Зүүнбаян-Ханги чиглэлийн төмөр замын бүтээн байгуулалт эхэллээ | News.MN

Зүүнбаян-Ханги чиглэлийн төмөр замын бүтээн байгуулалт эхэллээ

Зүүнбаян-Ханги чиглэлийн төмөр замын бүтээн байгуулалт эхэллээ

Зүүнбаян-Ханги чиглэлийн төмөр замын бүтээн байгуулалт эхэллээ

“Шинэ сэргэлтийн бодлого”-ын хүрээнд эдийн засгийг тэлэх чухал ач холбогдолтой, экспорт, импортын шинэ гарц болох Зүүнбаян-Ханги чиглэлийн төмөр замын бүтээн байгуулалт өчигдөр/2022.03.11/ эхлэв.

Монгол Улсын Ерөнхий сайд Л.Оюун-Эрдэнэ, Зам, тээврийн хөгжлийн сайд Л.Халтар, Сангийн сайд Б.Жавхлан, Батлан хамгаалахын сайд Г.Сайханбаяр болон холбогдох албаныхан нээлтийн үйл ажиллагаанд оролцжээ. Монгол Улсын Ерөнхий сайд Л.Оюун-Эрдэнэ Монгол Улсын Засгийн газраас дэвшүүлсэн “Шинэ сэргэлтийн бодлого”-ыг энэ оны эхний өдрөөс хэрэгжүүлж эхэлсэн. Мөн Оюутолгойн Гүний уурхайн бүтээн байгуулалтыг эхлүүлсэн гэдгийг дурдав. Түүнчлэн “Шинэ сэргэлтийн бодлого”-ын хүрээнд хэрэгжүүлж буй хоёр дахь том төсөл Зүүнбаян-Ханги чиглэлийн 226 километр төмөр замын бүтээн байгуулалтын ажлыг төр, хувийн хэвшлийн түншлэлээр өнөөдөр эхлүүлж, хагас жилийн дотор ашиглалтад оруулахаар зорьж байна хэмээн хэллээ.

Зам, тээврийн хөгжлийн сайд Л.Халтар “2019 онд эхэлсэн Тавантолгой-Зүүнбаян чиглэлийн төмөр замын барилгын ажил дуусаж, өнгөрсөн долоо хоногт зэсийн баяжмалыг туршилтаар тээвэрлэсэн. Дараагийн бүтээн байгуулалт бол Зүүнбаян-Ханги чиглэлийн төмөр зам. Монгол Улсын экспортын голлох бүтээгдэхүүн болох зэс, коксжсон нүүрсний экспортын 50 орчим хувийг Гашуунсухайт боомт дангаараа эзэлдэг бол өргөн хэрэглээний бараа бүтээгдэхүүний импортын 70 гаруй хувийг зөвхөн Замын-Үүд боомтоор нэвтрүүлдэг. Энэ нь хэчнээн хүнд болохыг коронавирусийн цар тахал бидэнд ойлгуулсан билээ. Ханги боомт нь газарзүйн байршлын хувьд Гашуунсухайт, Замын-Үүд боомтуудын дунд байрладгаараа стратегийн хувьд туйлын чухал ач холбогдолтой.

Ханги-Мандалын боомтыг төмөр замаар холбож, шинэ гарц нээснээр манай улсын импорт, экспортын бараа бүтээгдэхүүний нэвтрэх хүчин чадал нийт 20 сая тонн, цаашид 30-35 сая тонн болж өсөх боломжтой. Өөрөөр хэлбэл, Ханги-Мандалын боомт ашиглалтад орсноор хоёрдахь Гашуунсухайт болон Замын-Үүд бий болно. Түүнчлэн төмрийн хүдрийг Хятадын дотоодын болон Австралийн төмрийн хүдэртэй үнийн хувьд өрсөлдөхүйц болгохоос гадна экспорт, импорт болон дамжин өнгөрүүлэх ачаа тээврийн хэмжээг нэмэгдүүлэх, олон улсын төмөр замын шинэ гарц үүсэх юм. Байгаль, экологид сөрөг нөлөөгүй тээвэрлэж эхэлнэ" гэв.

Ташрамд дурдахад, Зүүнбаян-Ханги чиглэлийн 226 километр үргэлжлэх төмөр замын бүтээн байгуулалтын ажилд 180 аж ахуйн нэгж, 3500 гаруй ажилчид оролцож, цаашид байнгын 1300 гаруй ажлын байр шинээр бий болно. Энэхүү бүтээн байгуулалт нь Зүүнбаян төмөр замаас салаалснаар Монгол Улсад хамгийн анхны гурвалсан төмөр замын уулзвар бий болж байгаа юм.

