Их Британийн хатан хаан II Элизабетх Covid-19 туссан тухай мэдээлэл өчигдөр /2022.02.20/ тарснаас хойш түүний эрүүл мэндэд санаа зовсон иргэд болон улстөрчид маш олон зурвас түүн рүү илгээжээ.

Хатан хаан өдгөө 95 настай бөгөөд биеийн байдал харьцангуй хөнгөн байгаа аж. Тэрбээр Виндзорын шилтгээнд биеэ эмчлүүлж байна. Шилтгээний гадаа зарим иргэд цугларч санаа зовж буйгаа илэрхийлсэн бол зарим нь цахим сүлжээгээр ханджээ. Тэр байтугай Лондон хотын метроны буудлууд дээр байдаг зурвас үлдээх зориулалттай самбарт хатан хаанд зориулан “Бүх юм сайхан болно” гэж бичсэн байв.

Хунтайж Филипп өнгөрсөн оны аравдугаар сард нас бараад удаагүй байхад хатан хаан II Элизабета ийнхүү Covid-19 туссан нь олон хүмүүсийн сэтгэлийг чилээжээ. II Элизабета бол Их Британийн түүхэнд хамгийн удаан хугацаанд хаан ширээнд сууж буй хүн.

Ерөнхий сайд Борис Жонсон улс үндэстнээ төлөөлж, хатан хааныг хурдан эдгээрэй хэмээн хэлжээ. Түүнчлэн цөөнгүй улс төрчид жиргээндээ “Хатан хааныг бурхан ивээг” гэж нийтлэсэн байна. Мөн АНУ-ын элчин сайдын яамнаас хурдан эдгэхийг ерөөгөөд, хатан хааныг Их Британийн нутаг дэвсгэрт байгаа бат бэх хад чулуу гэж зүйрлэжээ.

Эх сурвалж: REUTERS