Сүүлийн 24 цагт Covid-19 халдварын 166 шинэ тохиолдол илэрсний 111 нь нийслэл Улаанбаатарт, 55 нь орон нутагт бүртгэгджээ.

Өнөөдрийн байдлаар 2587 хүн эмнэлэгт хэвтэн эмчлүүлж буйн 637 нь хүүхэд, 145 нь жирэмсэн эмэгтэй байна. Түүнчлэн биеийн байдал нь хүнд 217 хүн, нэн хүнд 36 хүн хэвтэн эмчлүүлж байгаа аж.

Мөн гэрийн хяналтад 8430 хүн байгаа бөгөөд 24 цагийн хугацаанд нас баралт бүртгэгдээгүй байна.