Эрээн, Замын-Үүд боомт Баасан гариг хүртэл хаалттай байна | News.MN

Эрээн, Замын-Үүд боомт Баасан гариг хүртэл хаалттай байна

Эрээн, Замын-Үүд боомт Баасан гариг хүртэл хаалттай байна

Эрээн, Замын-Үүд боомт Баасан гариг хүртэл хаалттай байна

Хоёр улсын гэрээ, баяр, амралтын өдрийн хуваарийн дагуу цагаан сараар Хятад улс хилээ гурав хоног хаах аж. Тодруулбал, хоёрдугаар сарын 1-нээс 3-ны хооронд хил хааж буй.

Хэдийгээр ачаа барааг хэвийн нэвтрүүлэх ажил удаан, чингэлэг тээвэр дорвитой ахиагүй ч баярын өдрүүдэд заавал хил хаах зохицуулалттай. Иргэдийн хэлж байгаагаар урд хөрш хилээ өвлийн олимп хүртэл нээхгүй байх магадлалтай гэж байгаа ч Хил хамгаалах ерөнхий газраас үгүйсгэлээ.

Тиймээс цагаан сарын баярын гурав хоногт л хил хаагдах бөгөөд түүнээс хойш ачаа барааны таталт, хилээр нэвтрэх ажил хэвийн үргэлжлэх аж. Хятад улс тунхагласан баяр болоод цагаан сараар бүх нийтээр амардаг уламжлалтай. Энэ жилийн хувьд тус улсад бүх нийтийн амралтыг долоон хоног байхаар төлөвлөжээ. Үүнтэй холбоотойгоор өнгөрсөн жилүүдэд хил 5-7 хоног хаадаг байсан бол энэ жил гурав хоног хаахаар болсон байна.

Тэг цэгтэй холбоотой гаалийн байгууллагаас гаргасан мэдэгдэлд 08:00-24:00 цаг хүртэл ажиллаж, гаалийн бүрдүүлэлтийг 09:00-24:00 цагт хийж байна гэжээ. Ачаатай чингэлгийн мэдээллийг "УБТЗ" ХНН-ийн вэб сайт болон мөн "Тээвэр зуучлагчдын нэгдсэн холбоо"-ны цахим хуудсаас авах боломжтой.

Цар тахлын үед хилийн боомтын үйл ажиллагааг хэвийн явуулах, экспорт, импортын ачаа тээврийг эрчимжүүлэх үүрэг бүхий Шадар сайдаар ахлуулсан Ажлын хэсэг Замын-Үүд боомтод ажиллаж, тодорхой зохион байгуулалтуудыг газар дээр нь хийгээд ирсэн. Түүний дагуу нэгдүгээр сарын 11-нээс хилийн боомтын үйл ажиллагаа жигдэрч, гол түлхүү хүнс болон бусад бараа, бүтээгдэхүүн зэрэг бүх төрлийн ачааг оруулж байгаа билээ.

Хил хаалттай байх хугацаанд Монголын талын хилийн хяналтын байгууллагынхан дотоод үйл ажиллагааныхаа бэлтгэлийг хийнэ гэсэн юм.

Монгол Улс, БНХАУ-ын дотоодын хууль тогтоомжид заасан дараах баяр, амралтын өдрүүдэд Монгол, Хятадын хилийн автозамын боомтууд амарна. Үүнд:

  • Шинэ жил-нэгдүгээр сарын 1-нд
  • Цагаан сар-шинийн 1, 2, 3
  • Олон улсын эмэгтэйчүүдийн өдөр-гуравдугаар сарын 8-нд
  • Ханш нээх өдөр-Дөрөвдүгээр сарын 4-нд
  • Олон улсын хөдөлмөрчдийн баяр- Тавдугаар сарын 1-нд
  • Хүүхдийн баяр-Зургадугаар сарын 1-нд
  • Луут завины баяр-Зургадугаар сар
  • Монгол Улсын Үндэсний их баяр наадам, Ардын хувьсгалын ойн баяр-Долдугаар сарын 11-15-ны өдрүүдэд
  • Намрын баяр-Есдүгээр сар
  • БНХАУ-ын Үндэсний баяр-аравдугаар сарын 1-3-нд
  • Их эзэн Чингэс хааны өдөр
  • Монгол Улсын Үндэсний эрх чөлөө, тусгаар тогтнолоо сэргээсний баярын өдөр, аравдугаар сарын 29-ний өдөр багтаж байна.
Энэ мэдээнд өгөх таны сэтгэгдэл?
1
ХахаХаха
1
ХарамсалтайХарамсалтай
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-02-02 213.87.132.210

!!!!!!!!! Шилдэг тавтай морилно уу секс болзоо сайт – – – – https://mysp.ac/50fjz

NewsMN Гар утасны хувилбар Татах
NEWS.mn

Мэдээллийн эх сурвалж