Эрүүл мэндийн яамнаас мэдээлснээр, сүүлийн 24 цагийн хугацаанд улсын хэмжээнд хийсэн шинжилгээгээр 834 халдварын тохиолдол батлагджээ. Үүний 479 нь Улаанбаатарт, 355 орон нутагт бүртгэгдсэн байна.

Дээрх хугацаанд халдварын улмаас 61-80 насны нэг хүн нас барж, нийт нас баралт 2077 болжээ.

Өнөөдрийн байдлаар эмнэлэгт 6167 хүн хэвтэн эмчлүүлж байна. Тэдний 1723 хүний биеийн байдал хөнгөн бол 48 хүн нэн хүнд байна. Харин гэрээр 20637 хүн хяналтад байгаа аж.