Бадмаараг.  Чулуунууд дотроос хамгийн  хүчтэй нөлөөтэй чулуу гэгддэг. Бадмаараг маш олон оддын оронтой холбогддог.  Бадмаараг  эзэмшинэ гэдэг  бол амар амгалан, сэтгэл хангалуун байхын үндэс аж.  Чулууг дэрэн доороо хийж унтахад хар дарж зүүдлэхээс хамгаалдаг байна.  Бадмааргийг зүүн гарынхаа хуруунд зүүвэл гай тотгороос хамгаална.  Бэлгэнд ирсэн бадмаараг хайр дурлал, нөхөрлөлийн бэлгэ тэмдэг юм.

Хайрын чулуу
Бадмаарагт  дундаршгүй их хайр шингэсэн байдаг  тул хайр дурлалыг  гал адил бадраадаг гэлцдэг. Хайр дурлалд бүтэлгүй хүмүүс бадмаарагт хүслээ шивнэж, бясалгал хийвэл  жинхэнэ хайртай учирдаг аж.  Мөн бадмаараг эзнээ зорьсондоо хүрэх ер бусын итгэл үнэмшил өгдөг байна.  

Чулууг мөн анагаах ухаанд цусны эргэлтийг сайжруулахад тустай гэж үздэг юм. Чулууны хүчээр цусан дахь халдвар болон хорт бодисыг гаргадаг аж. Бадмааргийг гоёл чимэглэлд хэрэглэх нь цөөнгүй бөгөөд зүүн гарынхаа хуруунд зүүдэг байна.  
Бадмааргийн өнгө шунхан улаанаас бүдэг улаан өнгөтэй.  Хамгийн ховор  хэлбэр нь цусан улаан бадмаараг юм. Ийм хэлбэр нь цас улаан хэрнээ хөх туяатай байдаг.  Хамгийн сайн чанарын бадмаараг  бүдэг улаан өнгөтэй юм. Бадмаараг Бирм, Тайландад түгээмэл байдаг.

О. Халиун