Байр дамлаж түрээслэх, гэрээ хуурамчаар үйлдэх залилан нэмэгдэж байна | News.MN

Байр дамлаж түрээслэх, гэрээ хуурамчаар үйлдэх залилан нэмэгдэж байна

Байр дамлаж түрээслэх, гэрээ хуурамчаар үйлдэх залилан нэмэгдэж байна

Байр дамлаж түрээслэх, гэрээ хуурамчаар үйлдэх залилан нэмэгдэж байна

Сүүлийн хоёр жилийн хугацаанд орон сууц худалдах, түрээслэх гэмт хэрэг нэмэгджээ. Иргэдийн орон сууц худалдан авах чадвар муудаж, түрээсийн орон сууц сонирхох болсон. Үүнийг далимдуулж залилангийн гэмт хэрэг хийж, бусдыг хохироох тохиолдол нэмэгдсэнийг цагдаагийн байгууллагаас анхааруулж байна. Тодруулбал, улсын хэмжээнд 2021 оны дөрөвдүгээр улирлын байдлаар нийт 5300 гаруй залилах гэмт хэрэг бүртгэгджээ. Үүний ихэнх хэсгийг орон сууцтай холбоотой залилангийн гэмт хэрэг эзэлж байна. Залилагчид түрээслэгч нарт хуурамчаар үйлдсэн ордероо үзүүлж, өөрийн байр хэмээн итгүүлэн, бусдын байрыг дамлаж түрээслүүлэх гэмт хэрэг нэмэгджээ. Мөн байр худалдан борлуулах гэрээг хуурамчаар үйлдэх тохиолдол нэмэгдсэн байна.

Цагдаагийн байгууллагад бүртгэгдсэн гэмт хэргийн тоон мэдээллээс харахад зөвхөн залилах гэмт хэргийн улмаас иргэд, аж ахуйн нэгж байгууллагууд 2019 онд 13 тэрбум, 2020 онд 67.2 тэрбум төгрөгийн хохирол амсчээ. Харин 2021 оны өнгөрсөн жилээс хоёр дахин өссөн аж.

Үндэсний статистикийн хорооноос гаргасан мэдээлэлд, залилангийн төрлийн гэмт хэргийг өнгөрсөн жилүүдийнхтэй харьцуулжээ. Түүнээс харахад бүртгэгдсэн гэмт хэргийн тоо хөл хорионоос шалтгаалж буурсан ч залилангийн төрлийн гэмт хэрэг нэмэгдсэн байна. Байр дамлан түрээслэх тохиолдлоос гадна зарын сайтууд болон цахим орчинд байр түрээслүүлэх зар байршуулж, бусдыг залилах тохиолдол нэмэгджээ. Тодруулбал, цахим орчинд байршуулсан зарын дагуу иргэд холбогдоход “Хүн түрээслэх гээд байгаа учраас урьдчилгаа шилжүүлэх хэрэгтэй”, эсвэл "Барьцаа шилжүүл" гэх мэтчилэн шаардлага тавьдаг аж. Түрээсийн байрны олдоц муу, оюутны хичээл сургууль эхлэх гэж байгаатай холбоотойгоор төлбөр өсөхийн зэрэгцээ ийнхүү залилагчид нэмэгдэж байгаа тул сэрэмжтэй байхыг анхааруулжээ.

Сүүлийн жилүүдэд залилах гэмт хэрэг дотор түгээмэл үйлдэгдэж буй, хохирол ихтэй залилах хэргийг үйлдлийн аргаар нь ангилж үзвэл хөдлөх болон үл хөдлөх хөрөнгө худалдаалах, худалдан авах, түрээслэх, түрээслүүлэх зэрэг орж байгаа юм.

Иймд иргэд түрээсийн байранд орохдоо байрны ордерыг сайтар шалгаж, тухайн байрны СӨХ-ноос сайтар лавлаж тодруулсны дараа төлбөр тооцоогоо хийхийг цагдаагийн байгууллагаас анхааруулж байна. Үүний зэрэгцээ "Хуулийн фирмүүдэд бүртгэгдэх залилах гэмт хэргийн тухайд хохирогчид хохирлоо барагдуулах хугацаа урт бөгөөд залилагчид олдохгүй байх эрсдэл өндөр байна" гэв.

Энэ мэдээнд өгөх таны сэтгэгдэл?
4
ХарамсалтайХарамсалтай
1
ГайхмаарГайхмаар
1
ТэнэглэлТэнэглэл
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2022-03-10 119.40.98.177

КАЗАК НАРТ БАЙР ТҮРЭЭСЛЭХИЙГ ХАТУУ ХОРИГЛОХ ХЭРЭГТЭЙ ЭГЧТЭЙ БАЙНА ГЭЖ ТҮРЭЭСЛЭЭД ӨРӨӨНДӨӨ 3-4 ЧИХЭЖ СУУГААД ХАМАГ ЮМЫГ ХУЛГАЙ ХИЙГЭЭД БАЙРНЫ АШИГЛАЛТЫН ЗАРДАЛ СӨХ МӨНГИЙГ ТӨЛӨӨГҮЙ ЯВСАН БАЙНА

Avatar

Зочин 2022-03-10 64.119.26.166

Маш замбараагүй дуу чимээ хашгираан шуугиантай бохир заваан амьдардаг . Хүний юм гэсэн шиг хүйтэн сэтгэлээр ханддаг шиг

Avatar

Зочин 2022-03-10 213.87.137.2

>> Шилдэг тавтай морилно уу секс болзоо сайт – – – – https://mysp.ac/50fjz

Avatar

зочин 2022-03-10 202.9.46.50

Төр ард иргэдээ түрээсийн орон сууцаар хангах арга хэмжээ авахгүй бол үнийн хөөрөгдөл зээлийн хүүд чинь сөхөрч дарамтлуулж байна

Avatar

Зочин 2022-03-10 202.21.108.19

ЁСТОЙ ХУЦДАГ ХАЛТАР ВЭ? ОРОХ ОРОНГОО ОЛНО УУ ЯАХ НЬ ХУВЬ ХҮНИЙ АСУУДАЛ БИЗДЭЭ..ТӨР ОРОН СУУЦ ӨГӨХ БОЛЖ БАЙНА УУ КККККККККК

NewsMN Гар утасны хувилбар Татах
NEWS.mn

Мэдээллийн эх сурвалж