 

Энэ мэдээнд өгөх таны сэтгэгдэл?
4
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЗОЧИН 2022-03-12 66.181.179.226

ДЭЛГЭРСАЙХНЫ ТӨМРИЙН ХҮДРИЙН ХЯТАДЫН НУТГААР ТЭЭХ ТЭЭВРИЙН ЗАРДЛЫГ ЭРС БУУРУУЛЖ,МАНАЙ НУТГААР ТЭЭХИЙГ НЭМЭХ СОНИРХОЛ ТӨР,ЗАСГИЙНХАНИЙ ЮУ, ХЭН НЭГНИЙ АВИЛГААР ХИЙЖ БУЙ ҮЙЛДЭЛ ҮҮ,ЭНД МАШ ТОМ ЭРХ АШГИЙН СОНИРХОЛ БН,ТАВАНТОЛГОЙН/ТТ/НҮҮРС МӨН АВ АДИЛ,ТТ-гоос ЦААШ ШУУД ГС-аар ГАРГАХЫН ОРОНД НИЛЭЭДИЙГ НЬ НУТГИЙН ГҮНРҮҮ СШ ХҮРТЭЛ 466 км ТЭЭГЭЭД,БУЦААГААД СШ-аас ХАНГИ ХҮРТЭЛ 276 км,НИЙТ 742км ДЭМИЙ ТЭЭЖ БАЙЖ ХИЛ ГАРГАЖ,ТЭЭВРИЙН ЗАРДЛЫГ ЭРС НЭМЭГДҮҮЛЖ,ЭКСПОРТЫН ОРЛОГЫГ БАГАСГАХ НЬ ХЭНД АШИГТАЙ ВЭ?

Avatar

ZOCHIN 2022-03-12 66.181.179.226

АРД ТҮМНИЙГ ӨӨРСӨД ШИГЭЭ НОМГҮЙ,ТАРХИНЫ ТУРААЛТАЙ ГЭЖ ЕС,САЙД НАР БҮҮ БОД,ЭНЭ ЗАМ ЗӨВХӨН ХЯТАДАД АШИГТАЙ ЗАМ: 318км-ээр ЗӨВХӨН ХЯТАДЫН НУТАГТ БОГИНОСНО,ХАРИН МАНАЙ НУТАГТ ОДОО СШ-ЗАМЫНҮҮД ЗАМ:ЗАМЫНҮҮД1111км – СШ 876км=235км БАЙГАА,СШ-ХАНГИ ЗАМ: СШ-ЗҮҮНБАЯН 50км+ЗҮҮНБАЯН-ХАНГИ 226.3км = 276.3км БОЛЖ 41.3км-ээр УРТСАНА,ХАРИН Ч ТЭЭВРИЙН ЗАРДАЛ БАГАСАХ БИШ ЭНЭ ХЭМЖЭЭГЭЭР НЭМЭГДЭНЭ,УЛСУУД ЭКСПОРТЫН АЧААГ ХИЛ ДЭЭР ӨГЧ АВАЛЦДАГ,ЦААШ ХЯТАД НУТГААРАА ХЭДЭН КМ ТЭЭЖ ХҮРГЭХ НЬ БИДЭНД ОГТ ХАМААГҮЙ

Avatar

Зочин 2022-03-12 213.87.138.165

>>>>>> Шилдэг тавтай морилно уу секс болзоо сайт – – – – https://mysp.ac/50fjz

Avatar

ЗОЧИН 2022-03-12 202.9.46.30

ТАВАН ТОЛГОЙ- ГАШУУН СУХАЙТЫН ТӨМӨР ЗАМАА ДУУСГААГҮЙ БАЙЖ….ТЭГЭЭД Ч ТӨМӨР ЗАМ ОДОО ТАВИАД ХЭРЭГ БАЙГАА ЮМУУ? ХЯТАДУУД НҮҮРС АВАХАА ЭРС БАГАСГААД БАЙХАД,,,, БААХАН ХӨРӨНГӨ ҮРСЭН ХЭРЭГГҮЙ ТӨМӨР ЗАМТАЙ БОЛОХ ЮМ БИШ БИЗ !!!

Avatar

Зочин 2022-03-12 202.126.88.60

ХИЛИЙН "ЧӨЛӨӨТ ХУДАЛДААНЫ БҮС" ГЭЖ ҮР АШИГГҮЙ ЮМ БАРЬЖ ӨЧНӨӨН ЖИЛ, ЦАГ ХУГАЦАА АЛДАЖ СУУХААР ЭХЛЭЭД ИЙМЭРХҮҮ ДЭД БҮТЭЦҮҮДЭЭ БАРИХ ЁСТОЙ БАЙЖДЭЭЭ ⁉️ ОДОО БАТАЛГААТ ГААЛИЙН АГУУЛАХУУД БАРИХ ЁСТОЙ

Avatar

ДАШ 2022-03-12 59.153.114.50

ЯМАР САЙХАН МЭДЭЭ ВЭ?, БАЯР ХҮРГЬЕ. ИНГЭЭД БАЙВАЛ УЛС МААНЬ ДОРОО ХӨГЖИНЭ ДЭЭ.

Avatar

Зочин 2022-03-12 202.9.40.94

Танай сайтад энэ ямар хамаатай юм бэ. МАНАН-гийн сайт буюу Ц.Элбэгдорж, М.Энхболд нарын сайт бүх зүйлийг харлуулдаг, үгүйсгэдэг. Монгол хөгжихгүй, ард түмний амьдрал муу л байвал та нар баярлаж сайхан амьдарч байдаг. Амнаас нь өөдтэй бэлэг дэмбэрэлтэй зүйл огт гардаггүй. Буруу зүйлд ард түмнээ уриалдаг. Жишээ нь нөү наадам, нөү цагаан сар гэх буюу Орос-Монгол, Хятад-Монголын найрсаг харилцааг үгүй хийж муутгах бодлого барьдаг. Монголд хэрэгггүй сайт гэж би боддог

NewsMN Гар утасны хувилбар Татах
NEWS.mn

Мэдээллийн эх сурвалж