Украины Шадар сайд Ирина Верещук “Өнгөрсөн Бямба гаригт Украины хэд хэдэн хотоос 13 мянга орчим хүнийг нүүлгэн шилжүүллээ” гэж мэдэгдэв. Энэ нь өмнөх өдөр нүүлгэн шилжүүлсэн тооноос даруй хоёр дахин их тоо аж.
Верещук цахим хуудсаараа дамжуулан бүслэлтэд буй Мариуполь хотоос хэн ч гарч чадаагүй байгааг мэдэгдээд, "Иргэдийг нүүлгэн шилжүүлэх ажиллагаанд Оросын цэргүүд саад учруулж байна" гэжээ.
Москва өмнө нь “Украины цэргүүд тэнд хүмүүсийг санаатайгаар урхинд оруулсан” гэж буруутгасан юм.
Эх сурвалж: REUTERS
