Монголчууд цар тахалгүй мэт өргөн дэлгэр шинэллээ | News.MN

Монголчууд цар тахалгүй мэт өргөн дэлгэр шинэллээ

Монголчууд цар тахалгүй мэт өргөн дэлгэр шинэллээ

Монголчууд цар тахалгүй мэт өргөн дэлгэр шинэллээ

Ньюс агентлаг энэ долоо хоногт өрнөсөн онцлох үйл явдлыг тоймлон хүргэж байна.


МОНГОЛЧУУД ЦАГААН САРЫН БАЯРАА ӨРГӨН ДЭЛГЭР ТЭМДЭГЛЭЛЭЭ

XVII жарны “Буян үйлдэгч” хэмээх усан бар жилийн цагаан сар энэ долоо хоногт тохиож, монголчууд уламжлалт баяраа өргөн дэлгэр тэмдэглэлээ. Засгийн газраас төрийн золголтыг энэ жил өнжихөөр шийдвэрлэсэн ч сар шинээр ямар нэгэн хөл хорио, хязгаарлалт тогтоогоогүй. Тиймдээ ч монголчууд  цагаан сарын баяраар цар тахалгүй мэт аашилж, халдвар хамгааллын дэглэмээ умартан шинэлж байгаа нь харагдав. Тодруулбал, шинийн нэгэн буюу хоёрдугаар сарын 1-нд шалган нэвтрүүлэх долоон цэгээр Улаанбаатар хот руу 17,390 иргэн орж, 31,093 хүн гарсан гэх мэдээллийг албаныхан өгсөн.

Хөдөө орон нутагт ах дүү, хамаатан садны хүрээнд иргэд шинэлж байгаа ч амны хаалттай яваа хүн цөөн харагдав. Гэтэл шинэ жилийн баярын дараа халдварын тоо огцом нэмэгдэж байсанчлан цагаан сарын дараа өвчлөл нэмэгдэнэ гэх мэдээллийг Эрүүл мэндийн яамнаас сануулсаар байсан.

Тодруулбал, УОК-оос цагаан сарын дараа өдөрт бүртгэгдэх халдварын тоо 60 мянгад хүрэх тооцооллыг гаргаж, сэрэмжлүүлсэн. Мөн Эрүүлийг хамгаалахын гавьяат ажилтан А.Амбасэлмаа хэлэхдээ, "Омикроны тархалтын хурд маш эрчтэй болж, өдөрт нэмэгдэх тохиолдлын тоо 2-3 дахин ихэсч, лабораторийн шинжилгээнд эзлэх эерэг сорьц 2-27 хувиар өсч байгааг анхааруулсан. ХӨСҮТ-ийн Эмнэлгийн тусламж, үйлчилгээ эрхэлсэн дэд захирал Д.Чинбаярын өгсөн мэдээллээр эрсдэлт бүлгийн хүмүүс /архаг хууч өвчтэй хүмүүс, өндөр настнууд, жирэмсэн эмэгтэйчүүд/ омикроноор өвдсөн тохиолдолд хүндрэх эрсдэл нь өндөр аж.

Цагаан сарын баярын өдрүүдэд хоногт бүртгэгдэх халдварын тоо буурсан мэт харагдаж байгаа ч энэ нь иргэд шинэлж, шинжилгээ өгөх хүний тоо багассантай холбоотой гэж үзэж болно. Тухайлбал, өчигдөр улсын хэмжээнд хийсэн шинжилгээгээр Covid-19-ийн 570 тохиолдол шинээр батлагдсаны 366 нь Улаанбаатарт, 204 нь орон нутагт бүртгэгдсэн байна. Хэдийгээр иргэдийн шинжилгээ өгөх, дархлаажуулалтад хамрагдах идэвх баярын өдрүүдэд буурсан ч Улаанбаатар хотод өдөр бүр суурин 152 цэгт 1000 орчим эмч, ажилтан ажиллалаа.

Хятадын Ухань хотод 2019 оны сүүлээр Covid-19 цар тахал гарч, богино хугацаанд дэлхий нийтэд тархсанаар хүн төрөлхтөн бүтэн хоёр жилийг хөл хорио, халдвар хамгааллын дэглэмийг баримтлан өнгөрүүлсэн. Монгол Улсад цар тахлын халдвар бүртгэгдэхээс ч өмнө хилээ хааж, анхны зөөвөрлөгдсөн тохиолдол илрэхэд нийтээрээ айдаст автан, дэлгүүрийн лангуу хоосолж байв.

