Хятадын засгийн газраас олимпийн тамирчдын хотхонд авсан зураг, бичлэгүүдээ устгахыг тамирчдаас шаарджээ. Жишээ нь, Финландын цанын спортын тамирчин Катри Лилинпера олимпийн наадмын үеэр тамирчны хотхонд ус үерлэж, гэрлийн чийдэнгээс ус урсаж буйг харуулсан зураг, бичлэгийг олон нийтийн сүлжээнд нийтэлсэн байна.

Тэмцээний зохион байгуулагчид түүн рүү худал мэдээлэл гэх үндэслэлээр зураг, бичлэгүүдээ устгахыг шаардсан мессэж илгээжээ. Тус мессэжийг Лилинпера өөрийн цахим хуудастаа нийтэлснээр олон улсын шүүмжлэгчдын анхааралд өртсөн байна.

Цахим сүлжээний хэрэглэгчид Хятадын албаны хүмүүсийн шаардлагыг хүний эрхэд халдсан гэж шүүмжилжээ. Мөн дан ганц Лилинпера бус, бусад хэд хэдэн тамирчдыг өөрсдийн дарсан зургуудаа устгаж, Олимпийн хорооны талаар сөрөг мэдээлэл түгээхгүй байхыг сануулсан байна.

Эх сурвалж: YAHOO SPORTS