Монгол Улсын сагсан бөмбөгийн 3х3 төрлийн U16 насны улсын аварга шалгаруулах тэмцээн энэ сарын 19-23-нд “Royal 3×3 Event Hall”-д болохоор болжээ.

Тус тэмцээнээс энэ онд ОХУ-ын Владивосток хотод болох Азийн хүүхдийн наадамд оролцох Монгол улсын U16 насны шигшээ багийг сонгон шалгаруулах юм байна. Сагсан бөмбөгийн 3х3 төрлийн U16 насны улсын аварга шалгаруулах тэмцээнд 2006 оноос хойш төрсөн тамирчид оролцох бөгөөд хот, дүүрэг, аймаг, сургууль, клубийн баг өрсөлдөх аж.