Италийн тансаг зэрэглэлийн “Moncler” брэнд 2024 он гэхэд амьтны үс үйлдвэрлэлдээ ашиглахаас бүрэн татгалзахаа мэдэгдэв. “Moncler” брэнд нь “Nordstrom”, “Canada Goose” гэсэн акулуудын араас удаалдаг бөгөөд бүтээгдэхүүний үнийн хувьд голчлон 1000 ам.доллараас эхэлдэг.

Италийн амьтны эрх хамгаалагч “LAV” байгууллагатай хамтран ажиллаж буй тэд энэ оноос эхлэн үслэг эдлэлийн татан авалтаа зогсоож, 2023 оны намар, өвлийн цуглуулгадаа хамгийн сүүлийн үслэг загваруудаа танилцуулахаа мэдэгдэв.

“Moncler”-ийн уг мэдэгдэл жирийн үйлчлүүлэгчдээс эхлээд амьтны эрхийн төлөө тэмцэгчид, тэр байтугай муж, хотын захиргаа хүртэл үслэг эдлэлээс татгалзах бодлого баримталж буйтай холбоотой. Энэ бодлогын хүрээнд Итали улсад өнгөрсөн жилээс эхлээд “Armani”, “Prada”, “Versace”, “Valentino”, “Gucci” зэрэг том брэндүүд бүгд үслэг эдлэлээс татгалзсан.

“Moncler” брэнд хүмүүнлэг загварын салбартай хөл нийлүүлж буйд бид баяртай байна” гэж Олон улсын хүмүүнлэгийн нийгэмлэгийн Загварын бодлого хариуцсан захирал хэлжээ.

Эх сурвалж: CBS NEWS