Шинжилгээ өгөөгүй хүүхдүүдийг цэцэрлэгт хамруулахгүй | News.MN

Шинжилгээ өгөөгүй хүүхдүүдийг цэцэрлэгт хамруулахгүй

Шинжилгээ өгөөгүй хүүхдүүдийг цэцэрлэгт хамруулахгүй

Шинжилгээ өгөөгүй хүүхдүүдийг цэцэрлэгт хамруулахгүй

Энэ сарын 14-нөөс бүх шатны боловсролын байгууллага танхимаар хичээллэж эхэлнэ. Үүнтэй холбоотойгоор Нийслэлийн боловсролын газраас танхимын сургалтад хамрагдах хүүхдүүд шээс, цагаан хорхойн шинжилгээг цэцэрлэг дээрээ өгөх шийдвэр гаргасан. Тухайн цэцэрлэгээс асран хамгаалагчдад шинжилгээ өгөх хугацааны талаар мэдээлэл хүргэж байгаа ч энэхүү шинжилгээнээс болж эцэг, эхчүүд хүүхэдтэйгээ удаан хугацаанд оочерлож, халдвар тархах эрсдэл үүсгэжээ. Бид энэ мэдээллийн дагуу өнөөдөр хуваарийн дагуу шинжилгээ авч байгаа цэгүүдтэй холбогдож, газар дээр нь очиход ачаалал их байв. Албаныхан "Аль болох удаан оочерлуулахгүй зохицуулалт хийж ажиллаж байна" гэсэн тайлбар өглөө.

БОЛОВСРОЛЫН ГАЗРААС НЭГДСЭН ЭМНЭЛЭГТ БИШ, ЦЭЦЭРЛЭГҮҮД ДЭЭР ШИНЖИЛГЭЭ АВАХ ЧИГЛЭЛ ӨГСӨН

Цэцэрлэгийн танхимын сургалтад эхний ээлжид ахлах, бэлтгэл бүлгийн хүүхдүүд хамрагдана. Хүүхдийн насыг хичээлийн жилээр тооцож, бүлгийн зохион байгуулалт хийж байгаа бөгөөд бэлтгэл бүлэгт 2016 онд, ахлах бүлэгт 2017 онд, дунд бүлэгт 2018 онд төрсөн хүүхэд тус тус хамрагдах аж.

Цэцэрлэгийн дунд, ахлах, бэлтгэл бүлэгт хүүхэд шинээр бүртгэж буй эсэх талаар цэцэрлэг дээр ажиллаж буй хүмүүсээс тодруулахад “2021-2022 оны хичээлийн жилд цахим бүртгэлд бүртгүүлсэн дунд, ахлах, бэлтгэл бүлгийн хүүхдүүдийг үргэлжлүүлэн танхимын сургалтад хамруулна. Орон нутагт цэцэрлэгийн анги танхимын хүрэлцээ, багтаамжийг харгалзан зарим цэцэрлэгт нэмэлт бүртгэл, элсэлт хийнэ. Улаанбаатарт шинээр ашиглалтад орсон долоон цэцэрлэгт нэмэлт бүртгэл, элсэлт хийнэ” гэв.

Яагаад дүүргийн нэгдсэн эмнэлэг дээр шаардлагатай шинжилгээ өгөхгүй, зориулалтын бус орчинд шинжилгээ авч байгаа талаар асуухад "Халдвар хамгааллын дэглэм сахиж, эмнэлгийн бус орчинд авах нь зүйтэй гэж үзсэн. Хэрэв хичээл сургалт эхлэх гэж байхад хүүхэд халдвараар өвдвөл бусад хүүхдэд тараах өндөр эрсдэлтэй" гэж хариулав.