Харин олон улсын эрдэмтэд цар тахлын эсрэг вакциныг гарган авч, дэлхий нийтээрээ дархлаажуулалтыг эхлүүлснээр олон сая хүний амь насыг эрсдэлээс хамгаалж байна. Гэсэн ч вакцинжуулалтын хувь олон улсад харилцан адилгүй байгаагаас вирус мутацилагдаж, илүү халдварламтгай болж байгааг эрдэмтэд анхааруулсаар байна.

Монгол Улс нь 2021 оны хоёрдугаар сард вакцинжуулалтыг эхлүүлснээс хойш 2.1 сая хүн вакцины бүрэн тунг тариулж, дархлаа сэргээх бүүстэр тунд 1 сая хүн, дөрөвдүгээр тунд 82 мянган хүн хамрагдсанаар дэлхийн олон оронтой харьцуулахад дархлаажуулалтын хувь өндөр байна.


БЭЭЖИНГИЙН ОЛИМПОД МОНГОЛЫН ДАЛБАА МАНДЛАА

Хятадын нийслэл Бээжин хотноо өвлийн XXIV Олимпын наадам хоёрдугаар сарын 4-нд албан ёсоор эхэллээ. Нээлтийн ёслолд улс орнуудыг хятад цагаан толгойн дарааллаар оруулж, Монголын баг 79 дэх ээлжинд цэнгэлдэхэд орж ирсэн юм. Монгол Улсаас олимпийн наадамд хоёр тамирчин эрх авч өрсөлдөж байгаа бол Ерөнхий сайд Л.Оюун-Эрдэнэ тэргүүтэй албаны өргөн бүрэлдэхүүн Хятад улсад айлчилсан юм. Айлчлалын зорилго нь олимпийн наадам үзэх гэхээс илүү хоёр орны харилцаа, хамтын ажиллагааны  асуудлуудыг хэлэлцэх, хил гаалийн асуудлыг шийдвэрлэхийг зорьжээ. Тодруулбал, Ерөнхий сайд Л.Оюун-Эрдэнэ 2022 оны хоёрдугаар сарын 5-ны өдөр БНХАУ-ын Төрийн Зөвлөлийн Ерөнхий сайд Ли Көчянтай албан ёсны уулзалт хийж, Монгол, Хятадын харилцааг эрчимжүүлэх болон харилцан сонирхсон бусад асуудлаар дэлгэрэнгүй санал солилцож, өргөн хүрээтэй тохиролцоонд хүрлээ. Ерөнхий сайд Л.Оюун-Эрдэнэ хоёрдугаар сарын 3-8-ны өдрүүдэд БНХАУ-д айлчилж байна.

Монгол Улс гүйлтийн цанын төрөлд хоёр эрх авсан бөгөөд Б.Ачбадрах, А.Энхтуул нар оролцож байна. Харин паралимпийн наадамд Б.Ганболд цанын төрөлд өрсөлдөх бөгөөд тэрбээр ийнхүү гурав дахь паралимпдоо оролцох гэж байгаа аж. Паралимп гуравдугаар сарын 4-13-ны өдрүүдэд болно.


 АХМАДУУДЫНХАА ТЭТГЭВРИЙГ НЭМЭВ

Засгийн газрын хуралдаанаар нийгмийн халамжийн тэтгэвэр болон байнгын асаргаа шаардлагатай 16 хүртэл насны хүүхдэд олгох амьжиргааг дэмжих мөнгөн тэтгэмжийн хэмжээг 100 мянган төгрөгөөр нэмэгдүүлж, 288 мянган төгрөгөөр хэвээр олгохоор шийдвэрлэсэн. Уг нэмэгдэлд 52.693 нийгмийн халамжийн тэтгэвэр авагч иргэн, 10145 байнгын асаргаа шаардлагатай 16 хүртэл насны хүүхэд, нийт 62.838 иргэн хамрагдаж, 6.1 тэрбум төгрөгийн нэмэгдлийг авчээ.

Мөн ерөнхийлөгчийн чиг үүргийн дагуу бүрэн тэтгэвэрийн доод хэмжээг 500 мянган төгрөг, хувь тэнцүүлсэн тэтгэврийн доод хэмжээг 400 мянган төгрөг болгосон. Тэтгэврийн нэмэгдлийг сар шинийн баяраас урьтаж батлахаар УИХ ээлжит бус чуулган зарлан хуралдуулж баталснаар хоёрдугаар сарын 1-ны битүүний өдөр ахмадуудын дансанд шилжүүлсэн юм. Сангийн сайд Б.Жавхлангийн мэдээлснээр нийтдээ 637 тэрбум төгрөгийн тэтгэврийн нэмэгдэлтэй холбоотой төсвийн тодотгол хийж, Богд Зонхоюа, айрагны өргөө зэрэг 123 төсөл арга хэмжээний төсвийг царцааж, ирэх жил рүү шилжүүлсэн.


