Хятадын “Huawei” технологийн компани “HarmonyOS” үйлдлийн системтэй анхны цахилгаан машинаа өчигдөр /2022.03.05/ Шанхай хотод танилцуулав. “Huawei”-ийн хэрэглэгчийн бизнесийн газрын гүйцэтгэх захирал Ричард Ю арванхоёрдугаар сард болсон бүтээгдэхүүн танилцуулах арга хэмжээний үеэр “Aito M5” шинэ автомашинаа сурталчилж байсан. Гэхдээ тус компани автомашиныг бие даан үйлдвэрлэхгүй, автомашин үйлдвэрлэгчидтэй хамтарч ажиллана гэж хэлсэн.

Тэд автомашин үйлдвэрлэгч “Seres” компанитай хамтран ажиллаж буй ажээ. Тус компани нь “SF Motors” нэрээрээ танигдсан бөгөөд Цахиурын хөндийд байрладаг “Sokon” компанийн охин компани юм.

Дунд оврын жийпний үнэ нь татваргүйгээр 249800 юань аж. Тэгвэл “Tesla”-ийн Хятад дахь “Model Y” загварын үнэ арванхоёрдугаар сард өсч, 301480 юань болсон байна. “Tesla”-ийн Хятадын зах зээлд эзлэх хувь 2019 онд ердөө 12 хувь байсан бол 2021 онд 26 хувь болж өссөн.

“Aito M5” нь Хятадын “Li Auto” компанийн “Li One” автомашинтай төстэй бөгөөд батарей нь дуусвал ашиглах зориулалтын түлшний сав дагалддаг. “Li Auto”-ийн хувьд өнгөрсөн сард 8414 машин зах зээлд нийлүүлжээ.

Эх сурвалж: CNBC