Уул уурхайн салбараас 2022 оны нэгдүгээр сарын байдлаар улсын төсөвт 299.1 тэрбум төгрөгийг татвар, хураамж хэлбэрээр төвлөрүүлжээ. Ашигт малтмалын төрлөөр нь ангилбал, зэс 238.7 тэрбум, алт 16.0 тэрбум, нүүрс 15.8 тэрбум, цайр 14.1 тэрбум, хайлуур жонш 7.2 тэрбум, төмөр 3.1 тэрбум төгрөг, бусад ашигт малтмалаас 4.1 тэрбум төгрөг улсын төсөвт төвлөрүүлсэн байна.

Уул уурхай, олборлох салбараас улсын төсөвт төвлөрүүлсэн орлого өнгөрсөн оны мөн үеэс 158.7 тэрбум төгрөг буюу 2.1 хувиар өсчээ.

Дараах ашигт малтмалын улсын төсөвт төвлөрүүлсэн орлого өмнөх оны мөн үеэс өссөн үзүүлэлттэй гарсан байна. Тодруулбал, зэс 180.9 (4.1 дахин) тэрбум, цайр 9.4 (3.0 дахин) тэрбум, алт 8.9 (2.3 дахин) тэрбум, бусад 2.8 (3.1 дахин) тэрбум төгрөг төвлөрүүлжээ.

Харин нүүрс (33.1 тэрбум төгрөг буюу 67.7 хувь), төмөр (9.6 тэрбум төгрөг буюу 75.6 хувь), хайлуур жонш (0.6 тэрбум төгрөг буюу 8.2 хувь)-ноос улсын төсөвт төвлөрүүлсэн орлого өмнөх оны мөн үеэс буурсан үзүүлэлттэй гарсан байна.