Сүүлийн үеийн судалгаагаар гахайн гаргаж буй дуу авиа нь сэтгэл хөдлөлийг нь илтгэж байдгийг олж тогтоожээ.  Гахайн олон жилийн турш гаргаж буй дуу авиаг бичин авч, судалсны эцэст сэтгэл хөдлөлийг нь олж тогтоож чадахаар болсон байна. Судалгааны тайланд үзэхэд тусгай системийг гахайн фермдээ суулгаж өгснөөр сэтгэл хөдлөлийг нь олж тогтооно. Тус үйл ажиллагааг  удирдан явуулсан Копенгагены их сургуулийн дэд профессор Элоди Брифер "Энэ судалгаагаар бид амьтны дуу чимээ нь тэдний сэтгэл хөдлөлийн талаар маш сайн ойлголт өгдөг болохыг мэдэж авсан" гэв.

Эрдэмтэд хиймэл оюун ухаан (AI) ашиглан  гахайн орчуулагчийг зохион бүтээсэн бөгөөд энэ нь гахайн  эерэг эсвэл сөрөг сэтгэл хөдлөлийг мэдэрч байгаа эсэхийг тодорхойлдог. Доктор Брифер "Бид гахайн шуугианыг тайлах алгоритмыг бүтээсэн" гэж хэлэв. "Одоо бидэнд алгоритмыг эерэг бодол болгон хөгжүүлэх сонирхолтой програмист хэрэгтэй байна" гэж тэрбээр  нэмж хэлэв.

Нийт 7000 гаруй аудио бичлэгт дүн шинжилгээ хийж, сэтгэл хөдлөлийн дуу авианы зүй тогтол байгаа эсэх, эерэг ба сөрөг нөхцөл байдал, мөн сэтгэл хөдлөлийг ялгаж чадах эсэхийг шалгасан. Гахайн хашхирах нь сөрөг сэтгэл хөдлөлтэй илүү холбоотой байсан бол намуухан дуугарах нь гахай эерэг эсвэл сөрөг сэтгэл хөдлөлийг мэдрэх үед хоёуланд нь тохиолддог ажээ. Судалгааг "Scientific Reports" сэтгүүлд нийтэлжээ.

ЭХ СУРВАЛЖ: BBC.UK