Донецк мужийн амбан захирагч хэвлэлд өгсөн ярилцлагадаа "Гал зогсоох тохиролцооны үеэр энгийн иргэдийг аюулгүй газарт хүргэх гэсэн боловч ОХУ-ын цэргүүд агаараас довтолсон" гэж мэдэгджээ. Тус агаарын цохилтын үеэр 17 хүн шархадсан бөгөөд тэдний дотор төрөх дөхсөн хэд хэдэн жирэмсэн эх байсан аж.

Украины Ерөнхийлөгч Зеленский “Sky News”-т "Мариуполь хотын амаржих газрыг бөмбөгдсөнөөс болж бага насны хүүхдүүд нурангид дарагдсан байсан" гэж мэдээлсэн байна. Мөн тэрбээр "ОХУ-ын тус цохилтыг цэвэр харгислал гэж үзэж байна. Өмнөд нутгийн Мариуполь боомт хотыг Оросын цэргүүд бүсэлсэн. Хэдэн өдрийн турш хүчтэй буудлагад өртөж, олон мянган хүн хоол хүнс, ус, цахилгаангүй болсон байна. Үүнээс улбаалан бага насны хүүхдүүд хүнс, тэжээлийн дутагдалд орсноор амь насаа алдах болсон" гэх харамсалтай мэдээг дуулгажээ.

Украины засгийн газар "Мариуполь хотод оросууд түрэмгийлж эхэлснээс хойш 1170 энгийн иргэн амиа алдсан" гэж мэдэгдэв. Гэвч нэг өдрийн дараа хотын зөвлөл уг тоог 1207 энгийн иргэн гэж мэдэгджээ. Хотын иргэд цас хайлуулан ус гаргахаас өөр аргагүйд хүрсэн бол хүчтэй бөмбөгдөлтөд өртсөн хүмүүсийн цогцос гудамжинд байсан аж.

"][/newsgallery]

Эх сурвалж: SKY NEWS