Хүйтний улиралд санаж, дулааны улиралд мартчихдаг утааны талаар бид олон жил ярьсаар, чихэнд дасал болж. Уг нь сайжруулсан түлшийг хэрэглээнд нэвтрүүлснээр Улаанбаатарын утаа харьцангуй буурсан ч сүүлийн үед нүдэнд үзэгдэж, амьсгалд мэдрэгддэг саарал утаа эргэн ирснийг хэн хүнгүй ярьцгааж байна.  Юутай ч манарсан утаан дундаа бид эргээд амьдрах болсон нь АН-ын дарга асан З.Энхболдын санааг ихэд зовоох болжээ. 

Тэрбээр энэ талаар өөрийн цахим хуудастаа "МАН 200 тэрбум төгрөг зарцуулчхаад, утаа хэвээрээ байгааг шүүмжилж байна. Дөрвөн жил УИХ-ын дарга байхдаа 86000 айлыг байртай болгож утаатай тэмцсэн. Ер нь утаа 100 жил Монгол Улсыг удирдсаны үр дүн. Сүүлийн 30 жилд АН ганц хоёр удаа сонгуульд ял,ж МАН-ын 70 жил барьсан засмал замыг дөрөвхөн жилд барьсан.

МАН 1921-1990 оны хооронд 100 мянган орон сууц барьсныг 1996 онд АН суугчдад нь үнэгүй хувьчилж өгсөн. 2012-2016 оны хооронд дөрөвхөн жилд 86000 шинэ орон сууц барьж, ипотекоор өгч, утааг бодитойгоор бууруулсан. 2016 оны сонгуульд МАН ялаад, ипотекийг зогсоож, 200 тэрбум төгрөгөөр шахмал түлшний үйлдвэр бариад ч утаа хэвээрээ. Яндангүй болж байж утаагүй болно гэдгийг МАН хэзээ ойлгох бол" гэж бичжээ. 

Э.БУРАМ