Монголчуудад хилээ нээсэн орнууд руу хэрхэн зорчих вэ? | News.MN

Монголчуудад хилээ нээсэн орнууд руу хэрхэн зорчих вэ?

Монголчуудад хилээ нээсэн орнууд руу хэрхэн зорчих вэ?

Монголчуудад хилээ нээсэн орнууд руу хэрхэн зорчих вэ?

Цар тахалтай удаан хугацааны турш тэмцсэний үр дүнд зарим орны хувьд халдварын тархалт багасч, агаарын хил чөлөөтэй болов. Харин цар тахлын онцгой нөхцөл байдлын энэ үед өнөөдрийн байдлаар ихэнх орнууд хоёр тун вакцинд биш, PCR шинжилгээний хариуд итгэж байна. Ялангуяа Монгол Улстай харилцан хилээ нээсэн улс орнуудын нийтлэг шаардлага нь 48 цагийн доторх PCR шинжилгээний хариу юм. 


"Турк шинэ Эрээн боллоо", "Тайландад танихгүй монгол хүн алга" хэмээн монголчууд бие биеэ ёжлох. Улаанбаатарын утаа, түгжрэлээс дайжигчид хилийн чинадыг зорих хүсэлтэй байна. Тайландын хаант улс “Test and Go” хөтөлбөрийг 2022 оны хоёрдугаар сарын 1-ний өдрөөс сэргээсэн бөгөөд тус хөтөлбөрт вакцины бүрэн тунд хамрагдсан аль ч улсын зорчигчид хамрагдах боломжтой. Хилээр нэвтрэх зөвшөөрөл авахдаа <https://tp.consular.go.th/> хуудсаар бүртгүүлэх ба дараах зүйлсийг анхаарна. Үүнд:
  • “Test and Go” хөтөлбөрийн дагуу хилээр нэвтрэх зөвшөөрлийг аялахаас 5-7 хоногийн өмнө мэдүүлэх.
  • Зорчигч Тайландын хаант улсад ирсэн эхний өдөр болон тав дахь өдөр PCR шинжилгээнд хамрагдсан байх ёстой. Энэхүү шинжилгээг өгөхдөө тусгайлан заасан нэр бүхий зочид буудалд байрлана.
  • PCR шинжилгээний төлбөрийг аялахаасаа өмнө урьдчилан төлж, баримт авсан байх шаардлагатай. Мөн нисэх буудлаас зочид буудал хүрэх унааг урьдчилан захиална. 
  • Вакцинжуулалтын гэрчилгээ, эсхүл паспорттай байх.
  • Covid-19-ийн эмчилгээнд 50.000 ам.доллараас багагүй төлбөр төлөх нөхцөл бүхий эрүүл мэндийн үйлчилгээ авах даатгалд хамрагдсан байх.
  • Гэр бүлийн гишүүд тус бүртээ Thailand Pass авсан байх шаардлагатай.

БНСУ РУУ НЭВТРЭХ ШААРДЛАГА

БНСУ-ын Хорио цээр, халдварт өвчинтэй тэмцэх албанаас 2022 оны хоёрдугаар сарын 4-ний өдрөөс эхлэн Гадаад улсаас БНСУ-д ирэх зорчигчдын тусгаарлалтын хугацаа 10 хоног байсныг долоо хоног болгон өөрчилжээ. Ингэснээр БНСУ-ыг зорьж буй зорчигчид тухайн нислэгээс 48 цагийн дотор өгсөн PCR шинжилгээний сөрөг хариутай байх шаардлагатай.
ОХУ РУУ НЭВТРЭХ ШААРДЛАГА
ОХУ-д буусан цагаас 48 цагийн дотор PCR шинжилгээний хариу сөрөг байх шаардлагатай. Шинжилгээний бичиг нь англи, эсвэл орос хэл дээр байх ёстой. Зорчигчид эрүүл мэндийн хуудас бөглөнө. Харин сүүлийн 10 хоногийн хугацаанд Ботсвана, Эсватини, Хонгконг, Лесото, Мадагасгар, Мозамбик, Намиби, Өмнөд Африк, Танзани, Зимбабе улсад байсан зорчигч болон агаарын хөлгийн гишүүдийг хилээр нэвтрүүлэхгүй.
 
