IJF буюу Олон улсын жүдо бөхийн холбооны ээлжит Их дуулга тэмцээн ирэх Пүрэв гаригт Израиль улсын Тел Авив хотод эхлэх гэж байна. Энэ удаагийн тэмцээнд 34 орны 309 тамирчин оролцохоор мэдүүлгээ өгөөд байна. Монгол Улсаа төлөөлөн эрэгтэй 11, эмэгтэй гурван тамирчин өрсөлдөнө.

Эрэгтэйчүүдийн -60 кг

• Э.Сумъяабазар
• Б.Цогт-Очир

Эрэгтэйчүүдийн -66 кг

• Г.Хэрлэн
• Г.Сод-Эрдэнэ

Эрэгтэйчүүдийн -73 кг

• Г.Одбаяр
• Л.Анхзаяа

Эрэгтэйчүүдийн -81 кг

• Б.Эрдэнэбаяр

Эрэгтэйчүүдийн -90 кг

• Н.Пунцагрэнцэн

Эрэгтэйчүүдийн -100 кг

• Б.Гончигсүрэн
• О.Хангал

Эрэгтэйчүүдийн +100 кг

• Э.Мөнхжаргал

Эмэгтэйчүүдийн -48 кг

• Б.Баасанхүү

Эмэгтэйчүүдийн -57 кг

• О.Оюунчимэг

Эмэгтэйчүүдийн +78 кг

• А.Адъяасүрэн

Сайжруулагч хэмээх усан бар жилийн сар шинийн баярт зориулсан хүчит 256 бөхийн барилдаанд түрүүлж, таамаг эвдэж, түүх бүтээсэн аймгийн заан Э.Мөнхжаргал энэ удаагийн Их дуулгад оролцож байгаа нь онцлог. Мөн Парисын Их дуулгаас мөнгөн медаль хүртсэн залуу тамирчин Б.Баасанхүү оролцох гэж байна.

Дэлхийн шилдгүүд ч энэ удаагийн тэмцээнд оролцохоор мэдүүлгээ өгчээ. Тодруулбал, Францын Роман Дико, Бразилын Рафаэль Силва, Бельгийн Маттиас Кассе, Унгарын Река Папп, Израилийн Тимна Нелсон Леви, Нидерландын Санне Ван Дик зэрэг шилдгүүд оролцоно.