Канадын иргэн Энтони Уолкер гэх залуу хэдхэн долоо хоногийн өмнө их сургуулийн оюутан, комедиан, 100 мянга гаруй дагагчтай сошиал од байжээ. Тэрбээр Дональд Трампын дэмжигчдийг троллдож, ачааны машины жолооч нарын жагсаалыг эсэргүүцдэг байж. Энтони Уолкер өнөөдөр Украины хил дээр байлдахад бэлэн зогсч байна. Сүүлийн өдрүүдэд Польш, Украины хил дээр сайн дураараа дайнд оролцохоор ирсэн гадаадын иргэд олширсоор байгаа аж.

Өдгөө 29 настай Уолкер огт цэргийн туршлагагүй бөгөөд гурван жилийн өмнө эрүүл мэндийн шалтгаанаар Канадын зэвсэгт хүчинд элсч чадаагүй байна. Тэрбээр мужаан, ачааны машины жолооч, яаралтай тусламжийн эмч мэргэжилтэй. Тиймээс яаралтай тусламж үзүүлэх чадвараа Украинд ашиглах боломжтой гэж үзэж буй аж. Үүнээс гадна Канадын нэгэн их сургуульд кибер аюулгүй байдал, хакерын чиглэлээр суралцжээ.

Одоогоор Уолкер Польшийн хил дээр бусад сайн дурынхныг хүлээж, Украины армид ачаа хүргэхэд тусалж буй юм байна. Украины Ерөнхийлөгч В.Зеленский болон Гадаад хэргийн сайд Дмитрий Кулеба нар гадаадын сайн дурынхныг туслахыг уриалснаар ийнхүү тус улсад залуус цугларч эхэлжээ.

Эх сурвалж: BBC