 

ЦАР ТАХЛЫН ХУУЛИЙГ 5 ДАХЬ УДААГАА СУНГАВ

Цар тахлын тухай хуулийг анх зургаан сарын хугацаанд үйчлэх зохицуулалттай оруулж ирсэн ч эрх баригчид тав дахь удаагаа сунгахаар 2022 оны төсвийн тодотголыг дагаж өргөн мэдүүлсэн. УИХ-ын чуулганы ээлжит бусаар хуралдуулж, 2022 оны төсөвт тодотгол хийсэн. Тэгвэл 2022 оны төсвийн тодотголтой хамт өргөн мэдүүлсэн хуулийн төслүүд дунд цар тахлын хуулийг сунгаж, 2022 оны арванхоёрдугаар сарын 31-ний өдөр хүртэл сунгахаар оруулж иржээ.

Хуулийг анх зургаан сараар нэг удаа сунгах зохицуулалттай байсан ч өдгөө УИХ тав дахь удаагаа сунгаад байна.

  • 2020.04.29-ний өдөр анх баталсан бөгөөд хуулийн үйлчлэх хугацаа 2020.12.31-ний өдөр.
  • 2020.12.31-ний өдөр дахин зургаан сараар сунгасан.
  • 2021.06.29-ний өдөр дахин зургаан сараар сунгасан.
  • 2021.12.31-ний өдөр дахин зургаан сараар сунгасан.
  • 2022.06.30-ний өдөр хүртэл дахин зургаан сараар сунгасан.
Энэ мэдээнд өгөх таны сэтгэгдэл?
11
ЗөвЗөв
4
ТэнэглэлТэнэглэл
3
ХахаХаха
2
ХөөрхөнХөөрхөн
2
ГайхмаарГайхмаар
1
ХарамсалтайХарамсалтай
1
БурууБуруу
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2022-02-06 66.181.161.90

Ковидын элийрэл энэ хүрээд дуусаасай. Улсынхаа нийслэлрүү оруулахгүй ухаан дутаж алтан амь алдаад . Улс дамжин ирснээ уулзуулахгүй гэж уяаад . Ахуй амьдарлыг нь зогсоогоод.арилжаа наймааг нь алдагдуулаад айдаа мөнч их далысандаа

Avatar

Зочин 2022-02-06 66.181.161.90

МОНГОЛЧ.Д Ч ДЭЭ БАЯР ТЭМДЭГЛЭЖ УНТАЖ ИДЭХДЭЭ САЙН УЛС. УЛС оронч хөгжихгүй . Ордноороо дүүрэн хулгайчтай. Овилгогүй хэдэн даргатай.

Avatar

123 2022-02-06 66.181.161.90

Баяр болохоор чимээгүй зах замбараагүй өргөн дэлгэр далыцгаачаад хичээл сургууль болохоор өвчин зөвлөн ихэслээ хорь болхоо бла бла гэнэ энэ ямар ухаан бэ ойлгохгүй бна .

Avatar

Зочин 2022-02-06 202.21.107.65

Дураараа хөгшчүүл их зоригтой байна лээ. Онлайнаар яриад мөнгө шилжүүлэхээр ирсэнгүй гээд загнаад байх юм. Ёстой өргөн дэлгэр л боллоо.

Avatar

Зочин 2022-02-06 202.126.89.98

barag bugd tussan baih. Manai ajil 1500 huntei 1350 ni tussan baina. Tegeheer ulsiin 3 saya hunii 2,5 saya n tussan baih. Odoo udahgui buurna.

Avatar

Зочин 2022-02-06 24.16.98.174

Зөв шүү дээ. Тохиолдол өсч буурна, Амьдрал үргэлжилнэ.

Avatar

Зочин 2022-02-06 213.87.136.68

! Шилдэг тавтай морилно уу секс болзоо сайт – – – – https://mysp.ac/50fjz

Avatar

Зочин 2022-02-06 202.9.41.149

Вакцины хугацааг сунгадаг амар юм билээ шд. Файзер хугацааг сунгаж болно гэнгүүт л ДЭМБ үг дуугүй зөвшөөрч энэ тэр. Вакцин гэлтгүй ковид бол сайхан бизнес болсон. Харин эм, эмнэлгийн бизнест Монгол Улс оролцож чадахгүй учраас хамгийн алдагдалтай зүйл болоод байгаа даа. Өнгөрсөн онд хэдэн зуун сая доллар ковидоос болж алдав гэдэг судалгааг сэтгүүлчид гаргаж тавиасай билээ.

