АНУ-ын "SAT" шалгалт дижитал хэлбэр рүү шилжинэ

Хуучирсан мэдээ: 2022.01.26-нд нийтлэгдсэн

АНУ-ын "SAT" шалгалт дижитал хэлбэр рүү шилжинэ

АНУ-ын "SAT" шалгалт дижитал хэлбэр рүү шилжинэ

АНУ-д бакалаврын зэргээр сурахыг горилогчид голдуу "ACT" болон "SAT" шалгалтын тодорхой босгыг давсан байх шаардлагатай байдаг. Тэгвэл энэ Мягмар гаригт "SAT " шалгалт дижитал хэлбэрт шилжихээр болжээ.

Уг шалгалт нь анх 1926 оноос хэрэгжиж эхэлсэн АНУ-ын их дээд сургуульд, коллежид ороход гол шалгуур болсон бөгөөд ахлах ангийг төгсөх сурагчдад зориулсан чухал шалгалт билээ. Монгол улсын Элсэлтийн ерөнхий шалгалт гэж ойлгож болно. "SAT" нь "Scholastic Aptitude Test" үгний товчлол бөгөөд хожим нь "Scholastic Assessment Test" болгон нэрийг нь өөрчилжээ.

АНУ-ын коллежид элсэхэд зайлшгүй шаардлагатай "SAT" болон "ACT" зэрэг элсэлтийн шалгалтын босго оноо цар тахалтай холбоотойгоор харьцангуй доогуур тогтоосон байна. Иймд "SAT" шалгалтыг цаас, харандаанаас дижитал хэлбэрт шилжинэ гэж администраторууд Мягмар гаригт мэдэгдэв.

Шалгуулагчид өөрсдийн зөөврийн компьютер эсвэл таблетаа ашиглахыг зөвшөөрч байгаа боловч гэртээ бус, хяналтын газар эсвэл өөрийн сургуульдаа шалгалтад хамрагдах боломжтой болжээ. Шалгалтын бүтцийн өөрчлөлтийг ирэх жил олон улсад, 2024 онд АНУ-д хэрэгжүүлэхээр төлөвлөж байна. Мөн өмнөх шалгалтын хугацаа гурванн цаг байсан бол хуучин хувилбараас нэг цаг хасч, унших, бичих, математикийн үнэлгээг хоёр цаг болгон өөрчилжээ.

2021 оны статистик тооцоогоор АНУ-ын 2.2 сая сурагч "SAT" шалгалтад хамрагдсан байна. Энэ нь өмнөх жилийн үзүүлэлтээс 1.5 саяар буурчээ. Энэ нь цар тахалтай шууд холбоотой бөгөөд шалгалтын нөхцөлийг дижитал болгосноор онлайнаар тогтмол суралцаж, тест хийдэг оюутнуудад илүү хялбар болох талаар мэдээллээ.

М.Гэрэлмаа

Энэ мэдээнд өгөх таны сэтгэгдэл?
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж