Улаанбаатар хотыг зөвшөөрөлгүй гарааш, хашаа, хайснаас чөлөөлнө | News.MN

Улаанбаатар хотыг зөвшөөрөлгүй гарааш, хашаа, хайснаас чөлөөлнө

Улаанбаатар хотыг зөвшөөрөлгүй гарааш, хашаа, хайснаас чөлөөлнө

Улаанбаатар хотыг зөвшөөрөлгүй гарааш, хашаа, хайснаас чөлөөлнө

Оны эхнээс нийслэл Улаанбаатар хотын эрх зүйн байдлын тухай хууль хэрэгжиж эхэлсэн. Тус хуулиар нийслэл хотын иргэн бүр эрүүл, аюулгүй орчинд амьдрах, дэд бүтцээр хангагдах эрхээ эрх бүхий байгууллагуудаас шаардах эрхтэй болсон юм. Нийтийн эдэлбэр газарт зөвшөөрөлгүй барьсан барилга, байгууламж, гарааш зэргийг буулган, иргэдийнхээ тав тухыг хангасан орчин бүрдүүлэх ажлыг нийслэл өнгөрсөн жилээс эхлүүлсэн. Тэгвэл өдгөө энэ ажлын хүрээг тэлж, Улаанбаатар хотыг зөвшөөрөлгүй гарааш, хашаа, хайснаас чөлөөлж, иргэдийн тав тухыг хангасан орчин олныг бий болгохыг  хотын удирдлагын баг зорьж байна.

Д.Сумъяабазар: Бид зөв зохицуулалтыг эрэлхийлж, эхнээс нь суурийг нь тавьж байна

Нийслэлийн Засаг дарга бөгөөд Улаанбаатар хотын Захирагч Д.Сумъяабазараас газар чөлөөлөлттэй холбоотой зарим зүйлийг тодрууллаа.

-Өнгөрсөн онд нийтийн эдэлбэр газрыг нийтэд нь үлдээх шийдвэрийн дагуу I, III, IV, XI, XIII хорооллуудад зөвшөөрөлгүй барьсан хашаа, хайс, барилга, гараашийг буулгаж, газар чөлөөлсөн. Энэ ажлыг 2022 онд эрчимжүүлнэ гэж та өнгөрсөн жил хэлж байсан. Тус ажлыг хэзээнээс эхлэхээр төлөвлөж байна вэ?

-Социализмын үед хувийн өмч гэж огт байгаагүй шахам юм. Социализмын бүтээн байгуулалт, хүмүүсийн сэтгэлгээ ч тийм л байсан. Нийгмийн өмч, нийтийн хөрөнгө. Тэр хүрээнд  дөч, тавин мянгат, I, III, IV хороолол, бичил хорооллууд баригдсан. Тухайн үед орон сууцны барилгуудад гарааш байхаар төлөвлөлт, зохион байгуулалт хийгээгүй. Ерээд оноос хойш иргэд маань хувийн өмчтэй, тэр дундаа хувийн машинтай болж, гарааш барих газар хүсэх нь олширч, тэр дагуу тухайн үеийн хотын удирдлагууд гарааш барих зөвшөөрөл өгөх болсон. Мөн орон сууцны нэг давхруудыг үйлчилгээний зориулалтаар ашиглаж, тэр хэрээр хашаа, хайс барих зэргээр анхны төлөвлөлтийг алдагдуулсан байдаг. Тэр бүхнийг өнөөдөр зөв, буруу гэж шүүхээс илүү яаж засах вэ гэдэгт анхаарч ажиллаж байна. Өнгөрсөн 30 жилийн алдаа, дутагдлыг засах бодлого хэрэгтэй. Бид зөв зохицуулалтыг эрэлхийлж, эхнээс нь суурийг нь тавиад явж байна. Тэгэхээр хотын эрх зүйн зохицуулалт, дүрэм, стандарт орчин үед ямар байх ёстой вэ гээд бодлого руу эргээд орж байгаа. Бүх юм хууль, эрх зүйн зохицуулалт, дүрэм, журам, стандартын дагуу явах ёстой.

Өнгөрсөн нэг жилийн хугацаанд гарааш буулгахдаа зарим нэг зөвшөөрөлтэйд нь нөхөн олговор олгож, зөвшөөрөлгүйг буулгаж ирсэн. Нийтдээ мянга орчим гараашийг буулгаж, газар чөлөөлсөн. Үүнд бухимдаж уурлах хүн ч цөөнгүй. Мянган гарааш гэдэг бол урьд өмнөх жилүүдэд буулгаж байснаас 10 дахин өндөр тоо. Буулгасан гарааш, хашаа, хайсны оронд ногоон байгууламж бий болгосон. Ингэснээр иргэд явган замаар зорчиход эрсдэлгүй болсны дээр ая тухтай орчин бүрдэж байна. Энэ бол нэг талдаа хотын зүгээс хийж буй ажил боловч нөгөө талдаа иргэдийн хүлээлт их байна. Иргэд энэ ажилд өндөр үнэлгээ өгч, дэмжиж байгаа. Одоо ч хүлээлттэй байгаа. Хотын өнгө үзэмжийг нэмэх, орон зайн төлөвлөлтийг зөв болгох, иргэд чөлөөтэй орж гарах, алхах нөхцөлийг бүрдүүлэхийг олон нийт хүсэж байгаа. Энэ ажлыг энэ жил үргэлжлүүлнэ. 4800 орчим гарааш буулгах төлөвлөгөөтэй байгаа. Дээр нь хашаа хайсуудыг буулгана. Хотын төвөөр хашаа, хайсыг дураараа барих нь өнгө үзэмжгүй болгохын дээр газрын гэрчилгээтэй л бол хашаа хатгана гэсэн ойлголтыг хална. Улаанбаатар хотын 188 байршилд 4800 гарааш буулгах чиглэлийг есөн дүүргийн удирдлагуудад өгөөд байгаа. Газар зохион байгуулалтын алба энэ тал дээр эрчимтэй ажиллана. 4800  гараашийг буулгахад хотын өнгө үзэмж эрс өөрчлөгдөнө. Харагдах байдал, орон зай өөр болно. Энэ жил ногоон байгууламжийг маш сайн гүйцэтгэхээр төлөвлөж байгаа. Гуравдугаар сарын 15-наас ажил эхэлнэ. Дөрөвдүгээр сарын 1-нээс бүтээн байгуулалт эхэлнэ. Нийт тендерийн 90 хувь нь гүйцэтгэлээр орж, тендер шалгаруулах процессдоо орсон байна. Хавар, зуныг хэрхэвч алдаж болохгүй. Ялангуяа Улаанбаатар хотын төв буюу Бага тойруу, Их тойрууд орон зайн төлөвлөлтүүдийг хийх, онцгой чиг үүрэгтэй тээврийн хэрэгслүүдийн нэвтрэх бололцоог хангах, хүүхдийн парк болон бусад газрын төлөвлөлтүүдийг нарийвчилж хийхээр төлөвлөсөн. Улаанбаатар хотын Ерөнхий архитекторт үүрэг өгсөн. Энэ жилийг бүтээн байгуулалтын жил болгож, хувийн хэвшилтэйгээ хамтарсан, нийслэлийн зүгээс манлайлал үзүүлсэн, олон улсын түншлэлийн хэмжээнд зохицуулалт хийхээр олон ажил төлөвлөсөн.

-Газар чөлөөлөлтийн ажил гуравдугаар сарын 15-аас наймдугаар сарын 15-ныг хүртэл таван сарын хугацаанд үргэлжилнэ. Энэ хугацаанд зөвшөөрөлгүй барьсан объектуудыг буулгачихаад, дараа нь ямар бүтээн байгуулалт хийх вэ. Зорьж буй ажлаа хийж амжих болов уу. Гүйцэтгэгчдийг хэр шахаж ажиллаж байна вэ?

-Өнгөрсөн жил газар чөлөөлөлт, ногоон байгууламжийн ажилд нэлээдгүй туршлагажсан. Ажлын туршлага бол маш чухал шүү дээ. Өнгөрсөн жил 1000 орчим гарааш буулгасан бол энэ жил 4860 орчмыг буулгана. Энэ ажилдаа нэг их түүртэхгүй байх. Гол нь зохион байгуулалтаа сайн хийх үүргийг л өгч байгаа. Зарим газар нь шөнө нь гараашаа буулгаад, өглөөнөөс нь тохижилтоо хийж эхлэх хэрэгтэй. Хэмжээ багатай газрыг дор нь буулгаад л цэвэрлэх ёстой. Ногоон байгууламжтай, ая тухтай орчныг л бүрдүүлэх үүрэг, чиглэлийг дүүргүүд болон бусад харьяа байгууллагууд аваад, ажилдаа орж байгаа. Улаанбаатар хотын хувьд 2022 оныг иргэний жил болгон зарласан. Иргэнд ээлтэй байх, иргэн ажлын байртай байж, орлоготой байх ёстой шүү дээ. 2022 онд маш сайн зохион байгуулалтад ороод ажиллахад эерэг бодитой үр дүн, өөрчлөлтүүд нүдэнд илт харагдана гэж үзэж байна хэмээлээ.

