-03-16 66.181.182.35

Намын буянаар хувийн эрх ашигаа хангаад асуудал үүсгэж нүүр улалзуулан байж Намаар хамгаалуулдаг ийм шимэгчдээс салж байж сонгуульд бардам ялна шүү.

Avatar

Хуучин гишүүн 2022-03-16 66.181.182.35

Энэ Батбаатар ямар ичдэггүй цаддаггүй хар шаар вэ… хаана мөнгө үнэртэнэ тэнд тодорч явах юм. Манай Намд өөр сонголт байхгүй болоо юу. Ийм юмнуудаас болоод Намын нэр хугарч байгаам даа…!

Avatar

зочин 2022-03-16 43.228.131.189

Neg ailiin bohiriig oligtoi hiij chadahgui Ekolos gedeg gazar avilgach tushmeltei niilj tosoviin mongo husaj baigaam bna.Baishindaa hiilgeed holdooson ddudahaar manaih zovhon zarsan gazar ni geed baidag balai gazar.

Avatar

Мөнх 2022-03-16 64.119.23.226

Батгана явсан газар баастай гэж энэ Батбаатарт мөнгөнөөс өөр бодох зүйл байдаггүй бололтой. Мөнгөний одгүйгээ ойлго.

Avatar

иргэн 2022-03-16 66.181.161.23

Энэ чинь л МАН-ы үнэн нүүр царай Том чухал гэсэн зорилго ПР том төсөв ард нь хулгай

Avatar

Зочин 2022-03-16 202.9.46.37

Барилга хөгжлийн төвөөс хийсэн дүгнэлт зургуудыг нь харлаа. Ийм их асуудалтай, муу дүгнэлттэй ажлыг цааш үргэлжлүүлээд, дахиад энэ жил 50 тэрбум…арай арай

Avatar

Галдан 2022-03-16 202.21.122.6

Зайлцан сдаа вэ. Болиосой. Яасан идэж ууж ханадаггүй гар вэ. Одоо тэр 50 тэрбумаа учиртай яагаарай даа.

Avatar

Зочин 2022-03-16 66.181.182.116

МАН төрийн эрхэнд гарснаар монголчуудыг дааж давшгүй өрөнд унагав. Улсад юу ч хийгээгүй байж өөрсдийн Арьсаа хамгаалах, хувьдаа зарцуулсан баримтаа гаргаач, алуурчид!

Avatar

Зочин 2022-03-16 103.229.176.132

zurag zursan l bol yamar neg uildverlegchiin tuhuurumjiig barihaas uur arga bhgui. ali esvel bugd zurgaa bariad barilgiin expertizeer orood yavah bh. tegheer barilga l barih bolchihno l doo. ali esvel zugnuj zursan zurgand taaruulj uildverleh heregtei bolj bna. bugdiig neg amisgaagaar shiideh hetsuu l dee. tegheer oron nutag ni uuruu ene asuudlaa shiidmeer bgaa yum. buh tusuviig bazaj avchiraad buh ulsiin jorlon shiidne gedeg bol shal demii ajil

Avatar

Mom 2022-03-16 64.119.17.153

zugeer eniig hariutssan humuusiig n yallaad ug, tegeed surgamj bolgohgui bol ahiad l turiin mungiig ichihgui ugaaana

Avatar

зочин 2022-03-16 43.228.131.189

Хүрээний бузрыг ухаад барахгүй гэдэг шиг тэндерийн хулгайг яриад барахгүй.Одоо бүр 100 тэрбумаар нь хусахад дөжирдөг болждээ.

Avatar

Зочин 2022-03-16 43.228.131.189

Эколос гэж компанийн хийсэн зүйл маш урт хугацаанд сунжруулж чанаргүй гүйцэтгэж байгаа нь гутамшигтай. Зүгээр л мөнгө угааж байгаа юм биш үү. Төр засаг анхааралдаа авч үр дүнтэй ажил болгох хэрэгтэй байх.

Avatar

Зочин 2022-03-16 43.228.131.189

Ug ni gishvvd mash goy ajil sanaachilsan bna. Gehdee ene chiglelin olon company-d erh tegsh medeelel ugch ursuldvvlen guitsetgvvleh heregtei yum shig ee. neg company gantsaaraa hariutsaj bgaa ni mungu ugaah ajil hiij bgaa gej harj bna.

Avatar

Зочин 2022-03-16 103.80.210.183

мөнгө угаах гэж зүтгэжээ.

Avatar

Зочин 2022-03-16 64.119.16.169

Батбаатар сайхан тэмбүү шүү

Avatar

Зочин 2022-03-16 192.82.92.6

.

Avatar

Зочин 2022-03-16 192.82.92.6

Huvsguliin hanhad buteshgui ym hiisen shde! Bohiroo neg ch ashiglaagui baahan ym shoroond bulaad orhison hevtej bgaa. Huvsguliin hanhiig ahij shineer hiihees uur argagui bolson. news mn setguulchid ochij survaljlasai.

Avatar

Зочин 2022-03-16 43.228.131.189

Gishuud saikhan zuil sanaachilsan, daanch dund ni budaa bolgoh yum daa.

Avatar

Чимэд 2022-03-16 43.228.131.189

Басандорж багшийн зөв шд. Яахаараа нэг л компанийг шахаад 50 тэрбумын ажил өгөх гээд чичрээд байдгийн. Цэвэрлэх байгууламж хийдэг өөр олон компани байхад. Эрдэнэтийн мөнгийг Батбаатар Алтай Эколос 2 нийлж л хуссан байна шд.

Avatar

Галт 2022-03-16 185.138.164.105

Арайч дээ ийм ялзаосан төр гэж байх уу? Эрдэнэт үйлдвэрээс мөнгийн гаргаж бгаа гээд бөөн шоу гаргаад бсан. Гадаа жорлонтой сургууль цэцэрлэшийг өөрчилж бна гээд бөөн сүр дуулиан болоод бсан. Гэтэл цаана нь ганцхан компаны зохион байгуулсан луйвар байсан нь тодорхой харагдаж бна. Яс юм нь дээрээ сайд Энх-Амгалан холбоотой. Хүүхдүүдээр халхавч хийж мөнгө Эрдэнэтийн мөнгийг зохион байгуулаттай зцвчуулсан ээлжит жүжиг! Өөр юуч биш

Avatar

Зочин 2022-03-16 192.82.81.140

Хүүхдийн сургууль цэцэрлэгийн мөнгөнөөс мөнгө иддэг ичдэггүй амьтад! Энх-Амгаланд хариуцлага тооцоочээ

NewsMN Гар утасны хувилбар Татах
NEWS.mn

Мэдээллийн эх сурвалж