Бага насны хүүхдүүд танхимаар хичээллэх үед нэг бүлгээс халдвар илэрвэл тухайн хүүхдийг гэрийн эмчилгээнд шилжүүлж, анги, бүлгийг улаан бүсэд тооцож, хичээлийг цахим хэлбэрт шилжүүлж магадгүй байна. Энэ талаар нэгдсэн чиг үүрэг ирээгүй аж. Хүмүүсийн дунд эргэлзээ төрүүлж байгаа асуудал нь цэцэрлэгийн бага бүлгийн хүүхдийг энэ сарын 18-наас 24-ний өдөр бүртгэх юм. Нийслэлд цэцэрлэгийн бага бүлгийн 2019 онд төрсөн хүүхдийн бүртгэл, элсэлтийг parent.edu.mn системээр зохион байгуулна. Орон нутгийн хувьд тухайн цэцэрлэг дээрээ шууд бүртгэх зарчмаар хүүхдийг бүртгэж авах юм байна.

Эцэг, эхчүүдийн зүгээс "Хүйтэнд ийм утгагүй хэлбэрээр, цагийг нь тулгаж шинжилгээ авч байгаа нь буруу. Аль аль талдаа эрсдэл учруулсан үйлдэлдээ зохион байгуулалт хийх хэрэгтэй. Насанд хүрсэн хүмүүс бол бас яая гэх вэ. Өглөөнөөс эхлээд өчнөөн жоохон хүүхдийг оочерлуулж, чирэгдэл учруулж байгаад бухимдаж байна" гэлээ.

4-5 НАСНЫ 41 МЯНГАН ХҮҮХДЭЭС ШИНЖИЛГЭЭГ ХУВААРИЙН ДАГУУ АВАХААР АЖИЛЛАЖ БАЙНА

Мөн "Ямартай ч нийслэлийн боловсролын газраас зохион байгуулалт хийж ажиллахыг үүрэг болгосон. Танхимын хичээл эхлэх гэж байгаа учраас амралтын өдрүүдэд ч шинжилгээ авна. Эцэг, эхчүүд хүсвэл төлбөртэй лабораторид өгсөн ч болно гэсэн юм.

Одоогийн байдлаар 4-5 насны нийт 41 мянга гаруй хүүхэд шинжилгээнд хамрагдах төлөвлөгөө гаргасан. Шинжилгээг цэцэрлэгүүд дүүргийнхээ Эрүүл мэндийн төвүүдтэй хамтран зохион байгуулж байна. Энэ долоо хоногийн Лхагва гаригаас эхлэн Эрүүл мэндийн төвүүдийн баг хуваарийн дагуу цэцэрлэгүүд дээр шинжилгээ авч эхэлсэн.

Хан-Уул дүүрэг дээр өчигдөр зохион байгуулалт алдагдсан жишээ гарсан. Үүнийг яаралтай өөрчилж, халдвар хамгаалалт талаасаа болон хүүхэд, эцэг эхэд эрсдэл учруулахгүй байх талаар арга хэмжээ авч ажиллахыг үүрэг болгосон. Тухайн дүүрэг, хорооны оршин суугчийн тооноос хамаарч ачаалал харилцах адилгүй байгаа. Мөн зарим цэцэрлэг дээр бөөгнөрөл үүссэн байхыг үгүйсгэхгүй. Нийслэлийн Боловсролын газраас цэцэрлэгүүдэд хүүхдүүдийг гадаа оочерлуулж болохгүй, аль болох ачаалал үүсгэхгүй зохион байгуулах чиглэл өгсөн" гэсэн тайлбар өглөө.

Дүүргүүдийн хувьд нэгдсэн зохион байгуулалт хийж, цагийн хуваариар цэцэрлэгүүд дээр ажиллахаар цаг, өдрүүдийг товложээ. Өнөөдөр Баянзүрх дүүргийн 22, 61, 167, 302 дугаар цэцэрлэг, Чингэлтэй дүүргийн 5, 7, 19, 33 дугаар цэцэрлэг дээр шинжилгээ авч байна. Хэрэв та өөрийн харъяа дүүргийн цэцэрлэгийн шинжилгээ авах хуваарийг мэдэхгүй бол дараах утас руу холбогдож мэдээлэл авах боломжтой.