Г.Батзориг: Газруудыг зөвхөн чөлөөлөх бус, тохижилт, ногоон байгууламж хийнэ

2021 онд Улаанбаатар хотод нийтийн эзэмшлийн зам талбайд стандартын бус, зохих зөвшөөрөлгүй ашиглаж байгаа зөрчил бүхий гарааш, зөөврийн байгууламж, өргөтгөл, хашаа, хаалт, хайс, шон зэргийн 1556 объектыг чөлөөлж, 43 байршилд тохижилтын ажил хийх боломжийг бүрдүүлсэн бөгөөд дөрвөн байршилд тохижилтын ажлыг хийж дуусгажээ. Энэ талаар Нийслэлийн Газар зохион байгуулалтын албаны дарга Г.Батзоригтой ярилцлаа.

-Өнгөрсөн жил Хотын дарга хоёр захирамж гаргаж, нийтийн эдэлбэр газрыг нийтэд нь үлдээх шийдвэрийн дагуу хэд хэдэн байршилд зөвшөөрөлгүй барьсан байгууламжууд буюу гараашийг чөлөөлсөн. Энэ жилийн хувьд ажил ямар шатандаа явж байна вэ?

-Энэ жил нийт зөвшөөрөлгүй 4860 гарааш буулгаж, зөрчил арилгахаар ажиллаж байна. Газар чөлөөлөх ажлыг 2022 оны гуравдугаар сарын 15-наас хийж хэрэгжүүлэхээр ажиллаж байна. Эхлээд цэцэрлэг, сургууль орчмын гараашнуудыг буулгаж эхэлнэ.

-Гарааш буулгах явцад олон нийтийн хандлага ямар байна вэ?

-Өнгөрсөн жил 1000 орчим гарааш чөлөөлсөн. Иргэд маш идэвхтэй дэмжсэн. Энэ жил мөн дэмжиж байна. Эдгээр газруудыг зөвхөн чөлөөлөх бус, тохижилт хийх, ногоон байгууламж барих, зам талбай гаргах ажлууд хийнэ. Чөлөөлсөн талбайд ямар нэг барилга барихгүй. Тодорхой байршлуудад иргэдтэй зөвшилцөж байгаа. Нэг жишээ татахад I хорооллын ард 1900 орчим гарааш бий. Үүнд тохижилт хийх, ногоон байгууламж барих ерөнхий төлөвлөгөөг батлуулна.

-Нийтийн  эдэлбэр газарт зөвшөөрөлгүй барьсан барилга, байгууламжийг буулгаж, бүтээн байгуулалт хийхэд иргэд голчлон ямар саналтай байна вэ?

-Тухайн оршин суугчдаас санал авахын тулд нэлээн ажиллагаа хэрэгтэй байгаа. Доороо зогсоолтой байрнууд тусдаа, зогсоолгүй байрнууд бол давхар гарааштай, тоглоомын талбайтай гэх мэт олон янзаар яригдана. Бид газрыг буулгаж чөлөөлөөд, иргэдээс санал авч  байгаа. Энэ бол үе шаттай, тодорхой хугацаанд хийх ажил. Ногоон байгууламж, хүүхдийн тоглоомын талбай нийслэлийн хэмжээнд их дутагдалтай байна.

-Өнгөрсөн жил чөлөөлсөн газруудад ямар бүтээн байгуулалтууд бий болсон бэ?

-Өнгөрсөн жил 1500 орчим объект, зөрчлийг арилгасан. Нийт 37 мянган мкв газрыг чөлөөлж, дөрвөн байршилд ногоон байгууламж, тоглоомын талбай хийсэн. Мөн 43 байршилд ногоон байгууламж, хүүхдийн тоглоомын талбай бий болох нөхцөлийг бүрдүүллээ.

НИТХ-ын 2019 оны тогтоолоор нийтийн эзэмшлийн газрыг чөлөөлөх, хашаа хайсны журам гэж гарсан. Бид уг журмыг энэ жил дахин хэрэгжүүлнэ. Өнгөрсөн жилийн хувьд 1500 орчим байршилд газар чөлөөлөлт хийсэн. Гэсэн ч газар чөлөөлөлт хийсэн байршилд дахин хашаа, хайс татсан асуудал гарсан. Тиймээс энэ жил 57 байршилд 400 орчим газрыг дахин чөлөөлнө. Хашаа, хайстай холбогдох журмыг мөрдүүлж, шон татаж, гинжилдэг байдалд арга хэмжээ авна.

-Өнгөрсөн жилүүдэд чөлөөлсөн газар дээр дахин хашаа, хайс барьсан асуудал гарсан гэж байна шүү дээ. Магадгүй энэ цаашид давтагдахыг үгүйсгэхгүй. Хэрэв нийтийн эзэмшлийн газрыг чөлөөлсний дараа дахин хашаа баривал ямар хариуцлага тооцох вэ?

-Өнгөрсөн жилийн тухайд уг ажлыг дан ганц Нийслэлийн Газар зохион байгуулалтын алба л хэрэгжүүлээд явдаг байсан. Энэ жил арай өргөжиж байгаа. Өөрөөр хэлбэл, Хотын стандарт, хяналтын газар, НМХГ, НОБГ зэрэг боломжит бүхий л харьяа байгууллагууд хамтран хэрэгжүүлж, хяналт тавихаар төлөвлөсөн. Шон, хайсыг буцааж бариулахгүй байх тал дээр нь анхаарах гэхчлэн бүх арга хэмжээг цогцоор нь авна.

Иргэд: Зөвшөөрөлгүй, ашигладаггүй гараашнуудын оронд ногоон байгууламжийг нэмэгдүүлээсэй

Иргэд нийтийн эзэмшлийн зам, талбайг чөлөөлөхөд дараах байр суурийг илэрхийлж байна.

-Улаанбаатар хотод цэцэрлэгт хүрээлэн, хүүхэд залуучуудад зориулсан газар цөөхөн болохоор тиймэрхүү чиглэлийн бүтээн байгуулалт хийгээсэй гэж бодож байна.

-Гол нь буулгаж байгаа гараашнууд нь зөвшөөрөлгүй байгаа тохиолдолд ногоон байгууламж зэрэг бүтээн байгуулалт хийвэл зүгээр байх.

-Энд тэндгүй ашигладаггүй хуучин гараашнуудтай. Хажуугаар нь зөрж өнгөрөхөд хүртэл хэцүү, хог шороо ихтэй, хүмүүс шээж, баагаад бас л хэцүүхэн л харагддаг шүү дээ.  Ялангуяа хүүхдийн цэцэрлэгийн урд ийм гарааш олон байдаг болохоор хурдан буулгаасай л гэж бодож байна.

-Тоосгон гараашнууд  хотын өнгө үзэмжид муугаар нөлөөлөхүйц л харагддаг. Мэдээж хувь хүний өмч хөрөнгө байгаа л байх. Гэхдээ зөвшөөрөлгүй гарааштай бол нийтийн эрх ашгаа бодож нураах л хэрэгтэй болов уу.

-Ногоон байгууламжуудыг нэмэгдүүлбэл агаарын бохирдлыг ч бууруулахад дэмтэй. Тэгэхээр зөвшөөрөлгүй, ашигладаггүй гараашнуудын оронд ногоон байгууламжийг нэмэгдүүлээсэй.

-Иргэдийнхээ эрүүл мэндийг бодоод ногоон байгууламжаа нэмж барихад түлхүү анхаарах хэрэгтэй байх.

-Тоосгон гараашнууд чинь харагдах байдлаасаа ч муухай харагддаг. Тэгэхээр тэдгээрийг буулгаж, газар чөлөөлж байгаа ажил бол маш зөв гэж харж байгаа. Зөвшөөрөлгүй бол буулгасан нь л дээр.

 НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР

Энэ мэдээнд өгөх таны сэтгэгдэл?
15
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

28 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2022-03-14 66.181.182.127

Ядуусынхаа ганц үл хөдлөх хөрөнгөнд МАН -ын дарга Оюун-эрдэнэ, хотын дарга Сумъяа нар гар дүрлээ. Баячуудын даварсан гарууд бол тэдСүхбаатар дүүргийн Засаг даргын захиамжтай, эзэмших эрхийг Газрын албанаас өгсөн гэрчилгээтэй , нэг стандартаар баригдсан тоосгон гаражийг буулгааад нөхөн төлбөр өгөх юмуу. бид 9,5 сая төгрөгөөр худалдаж авсан одоогийн ханш 12,0 сая болсон байнаа. Энэ төр, Сумъяабазар хүний үл хөдлөх хөрөнгөнд хэрцгий хандаж эхэллээ. Шүүхээр шийдэгдэх асуудал шүүэнд хахуул өгдөг байх

Avatar

Зочин 2022-03-14 66.181.161.108

Уг нь ч зөв сайн ажил. Гэхдээ хотын бусад орчин нөхцөлийг бодолцож үзэх ёстой байх. Иймэрхүү иргэдэд зориулан улсаас маш том дулаан гарааш барьж өгөөд нэг нэг зогсоол үнэгүй өгөх хэрэгтэй. Баячуудын тэр дураараа барьсан байшингуудыг шууд мөнгийг нь өгөөд нураах хэрэгтэй.

Avatar

Зочин 2022-03-14 139.5.217.212

БГД-ийн 17,18-р хорооны 96-р сургуулийн хойд талд байрлах, 162-р цэцэлэгийн яг зүүн талд зэргэлдээх, ШИНЭ 7- р төвийн хойд талд байрлах 200 гаруй гражуудийг буулгаач. Буулгачихаад битгий л байшин барьчихаарай даа.

Avatar

Зочин 2022-03-14 213.87.138.182

^^^^^^^^ Шилдэг тавтай морилно уу секс болзоо сайт – – – – https://mysp.ac/50fjz

Avatar

Зочин 2022-03-14 66.181.181.9

Зөвшөөрөлгүй хашаа гражаас гадна.авилгалаар зөвшөөрөл авч барьсан Хомё плаза мэтийн обкектыг нураагаач.Сандуй тэрийг ямар зөвшөөрөлөөр барьсан нь сониншдээ.яг машины зам дээр түгжрэл үүсгэх том шалтгаан шүү.Нураахад улс ч тэр Сандуы ч тэр хохирохгүй.харин түгжрэл багасна

Avatar

Зочин 2022-03-14 64.119.23.233

Өнөөдөр хүний хөрөнгөнд халдаж гараж нураахад зарцуулаад байх тийм их илүүдээ гарсан мөнгө манай улсад байгаа юмуу тэр гаражид чинь машинаа тавьсан хүн шөнө тайван нойртой хонодог юм сөх ийн хөө харьяалалд хамаарах газарт оршин суугчид хамтран барьсан гараж ч байгаа шүү ард түмэн бүгд машинаа авто зам дээр тавих байх шүү

Avatar

Зочин 2022-03-14 66.181.180.73

Дэмжиж байна дэмжиж байна

Avatar

Uyanga 2022-03-14 202.126.89.129

Zow shdee estoi zow yum hij bayrllaa, ene zuwshuurulgui barigdsan garash ih bii tegeed buuur neg dawartsan nuhduud bdgin ,

Avatar

Иргэн 2022-03-14 122.201.31.146

Маш зөв ажил шүү хотын оршин суугч иргэний хувьд дэмжиж байна. Сүүлийн үед хотын төвд барилга, байгууллага болгон өмнө нь байсан хашаагаа гудамж чөлөөтөй газар л байвал түүнийг ашиглан дур мэдэн аль болохоор томсогдог болсноос машин байтугай явган зорчигч явах газаргүй болж байна.Нийслэлийн ер. төлөвлөгөөн дахь барилга, байгууллагын талбайнаас илүү гаргаж хашаалсан бүх хашааг дүүрэг бүрээр нарийн тогтоож журамлан илүү талбай хашсан хашаануудыг буулгаж газрыг чөлөөлөх нь зүйд нийцнэ.

Avatar

Долгор эмээ 2022-03-14 192.82.78.85

Японы машины сэгээсээ салаач дээ. Хотын гудамжаар алхах боломжгүй хар утаанд нь зордоод зай завсаргүй чигжиж барьсан амбаар гарааш, хашаа хайсыг тойрч явсаар хүүхэд хөгшид бид багтарч үхэх нь байна шүү.. Та нар машин унах эрхтэй бол бид цэвэр агаарт саруул гудамжаар алхан цэцэрлэгээр алхан гүйж биенийхээ чилээг гаргах эрхтэй шүү.

