Цар тахлаас болж хоёр жил ашиг орлогоо алдсан үйлчилгээний газрууд, худалдааны төвүүд менежмент дээрээ анхаарах хэрэгтэй болжээ. Монголд ажил, үйлчилгээ явуулдаг байгууллагууд хувь, хувьсгалгүй нар дээр гартал унтаж, 08.00-09.00 цагт ажлаа эхлүүлдэг нь худлаа биш. Зарим нь бүр бага үдийн үед хаалга үүдээ нээх нь ч бий. Хатуу ширүүн өвөлтэй, зуны улирал богиныг ч хэлэх үү, үд дунд үүдээ нээгээд ажил тарахтай зэрэгцээд хаалга барих худалдааны төвүүд ашиг орлого багатай байхаас ч аргагүй юм. Хамгийн наад хичээл сургууль, ажлын цагаар дэлгүүр хоршоо хэсээд явах хүн цөөхөн. Ажилтай орлоготой хүмүүс ажлын цагаар худалдааны төв хэсээд явахгүй нь ойлгомжтой.  Ажлаа таслаад дэлгүүр хэсээд явах хүн хэд билээ.