ЯПОН УЛС РУУ НЭВТРЭХ ШААРДЛАГА
Монгол Улсаас Япон Улсад зорчиж буй иргэд хилээр нэвтэрсэн өдрөөс эхлэн тусгаарлах байранд гурав хононо. Гурав дахь өдөртөө PCR шинжилгээ өгч, сөрөг гарсан тохиолдолд тусгаарлах байрнаас гарч, дөрөв хоногийн гэрийн болон зочид буудалд тусгаарлалтад орно. Тусгаарлалтын хугацаа нийт долоо хоног байна.
ХБНГУ РУУ НЭВТРЭХ ШААРДЛАГА
2022 оны нэгдүгээр сарын 23-ны өдрөөс эхлэн Монгол Улс өндөр эрсдэлтэй улсын жагсаалтад орсон бөгөөд ХБНГУ-д нэвтрэх тохиолдолд 10 хоног тусгаарлагдана. Ингэхдээ www.einreiseanmeldung.de. цахим хуудсаар орж, заавал бүртгүүлэх аж. Вакцины  сүүлийн тунгаа хийлгээд хамгийн багадаа 14 хоног болсон хүмүүс аялж болно. Халдвар аваад эдгэрсэн хүний хувьд вакцины нэг тунд хамрагдсан байж болно. Үүний тулд багадаа 28 хоног, хамгийн ихдээ зургаан сарын дотор өгсөн PCR шинжилгээний эерэг хариуг баримт болгож үзүүлэх шаардлагатай. Өвдөөд эдгэрсэн тухай нотолгоог герман, англи, франц, итали, эсхүл испани хэлээр, дижитал, хэвлэмэл болон цаасан хэлбэрээр үзүүлнэ.
Энэ мэдээнд өгөх таны сэтгэгдэл?
3
ТэнэглэлТэнэглэл
1
ХахаХаха
1
ХөөрхөнХөөрхөн
1
ХарамсалтайХарамсалтай
0
ЗөвЗөв
0
ГайхмаарГайхмаар
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-02-09 66.181.161.41

Урд хилээ хэзээ нээх вэ

Avatar

Зочин 2022-02-09 213.87.89.25

!!!! Шилдэг тавтай морилно уу секс болзоо сайт – – – – https://mysp.ac/50fjz

Avatar

2022-02-09 185.26.153.23

дамжин өнгөрөх мэдээлэл алга бна. Монгол руу ирэхийн тулд эдгээр орнуудар дамжин өнгөрвөл яах тухай мэдээлэл алга бна. Бүрэн мэдээлэл оруулвал яадаг юм бол до

Avatar

Зочин 2022-02-09 103.80.210.183

тээврийн хэрэгсэлдээ суугаад л очоод учираа олно шүү дээ.

Avatar

fdefff 2022-02-09 197.210.53.115

Мөнгөний төлөө бөөрөө зарах зөв газраа хайж байгаа, мөн эрүүл саруул хэвээр байгаа хүмүүст зориулж Fortis эмнэлэгтэй холбоо барина уу, бид таны бөөрийг 760,000 доллараар худалдаж авдаг. Та санхүүгийн бэрхшээлийг даван туулсан хэвээр байна уу? Та бөөрийг 760,000 доллараар зарж, маш эрүүл хэвээр байх болно
[fortis.hospital.in@gmail.com]

Avatar

Зочин 2022-02-09 202.9.41.4

Эсватини гэж ямар улс байна вэ. Хэлж өгнө үү

Avatar

Зочин 2022-02-09 66.181.184.139

Эсватини бол хэмжээгүй эрхт хаант засаглалтай Африкийн өмнөд хэсэгт оршдог улс. Эсватини явах гэж байна уу?😁

Avatar

Зочин 2022-02-09 103.26.195.161

Өмнө нь Свазилэнд гэдэг байсан. Өмнөд Африкийн БНУ, Мозамбиктай хилтэй. 2018 оноос Эсватини болсон. Хаант улс.

NewsMN Гар утасны хувилбар Татах
NEWS.mn

Мэдээллийн эх сурвалж