Өвөрхангай аймагт шуурганы улмаас 4 гэр нуржээ | News.MN

Өвөрхангай аймагт шуурганы улмаас 4 гэр нуржээ

Өвөрхангай аймагт шуурганы улмаас 4 гэр нуржээ

Өвөрхангай аймагт шуурганы улмаас 4 гэр нуржээ

Дархан-Уул, Дундговь, Дорнод, Сүхбаатар, Хэнтий, Өвөрхангай, Завхан, Увс, Ховд, Орхон, Сэлэнгэ, Төв, Хөвсгөл аймгуудад өчигдөр /2022.03.14/ цас орж, Баянхонгор, Өвөрхангай, Говь-Алтай аймгуудад шороон шуурга шуурсан. Бусад нутгаар цаг агаар тогтуун байсан. Тодруулбал, ихэнх нутгаар салхины хурд 18-20 метр секунд зарим үед секундэд 25 метрийг давж, ширүүссэн. Шуурганы улмаас хүн, мал төөрсөн дуудлага ирээгүй гэдгийг албаныхан мэдээллээ.

Өвөрхангай аймгийн Нарийнтээл сумын Илийн-Ам гэдэг газар өчигдөр 18:00 цагийн орчим 14-16 м/сек хүчтэй шороон шуурга шуурсаны улмаас малчин Г-ын таван ханатай гэр нурж,  ашиглах боломжгүй эвдэрчээ. Дуудлага мэдээллийг мөн өдрийн 18:50 цагт хүлээн авсан. Мэдээллийн дагуу тус багийн Засаг даргаар ахлуулсан ажилтнууд тухайн газарт очиж, нөхцөл байдалтай танилцсан байна.

Мөн Өвөрхангай аймгийн Нарийнтээл сумын Өвгөн хөтөл гэдэг газар өчигдөр 18:00 цагийн орчим 14-16 м/сек хүчтэй шороон шуурга шуурсаны улмаас малчин Г, Л нарын дөрвөн ханатай гэр нуржээ. Тус аймгийн Цагаан-Овоо багийн малчин А-ын 5 ханатай нэг гэр нурж, ашиглах боломжгүй эвдэрсэн байна.

Баян-Өлгий, Ховдын баруун, Увс, Баянхонгор, Хөвсгөл, Булган, Дорнодын хойд, Завхан, Сэлэнгэ, Төв аймгийн зүүн, Хэнтийн өмнөд 1-25 см зузаан цасан бүрхүүл тогтосноос хамгийн их нь Хөвсгөлийн Ренчинлхүмбэд 25 см, Увсын Малчинд 20 см, Баруунтуруун, Зүүнговь, Баян-Өлгийн Булган, Хөвсгөлийн Цагааннуурт 14-16 см, Увсын Тэсд 12 см, Завханы Тосонцэнгэлд 11см, бусад хэсгээр 1-10 см зузаан цасан бүрхүүл тогтсон байна. Цаг уурын байгууллагаас нутгийн хойд хэсгээр цас орж, цасан шуурга шуурч, нутгийн өмнөд хэсгээр хүчтэй салхи, шороон шуургатай байхыг онцгойлон анхааруулж байна.

Ц.Хонгор

 

Энэ мэдээнд өгөх таны сэтгэгдэл?
1
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-03-15 213.87.136.41

***** Шилдэг тавтай морилно уу секс болзоо сайт – – – – https://mysp.ac/50fjz

NewsMN Гар утасны хувилбар Татах
NEWS.mn

Мэдээллийн эх сурвалж