Avatar

Зочин 2022-03-14 203.217.139.240

Авто машины гарааш, зогсоолыг бодоочээ, ялангуяа хуучин хорооллууд дороо, хажуудаа зогсоолгүй төлөвлөлттэй. Олноор баригдсан хуучин тоосгон грашуудыг олон давхар зогсоол болгооч ээ. буулгаад шамбааралдуулаад бас нэг байшин барих юм.

Avatar

Зочин 2022-03-14 66.181.177.17

ИРГЭДЭЭ ДАРАМТЛАХДАА СУРАМГАЙ ТЭР МӨНГӨӨРӨӨ РЦНК РОЯЛКАСТЕЛ ХООРОНДОХ ГАЗРЫГ ТОХИЖУУЛААЧ ЭСВЭЛ НЭГ ДАРГА НЬ ЗАРАХ ГЭЭД БАЙГАА ЮМ УУ

Avatar

Хот хот биш болж 2022-03-14 202.21.104.2

яг үнэн! нийтийн эзэмшлийн газрыг том том хайс хашлагаар хаших ямар хэрэг байна? даварсан жонхуунууд.. зай завсар болгоноор явган хүн машин тэрэг, дугуйтай хүмүүс явж байх ёстойшд. дэлхийн аль ч хотод ийм сарайж сэрийсэн хайс хашлага байхгүй. зөвхөн модны сууриа л хамгаалах, бусдыг нь асфальт болгох нь хотын стандарт шүү. цэцэрлэгт хүрээлэн тусдаа асуудал. шамбааралдсан заваан хайс, хөл төвих аргагүй түгжрэл, дур дураараа хашиж мөнгө авдагыг нэн даруй болиулах. Хотын захиргаа юу хийдэг юм бэ?

Avatar

зочин 2022-03-14 103.229.120.209

Ядуусынхаа ганц үл хөдлөх хөрөнгөнд МАН -ын дарга Оюун-эрдэнэ, хотын дарга Сумъяа нар гар дүрлээ. Баячуудын даварсан гарууд бол тэдэнд хахуул өгдөг байх

Avatar

зочин 2022-03-14 103.229.120.209

Стандартаар баригдсан гарашийн эздүүд үл хөдлөх хөрөнгөө хамгаалж нэгдэцгээе.

Avatar

Загдаг 2022-03-14 64.119.19.2

Хотын захиргааны ганц хийж чадах ажил нь гарааш нураах болж дээ. Зөвшөөрөлгүй гэгдэх бусад зүйлсэд бол хүрч чадахгүй. Бүтээн байгуулалтыг бол бүр ч хүч хүрэхгүй

Avatar

зочин 2022-03-14 103.229.120.209

Дүүргийн Засаг даргын Захирамж байна уу гэдгийг ялгаж чадах чадвартай газрын даамлуудаа ажиллуулаач. . Одоо дандаа цүнх баригч МАН-ын Сумъяагийн дуу хойлойг давтагсад хандаж байна. ямарыг буулгах ямарт нь нөхөн олговор өгөх, шууд хэлээд өгчих мэдлэггүй л хотын дарганцар шүүдээ. Нэг стандартаар баригдсан бүх гарашийг буулгавал ялгаварлан хандахгүй бүгдэд нөхөн олговор өгөхгүй бол олон иргэн үл хөдлөх хөрөнгийнхээ төлөө шүүхэд хандаж эхэллээ.

Avatar

хотын иргэн 2022-03-14 139.5.216.227

Би тухайн үеийн ханшаар 6 сая төгрөгөөр гараш худалдан авсан. тэгэхэд хэн ч хориглоогүй. Одоо түүнийг маань буулгаад надад хэн үнийг нь өгөх юм

Avatar

Зочин 2022-03-14 202.179.24.211

Замын цагдаагийн гүүрний урд тулж баригдсан ХӨҮМ ПЛАЗА г нурааж зам чөлөөлөөч. Ядарсан иргэдийн ганц хөрөнгөтэй байлдаад байхын. Иргэд ч яасан хүлцэнгүй юм

