Бээжингийн өвлийн олимпийн дэвшилтэт технологиуд | News.MN

Бээжингийн өвлийн олимпийн дэвшилтэт технологиуд

Бээжингийн өвлийн олимпийн дэвшилтэт технологиуд

Бээжингийн өвлийн олимпийн дэвшилтэт технологиуд

Олимпийн наадам нь зохион байгуулагч орны хувьд хамгийн шилдэг технологио харуулсан цаг үе байдаг Тэгвэл 2022 оны Бээжингийн өвлийн наадам ч мөн адил хамгийн шилдэг технологийн шийдлүүдээ харууллаа. Тамирчдын байрлах кэмпээс эхлээд хөдөлмөрч роботууд хүртэл Бээжингийн өвлийн олимпд ашигласан хамгийн шинэлэг технологиудыг онцлов.

БАЙРШИЛ

Тэмцээн болох байршлуудад хэд хэдэн шинэ технологи ашиглан өөрчлөлт оруулжээ. Жишээлбэл Бээжингийн усан спортын үндэсний төв юм. Бүхэлдээ усан сан байсан талбай мөстөлтийн технологийг ашиглан тэшүүрийн талбай болсон байна. Өмнө нь 2008 оны зуны олимпийн наадамд усанд сэлэх, шумбах тэмцээнийг зохион байгуулдаг “Усан шоо” гэгддэг байсан тус төвийг өдгөө “Мөсөн шоо” хэмээн нэрлэж, кёрлингийн тэмцээн зохион байгуулахаар болжээ. Тус стадион нь уур амьсгал, чийгшлийг хяналттай байлгадаг гэнэ.

Наадмын дараа уг талбайг өвөл, зуны спортын аль алинд нь үргэлжлүүлэн ашиглах бөгөөд улирлаас хамааран орчин, ашиглалт нь солигдох болно. Хятадын үндэсний хурдны тэшүүрийн зууван талбайг  нүүрсхүчлийн хий ялгаруулалтыг тэг болгохын тулд олон шинэчлэлийг хийсэн байна . Үүгээр нүүрстөрөгчийн давхар ислийн (CO2) шууд хөргөлтийн технологийг ашиглан битүү мөсөн орчин болгожээ. Өөрөөр хэлбэл, талбайн мөс боловсруулах систем нь байгалийн хөргөлтийн CO2 дээр ажилладаг бөгөөд озоны давхаргын задралын боломж (ODP) 0, дэлхийн дулаарлын боломж (GWP) нэг байна. Энэхүү технологийн шинэчлэл Бээжингийн олимпийг өвлийн наадмын түүхэн дэх хамгийн бага GWP-тэй болгож байна. Мэргэжилтнүүдийн үзэж байгаагаар СО2-ыг дамжуулдаг хөргөлтийн системийг нэвтрүүлснээр байгаль орчныг хамгаалах, тогтвортой хөгжлийн чиглэлээр дэлхийд үлгэр жишээ болж байна.

БЭЛТГЭЛИЙН ЯВЦ

Технологийн шинэчлэл нь Бээжингийн олимпод тамирчдын бэлтгэл сургуулилалтыг мөн өөрчилж байна. Жишээлбэл, үндэсний өвлийн спортын сургалт, судалгааны төвд салхины туннель нь тамирчдад агаарын эсэргүүцлийг хамгийн бага хэмжээгээр үүсгэдэг динамик байрлалаа олоход тусалдаг болгожээ. Үүний нэгэн адил, Нордикийн хосолсон тамирчид Лайюань мужийн бэлтгэлийн баазад бэлтгэл хийж байгаа мэт орчинд хурд, хөөрөх өнцөг, динамик байрлалаа олох боломжтой ба  бэлтгэл хийх явцаа шууд дэлгэцэн дээрээс харах боломжтой.

ТЭЭВЭР

Энэхүү наадам нь гурван тэмцээний бүсийг холбосон Бээжин-Жанжиаку хурдны төмөр замын бүтээн байгуулалтын ажлыг хурдасгав. Энэ нь 350км/цаг (217 миль/цаг) дээд хурдтайгаар явж, хоёр хотын хооронд явах хугацааг гурван цагаас 48 минут болгон бууруулжээ.  Энэхүү өндөр хурдны төмөр зам нь өндөр технологитой ба  зорчигчдод  шууд тэмцээний явцыг  үзэх, төхөөрөмжүүдийг утасгүй цэнэглэх, 5G холболттой байх боломжийг олгодог. Мөн  5G ашиглан контент цацах боломжтой. Үүгээрээ 5G шууд нэвтрүүлгийн студитэй дэлхийн анхны өндөр хурдны галт тэрэг болж байна. Галт тэрэг нь агаар цэвэршүүлэх төхөөрөмж, цанын хэрэгсэлд зориулсан шүүгээ, тэргэнцэрт ашиглах боломжтой зайг багтаасан бөгөөд БэйДоугийн навигацийн хиймэл дагуулын системийг дэмждэг.

РОБОТУУД

Бээжингийн олимп олон тооны  роботыг ажиллуулж байна. Жишээлбэл, эмнэлгийн төв нь яаралтай тусламжийн үед мэс заслын роботуудтай болжээ. Робот  тус бүр нь хамт ажиллагсдаасаа илүү нарийвчлалтай, инвазив бус байдлаар ажиллах боломжтой. Цар тахлын халдварыг бууруулахын тулд гар ариутгагч бодис тарааж, зочдод маск хэрэглэхийг шаардаж, агаар, газрыг цэвэрлэхийн тулд манан цацдаг роботууд ажиллаж байна. Мөн 90 секундийн дотор зочдод коктейль хийж чадах бармен роботууд хүртэл байх болжээ.

Эх сурвалж: TOMORROW’S WORLD TODAY

Энэ мэдээнд өгөх таны сэтгэгдэл?
3
ЗөвЗөв
2
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-02-10 213.87.148.223

***** Шилдэг тавтай морилно уу секс болзоо сайт – – – – https://mysp.ac/50fjz

Avatar

Зочин 2022-02-10 43.242.242.59

Монголчууд бид хятад улстай хамт хөгжихөөс өөр аргагүй. Хятад улстай эвтэй найрсаг хөршийн хувьд боломжтой зүйл дээр дандаа хамтарч ажиллах нь зөв гэдгийг олон үйл явдал харуулж байна. Хоёр хөршөө муулаад муудалцаад бид хол явахгүй. харин ч хохирч болохыг хилээ хааснаар мэдэрсэн. Хятадын хөгжлийн хурдыг бид бас авч хамт хөгжье

Avatar

Зочин 2022-02-10 202.21.113.82

Gaihaltai, mundag bnaa!

NewsMN Гар утасны хувилбар Татах
NEWS.mn

Мэдээллийн эх сурвалж