Урлаг, спорт, нийгмийн хэн гэдэг алдартнууд өнөөдөр буюу нэгдүгээр сарын 29-нд мэндэлснийг та бүхэнд сонирхуулъя.

Оросын утга зохиол, театрын хөгжилд үнэлж баршгүй хувь нэмэр оруулсан зохиолч Антон Павлович Чехов 1860 оны энэ өдөр Таганроге хотод худалдаачны гэр бүлд төржээ. XIX зууны хоёрдугаар хагас дахь Орос орны хүнд бэрх амьдралыг биеэр туулж, дэлхийн сонгодог утга зохиолын өв санг өөрийн уран бүтээлээрээ баяжуулсан юм.

“American Idol” шоуны найм дахь улиралд дэд байр эзэлсний дараагаар алдар нэрд хүрсэн Америкийн дуучин ая зохиогч Adam Mitchel Lambert 1982 оны мөн энэ өдөр мэндэлжээ. Түүний уран бүтээл театрын урлагийг орчин үеийн хөгжмийн найруулгатай хослуулан уран бүтээлээ туурвидаг онцлогтой.

Тэрбээр XX зууны хамгийн баян Африк гаралтай aмерик хүн бөгөөд түүхэн дэх хамгийн өндөр үзэлттэй “The Oprah Winfrey Show" ток шоуны хөтлөгч Опра Гэйл Уинфри 1954 оны нэгдүгээр сарын 29-нд төржээ. Телевизийн шоуны алдартнаас илүүтэй сайн үйлсийн аян дэлхий дахинд өрнүүлдэг бүсгүй билээ.

Өнөө цагийн хөл бөмбөгийн өрсөлдөөний талбарт эн тэнцүү өрсөлдөж буй Барсалено- Реал-Мадрид багууд 1994 онд “Ла лиг”-ийн титмийн төлөө өрсөлдсөн. Тэмцээний үр дүн 5-0 онооны харьцаатайгаар Барсалено хожиж өндөрлөсөн. Тэрхүү тоглолтод “Hat trick” буюу гурван гоол оруулж, "Алтан бөмбөг" шагнал хүртсэн Бразилын алдарт хөлбөмбөгчин Romário de Souza Faria 1966 оны мөн энэ өдөр мэндэлжээ. 2004 онд дэлхийн хамгийн шилдэг тоглогчдын жагсаалтад багтсан.

Ц.Хонгор