Хотыг хөгжүүлэх цогц арга хэмжээг хэрэгжүүлэхэд мэргэжлийн хүн шаардлагатай байна гэдгийг Д.Сумъяабазар онцоллоо. Учир нь түгжрэл бол цогц шийдэл учраас хамтын ажиллагаагаар асуудлыг шийдвэрлэх аж. Хотын дарга нийтийн тээвэр бохир заваан, хүрэлцээгүй байгааг хүлээн зөвшөөрсөн юм. Тэрбээр "Асуудал их байгаа нь үнэн. Төсвийн орлогыг бүрдүүлэхийн тулд бизнесээ өргөжүүлэх нь зөв. Буруу рультэй машин хориглох нь УИХ-ын шийдвэр. Наана нь бид НИТХ дээр төлөвлөгөөг сайн хангаж, цогц шийдлийг боловсруулж чадвал боломжтой" гэсэн юм.

Мөн нэг зүйлийг аминчилж хүссэн нь ерөнхий сайд асан М.Энхсайханыг хотын хөгжил, эдийн засгийн төлөө хамтарч ажиллахыг гуйлаа.

Нийслэл өнгөрсөн жилүүдэд төлөвлөлт муу байснаас хөгжил тэг зогссон гэхийг хэлэх иргэд нэмэгдсэн. Тиймээс түгжрэл яриад түгжрэл буурахгүй гэдгийг иргэдэд дахин сануулав. Хотын төлөвлөлт сайн бол түгжрэхгүй байх боломжтой. Цогц шийдлийг биелүүлэхэд иргэдийн оролцоо чухал. Тэгэхлээр хотын даргад сайн хамтрагчийн туслалцаа хэрэг болжээ. Харин энэ нь иргэдэд таалагдах эсэх нь тодорхойгүй байна.