"Ирэх Даваа гаригаас 59 сургуулийн цагийн хуваарьт өөрчлөлт оруулна" | News.MN

"Ирэх Даваа гаригаас 59 сургуулийн цагийн хуваарьт өөрчлөлт оруулна"

"Ирэх Даваа гаригаас 59 сургуулийн цагийн хуваарьт өөрчлөлт оруулна"

"Ирэх Даваа гаригаас 59 сургуулийн цагийн хуваарьт өөрчлөлт оруулна"

Цар тахлын нөхцөл байдлаас шалтгаалан удаан хугацааны амралтын дараа сурагчид өнөөдөр /2022.02.14/-өөс танхимаар хичээллэнэ. Засгийн газрын шийдвэрээр их, дээд сургуулийн оюутан, сурагчдын хичээлийг 100 хувь танхимд шилжүүлэхээр болсон. Оюутан, сурагчдын хичээл эхлэхтэй зэрэгцэн замын ачаалал эрс нэмэгддэг тул түгжрэлийг бууруулах зорилгоор хичээлийн цагийн хуваарьт өөрчлөлт оруулах санал яригдаж байна. Нийслэлийн боловсролын газраас Баянзүрх, Чингэлтэй, Хан-Уул, Сүхбаатар гэсэн дөрвөн дүүргийн 59 сургуулийн цагийн хуваарьт өөрчлөлт оруулах саналаа гаргаад буй. Эдгээр сургуулийн 23 нь төрийн өмчит бол 36 нь төрийн өмчит бус.

Өнөөдрийн байдлаар хичээлийн цагийн хуваарьт өөрчлөлт оруулах тухай Улаанбаатар хотын захирагчийн захирамж гараагүй байна. Иймд 59 сургуулийн тухайд өглөө 08:00 цагаас хичээллэнэ. Харин энэ сарын 21-нээс  цагийн хуваарьт өөрчлөлт оруулж, 07:45, 08:15, 09:00 гэсэн цагаар хичээллэхээр төлөвлөснийг Нийслэлийн боловсролын газраас мэдээлэв.

Тус газрын орлогч дарга Л.Буянтогтох хэлэхдээ “Өнөөдрийн байдлаар сургуулийн цагийн хуваарьт өөрчлөлт оруулах шийдвэр албан ёсоор гараагүй байна. Иймд өнөөдрөөс сурагчдын хичээл 08:00 цагаас эхэлнэ. Ерөнхийдөө сургуулийн үйл ажиллагаа эхэлснээс хойш долоо хоногийн дараа буюу энэ сарын 21-нээс цагийн хуваарьт өөрчлөлт оруулахаар яригдаж байна. Өмнө нь танилцуулж байснаар 59 сургууль 07:45, 08:15, 09:00 гэсэн гурван цагийн хуваариар хичээллэнэ.

Урьдчилсан байдлаар 21 сургууль 07:45 цагаас хичээллэх бол 15 сургууль 08:15 цагаас, 23 сургууль 09:00 цагаас хичээлийг эхлүүлэхээр төлөвлөж байна. Өглөөний 09:00 цагаас хичээл нь эхэлж буй 23 сургуульд нэг ээлжтэй, төрийн өмчит бус сургууль багтаж байна.

Нэг ээлжтэй сургуулиудын тухайд сонголтгүй 09:00 цагаас хичээллэхээр бол хоёр ээлжтэй сургуулиуд бүсчлэлээрээ 07:45 ба 08:15 цагаас хичээллэнэ. Ерөнхийдөө энэ долоо хоногт цагийн хуваарь өөрчлөгдөх тухай ерөнхий боловсролын сургууль болон эцэг эхчүүдэд мэдэгдэнэ. Тиймээс ирэх Даваа гаригаас албан ёсоор хэрэгжих болов уу” гэлээ.

Нийслэлийн хэмжээнд ерөнхий боловсролын 280 сургууль үйл ажиллагаа явуулж байна. Үүнээс 148 нь төрийн өмчит. Эдгээрээс 59 сургуулийг түгжрэлд нөлөөлдөг гэсэн судалгааг холбогдох байгууллагууд гаргасан. Иймд түгжрэлийг бууруулах зорилготой хичээлийг 30 минутын зөрүүтэй эхлүүлснээр замын ачаалал 12.5 хувиар буурна гэж Нийслэлийн боловсролын газраас тооцож байна. Тус газрын хичээлийн цагийн хуваарьт өөрчлөлт оруулах тухай санал шинэ оны өмнө яригдаж, сургуулиудад энэ тухай хүргүүлээд байгаа юм.

Энэ мэдээнд өгөх таны сэтгэгдэл?
7
ТэнэглэлТэнэглэл
4
БурууБуруу
2
ХахаХаха
2
ХөөрхөнХөөрхөн
1
ХарамсалтайХарамсалтай
0
ЗөвЗөв
0
ГайхмаарГайхмаар
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Аагий 2022-02-14 103.143.41.2

Өглөө нь дунд, ахлах ангийн сурагчдаа оруулахаар зохицуулж болдоггүй юм байх даа. Бага ангийн хүүхдүүдийг машинаараа дүүрэг сургууль дамжуулан зөөснөөс болж өглөө замын ачаалал үүсч байж болох юм. Өглөөг яаж угтана тэр чигээрээ л тухайн өдрийн мүүдэд нөлөөлөөд байх шигээ…

Avatar

Зочин 2022-02-14 213.87.135.27

)))))))) Шилдэг тавтай морилно уу секс болзоо сайт – – – – https://mysp.ac/50fjz

Avatar

Зочин 2022-02-14 66.181.161.61

Нэг мөсөн 1цагийн зайтай байвал түгжрэлд бага зэрэг нөлөөлөх байх даа түүнээс биш энэ нэмэргүй ээ

Avatar

иргэн 2022-02-14 202.126.92.99

Битгий балайрцгаа та нар.

Avatar

Zochin 2022-02-14 192.82.81.104

Gadniikhan neg khoyor jileer n' ajlaa tuluvluud bolood baikhad manaikhan gej 2-3 sariin khugatsaand gants asuudal shiidejchikhej chadakhgyi l um daa.

Avatar

Зочин 2022-02-14 202.9.40.246

Улсын сургуулийн цаг нэг их ач холбогдолтой биш байх. Хувийн сургуулиудын цагийг өөрчлөөч ээ.

Avatar

zochin 2022-02-14 202.21.112.2

2-р ангийн хүүхдийн хичээл 15:30-19:00 цаг байх юм. Ийм хуваарь байх нь зөв үү?

Avatar

zochin 2022-02-14 66.181.187.114

3 eeljeer hicheelledeg angiud iim baidag.

Avatar

Зочин 2022-02-14 202.9.46.210

нэмэр байгаа юм уу дөө

NewsMN Гар утасны хувилбар Татах
NEWS.mn

Мэдээллийн эх сурвалж