  1. Нийслэлийн Боловсролын газар – 70113032
  2. Баянгол дүүрэг – 76119595
  3. Баянзүрх дүүрэг – 70104005
  4. Сүхбаатар дүүрэг – 70111606
  5. Чингэлтэй дүүрэг – 11-315442
  6. Хан-Уул дүүрэг – 11-342472
  7. Сонгинохайрхан дүүрэг – 88052594, 80006444
  8. Багануур дүүрэг – 70213815
  9. Багахангай дүүрэг – 99989669
  10. Налайх дүүрэг – 70233008
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2022-02-11 202.9.46.82

Цэцэрлэийн хүүхдээс авдаг шинжилгээ шээс цагаан хорхой ковид ханиадтай нэг хүүхэд байхад анги хамт олноороо бүгд тусна гэдгийг ойлгомоор юм

Avatar

blr 2022-02-11 132.194.33.140

tsetserlegt butuu yabyyl 1 jul.

Avatar

Зочин 2022-02-11 213.87.129.187

! Шилдэг тавтай морилно уу секс болзоо сайт – – – – https://mysp.ac/50fjz

Avatar

зочин 2022-02-11 202.179.24.13

2 настайдаа сугалаанд оролцоод хожоогүй, одоо 3 настай хүүхэд цэцэрлэгт явах юм уу. 2021 оны 8 сард
3тай хүүхэд авахгүй гээд цахим бүртгэл ч тэр, цэцэрлэг ч тэр бүртгээгүй.

Avatar

Зочин 2022-02-11 103.80.210.183

бурхан халдун шилийн богд ээж хад ээж мод ээж хайрхан гээд гаруудаар явбал цэцэрлэгт хамрагдана.

Avatar

Зочин 2022-02-11 139.5.217.90

9 sard shinjilgee uguud tsetserlegtee yavsan shuu dee. Odoo yagaad dahin shinjilgee gej.

Avatar

ХҮҮХДҮҮДЭЭ ХАЙРЛАЯ, ХАЛДВАРААС ХАМГААЛЪЯ 2022-02-11 192.82.70.183

ХҮҮХДҮҮДИЙН ДУНД ХАЛДВАР ТАРХАХГҮЙ БАЙХ МАГАДЛАЛЫГ ЭРДЭМТЭД НЬ ТООЦОО ЮУ? НЭГ АНГИД БХ ХҮҮХДИЙН ТОО ХЭРЭЭС ҮРГЭЛЖ ХЭТЭРДЭГ МАНАЙХ ШИГ УЛС ИНГЭЖ ЭРСДЭЛТЭЙ АЛХАМ ХИЙХ ХЭРЭГ БАЙСАН УУ? ӨДӨР, ӨДРӨӨР ЦӨӨХӨН ХҮҮХЭДТЭЙ ГРУПП ХИЧЭЭЛ ХИЙВЭЛ ЗОХИЛТОЙ

Avatar

Иргэн 2022-02-11 183.177.98.26

Цэцэрлэгийн насны хүүхдүүдээс яагаад зөвхөн шээс, цагаан хорхойн шинжилгээ авч байгааг ойлгохгүй байна. Цэцэрлэгт явж байгаа хүүхдүүдээс яагаад ковдидын түргэвчилсэн шинжилгээ яагаад авахгүй байгаа юм бэ.

Avatar

Зочин 2022-02-11 202.126.94.19

өнөөдөр ханиадгүй байх нь маргааш ханиад авахаас сэргийлэхгүй учраас. ямар ч хэрэггүй үр дүнгүй мунхаглал болно.

NewsMN Гар утасны хувилбар Татах
NEWS.mn

Мэдээллийн эх сурвалж