Avatar

зочин 2022-03-14 103.229.120.209

Сүхбаатар дүүргийн Засаг даргын захиамжтай, эзэмших эрхийг Газрын албанаас өгсөн гэрчилгээтэй , нэг стандартаар баригдсан тоосгон гаражийг буулгааад нөхөн төлбөр өгөх юмуу. бид 9,5 сая төгрөгөөр худалдаж авсан одоогийн ханш 12,0 сая болсон байнаа. Энэ төр, Сумъяабазар хүний үл хөдлөх хөрөнгөнд хэрцгий хандаж эхэллээ. Шүүхээр шийдэгдэх асуудал шүүдээ. Газрын албаны түрэмгий, хэрцгий хүмүүсээ явуулчихаад хүний үг сонсохгүй, иргэдийн хөрөнгө рүү хэрцгийгээр дайрч байгаа МАН яаж байна аа

Avatar

Зочин 2022-03-14 112.72.10.62

Маш зөв

Avatar

СУМЪЯАБАЗАРАА ЭРГҮҮ БӨХӨӨ 2022-03-14 122.201.31.250

ЗАЙЛШГҮЙ ХАШААЛАХ ЁСТОЙ СУРГУУЛЬ ЦЭЦЭРЛЭГ ЭМНЭЛЭГ ЦАГДАА ӨӨР ЮУ БАЙДГЫН ТЭДГЭЭРЭЭС БУСАД ОЛОН НИЙТИЙН БОЛОН ОРОН СУУЦНЫ ХОРООЛОЛУУДЫН БҮХ ХАШАА ХАЙСЫГ АВЧ ХАЯХ ХЭРЭГТЭЙ. ХОТЫН ТӨВД
ЗҮРХЭНД НЬ БАЙГАА ХҮҮХДИЙН ПАРКЫН ХААЛГЫГ ЯАХААРАА ЦООЖТОЙ БАЙЛГАЖ БАЙДАГ ЮМБ?! ЯВГАН ХҮН ХҮССЭН ЧИГЛЭЛДЭЭ НИЙТИЙН ЭЗЭМШЛЭЭР ЧӨЛӨӨТЭЙ ЗОРЧИХ БҮХ БОЛОМЖИЙГ НЭЭХ ХЭРЭГТЭЙ

Avatar

машины зогсоол хэрэгтэй байна 2022-03-14 124.158.126.107

энэ олон машин тавих газаргүй байна. чөлөөлсөн газрын зарим хэсэг дээр машины зогсоол хийгээч ээ

Avatar

Энхбаяр 2022-03-14 122.201.26.13

Зөвшөөрөлгүй гээд худлаа яриа байх юм. Би 1-р хороололд 1998 онд СХД -н газрын албаны дарга байсан хүүхний бариулсан гражыг тухайн үеийн 850000 төгрөгөөр худалдаж авсан. 18 м/кв газрыг түр эзэмших гэсэн гэрчилгээтэй гэрээтэй. Тэр гэрээн дээр шаардлага гарсан үед газрыг чөлөөлж өгнө гэсэн заалт бий. Энэ заалтыг хэрэгжүүлж байна гэж ярихгүй юм. Хэн дуртай нь хаа хамаагүй газар граж барьчихсан юм шиг худлаа яриад байх юм. Үнэн ярьчихвал нөхөн төлбөрт унана гээд айгаад байдаг юм болов уу

Avatar

яриа хөөрөө 2022-03-14 66.181.166.134

Автобусны буудлууд дээрх ТҮЦ-ний асуудлыг шийдэж чадахгүй тойроод бна даа. хөл гишгэх газаргүй болжээ.

Avatar

Зочин 2022-03-14 66.181.187.154

өөрийн гэсэн гараажтай байх ёстой ш дээ. Дандаа байшингийн доод зогсоолд тавих юм уу? Орон сууцны дор авто машины зогсоол байх нь хамгийн эрсдэлтэй!!!!

Avatar

Зочин 2022-03-14 66.181.179.121

Буулгахдаа нөхөн төлбөр өгөө

Avatar

Зочин 2022-03-14 103.9.90.100

гражийг буулгаж болно. Иргэд өөрсдийнхөө хөрөнгөөр барьсан юм шүү. Хоёрдугаарт орцны үүдээр дүүрэн машин, хүүхдүүдийн аюлугүй байдал маш их алдагдаж байна. машины түгжрэл зам дээр, хороолол дотор, орцны үүднээс эхэлж байна. Энэ асуудлыг шийдээчээ

NewsMN Гар утасны хувилбар Татах
NEWS.mn

Мэдээллийн эх сурвалж