Avatar

Зочин 2022-02-06 202.126.88.198

УМ БАЗАРВААНИЫ ХУМ ПАД 🙏🙏🙏
МОНГОЛЧУУДЫН ХЭНЭГГҮЙ МУУ ЗАНГ ӨРШӨӨӨ

Avatar

Зочин 2022-02-06 203.91.115.56

Баярын донтой улс шүү дээ. Ноднин карентин дуусгаад золгоцгоосон санагдах юм. Тэр тэвчээргүй зангаас болж ковидоор 2000 гаруй хүн үхчихээд байна. Халх гол, 1945 оны дайнаас их хохирол шүү. Авто осол, халдварт бус өвчнүүд өөрийн хэвшил хандлагаас гэхсэн. Тахал бол мина шүү дээ.

Avatar

Зочин 2022-02-06 64.119.24.148

Шаагаарай х***а минь халх голын дайнд хэдэн мянган хүнээ алдсан шүү!!!! Танай хужааг бас самуурайнуудаас чөлөөлж өгсөн.

Avatar

Zochin 2022-02-06 94.105.127.105

Shiniin 1 buyu 2sarin 1nd genuu??

Avatar

1z 2022-02-06 216.38.195.77

y

Avatar

Зочин 2022-02-06 122.201.21.190

Бүгдээрээ вакцинтай юм чинь золгож л таараа шүү дээ.

Avatar

МОНГОЛ УЛСАД 4-р ТУНГ 80%-Д ХҮРГЭЕЭЭЭЭ 2022-02-06 202.126.88.199

АРАЙ Л ЮМАА….ДЭЛХИЙН УЛСУУД ИРГЭН БҮР НЬ 3-4-Р ТУНДАА 80-100% ХАМРАГДСАН БОЛ ХӨЛ ХОРИОГОО СУЛЛАЖ ЭХЭЛЖ БНА. МОНГОЛ УЛСАД 3-4-Р ВАКЦИНЖУУЛАЛТ ЯВДАГГҮЙ ЭЭЭ ЯАНАМ БЭЭЭЭ

Avatar

Зочин 2022-02-06 122.201.21.190

Вакцины чинь хугацаа аль эрт дууссан, хөөе!

Avatar

Зочин 2022-02-06 192.82.73.204

Mongol zurxaigaar 2-sarin 1 shiniin 1 bish shuu dee. Yu bicheed soliorood baina. Zuv sudalj bicheech.

Avatar

Осор 2022-02-06 202.55.188.36

Өөрөө зөв уншаач

Avatar

Тэнэг байхад хязгаар бмаар...уурхай ухахад өсдөг эдийн засагтай... тэгээд тэрийгээ болоо болоо гэдэг ард түмэн бмааргүй бх юм... 2022-02-06 66.181.161.37

Нийт 600 тэрбум үнэлэгддэг ордын 400 тэрбум доллар өгөөд уурхай ухуулах гэсэн цаад баагий нь бид авсан 400-даа өөрсдөө зардлаа хариуцна танай 34-н зардлыг хариуцахгүй гэж авсан. Харин хүүтэй зээл өгнө. Монгол тал жаа гэж алга хавсарсан бдаг, тэгээд РИО авсан 400-даа татвараа буулгуулна тэгэхгүй бол нүхээ ухахгүй гэж. Уг нь 20% ч бхыг 2% болгосон бдаг. РИО компани авсан 400-гаа зөөх гээд нүхээ ухсан. Тэгсэн монголын эдийн засаг 17%-иар өссөн. Бид гадаадын хөрөнгө оруулалт гэж үнэнгээсээ ойлгосон.

Avatar

Тэнэг сэтгүүлч 2022-02-06 202.126.89.137

Энэ мангар сэтгүүлч нэртэнгүүдийг яана даа. 2022 оны 06 сарын 30-ны өдөр болоогүй байхад хөл хориог энэ өдөр сунгасан гээд биччиж. Ванга эмээ юм байх даа, далдыг хардаг

Avatar

Зочин 2022-02-06 90.196.191.207

зөв л бичсэн байна даа. хүнээс шувтан өө эрж нээх ухаантай хүн харагдах гэдгээ боль. юмыг гүйцэд уншиж зөв ойлгохыг хичээж бай

NewsMN Гар утасны хувилбар Татах
NEWS.mn

Мэдээллийн эх сурвалж