“Z” үеийн залуус Орос, Украины сөргөлдөөнийг эсэргүүцэж, тикток, инстаграмдаа хаштаг хэрэглэж эхлэв. Тэд ОХУ-ын ерөнхийлөгч Владимир Путиныг "Владди аав" /Vladdy daddy/ гэж нэрлэн, дайн эхлүүлэхгүй байхыг хүсч байна.

Цахим сүлжээний хэрэглэгчид сүүлийн хэдэн долоо хоногт ОХУ-ын ерөнхийлөгч Владимир Путины нэр бүхий албан бус хаягуудад олон мянган сэтгэгдэл үлдээжээ. Мета платформын хэвлэлийн төлөөлөгч Путиныг албан ёсоор фэйсбүүк, инстаграм хөтөлдөг эсэхийг мэдэхгүй гэв.

“Z” үе буюу 1990-2010 оны хооронд төрсөн залуусын дунд “Владди аав аа, дайнаа зогсоогооч” хаштаг хүчээ авч байна. Энэ дунд дөнгөж 12 настай хүүхэд хүртэл Путинээс дайн эхлүүлэхгүй байхыг хүсч сэтгэгдэл үлдээжээ. “Өөр улсад, хол амьдардаг зарим хүмүүс үүнийг зүгээр тоглоом наргиа гэж харж байж магадгүй. Энэ бол тун ноцтой нөхцөл байдал” гэж 16 настай Лена охин хэлсэн байна.

Тикток дээрх ихэнх бичлэг, сэтгэгдэлүүдийг хаанаас нийтлэсэн нь тодорхойгүй байсан. Тиймээс “Энэ нь ямар нэгэн төөрөгдүүлэх зорилготой, санаатай үйл ажиллагаа юм болов уу” гэсэн асуултанд тикток тайлбар өгөөгүй байна. Энд цэргийн техник хөдөлж буй болон хямралын тухай орос хэлээр тайлбарласан бичлэгүүд тавигджээ.

Нээлттэй эх сурвалж судлаачид бүс нутгийн хэрэглэгчдийн нийтэлсэн тикток бичлэгийг ашиглан цэргийн техник хэрэгслийг хянадаг гэв. Жишээлбэл, Шүүхийн шинжилгээний лабораторийн судалгааны ажилтан Майкл хэлэхдээ “Тиктокоор дамжуулан Оросоос ирж буй цэргийн техник хэрэгслийг дагаж мөрддөг. Энэ платформ нь судалгааны ажлын гол эх сурвалж болдог” гэсэн байна.

Тикток нь Оросод хамгийн түгээмэл ашиглагддаг платформ бөгөөд сард дунджаар 40 сая гаруй хүн ханддаг гэсэн мэдээлэл бий. Тус платформын хамгийн сүүлийн үеийн ил тод байдлын тайланд дурдсанаар 2021 онд Оросын засгийн газрыг огцруулах хүсэлтийн хамгийн том эх үүсвэр нь Тикток байсан гэжээ.

Эх сурвалж: REUTERS