Энэ сард А80 бензиний импортын үнэ 68 ам.доллараар өссөн байна. Ингэснээр Монголын зах зээлд жижиглэнгийн үнэ өсч болзошгүй байгаа юм. Тиймээс Газрын тосны газар татварын орчноор зохицуулалт хийдэг зарчмаараа онцгой албан татварыг 70 мянган төгрөгөөр буулгах шийдвэрийг Засгийн газрын хуралдаанаар батлуулсан.

Өнөөдрийн байдлаар шатахууны үнэ ямар байгааг сонирхлоо. “Петровис”-ийн шатахуун түгээх станцад  А 80-1160 төгрөг, АИ 92-1350 төгрөг байгаа бол дизелийн үнэ 1280 төгрөг гэсэн үнэ хэвээрээ байна. Тус компанийн гүйцэтгэх захирал С.Сүхбаатартай өнөө өглөө утсаар холбогдоход “Шатахууны үнийг өсгөхгүй, ямар нэгэн өөрчлөлт гарахгүй” гэсэн товчхон хариултыг өгөв.

Б.СҮРЭН