Хийн хоолойн төслийн ТЭЗҮ-г эцэслэсэн тухай тэмдэглэлд гарын үсэг зурлаа | News.MN

Хийн хоолойн төслийн ТЭЗҮ-г эцэслэсэн тухай тэмдэглэлд гарын үсэг зурлаа

Хийн хоолойн төслийн ТЭЗҮ-г эцэслэсэн тухай тэмдэглэлд гарын үсэг зурлаа

Хийн хоолойн төслийн ТЭЗҮ-г эцэслэсэн тухай тэмдэглэлд гарын үсэг зурлаа
Монгол Улсын Шадар сайд С.Амарсайхан ОХУ-ын “Газпром” НХН-ийн Удирдах зөвлөлийн дарга А.Б.Миллертэй өнөөдөр цахим уулзалт хийж, ОХУ-аас БНХАУ руу Монгол Улсын нутаг дэвсгэрээр дамжуулан байгалийн хийн хоолой барих төслийн техник, эдийн засгийн үндэслэлийг эцэслэсэн тухай ТЭМДЭГЛЭЛ-д гарын үсэг зурлаа.
Хамтарсан Ажлын хэсгийн Монголын талын ахлагчийн хувьд Шадар сайд С.Амарсайхан уулзалтыг нээж хэлсэн үгэндээ "Гурван улсыг дамнасан, дэд бүтцийн энэхүү мега төслийн ТЭЗҮ-ийг хугацаанаас нь өмнө амжилттай боловсруулж дуусгасанд баяртай байна. Монгол Улсын нутаг дэвсгэрээр дамжуулан ОХУ-аас БНХАУ руу байгалийн хий нийлүүлэх хоолой барих төслийн “Техник, эдийн засгийн үндэслэл”-ийг боловсруулах ажлыг хийж гүйцэтгэсэн “Газпром” НХН-ийн хамт олонд Монгол Улсын Засгийн газрын нэрийн өмнөөс болон хувиасаа талархал илэрхийлье.
Байгалийн хийн хоолойн төсөл цар тахлын хүнд хэцүү нөхцөл байдлаас үл хамааран Хамтран баталсан төлөвлөгөөний дагуу амжилттай хэрэгжиж байна.
Энэхүү төслийг эрчимжүүлэх зорилгоор “Газпром” НХН-ийн Удирдах зөвлөлийн орлогч дарга В.А.Маркелов тэргүүтэй төлөөлөгчид 2021 оны 3 болон 10 дугаар саруудад Монгол Улсад хоёр удаа ажлын айлчлал хийж, уг уулзалтуудын үеэр талуудын ярилцаж тохиролцсон асуудлууд бүрэн шийдвэрлэгдэж, дараа дараагийн ажлуудыг хэрэгжүүлж эхлээд байна" хэмээн онцолсон юм.
Энэхүү төсөл нь техникийн хувьд хэрэгжих бүрэн боломжтой бөгөөд эдийн засгийн хувьд үр өгөөжтэй гэдэг нь ТЭЗҮ-ээр тодорхой болсон учраас 2022, 2023 онд талууд хамтран инженерийн нарийвчилсан судалгаанууд болон байгалийн хийн хоолойн барилга байгууламжуудын зураг төслийн ажлуудыг хийж гүйцэтгэхээр төлөвлөөд байна. Монголын хэсэг дээрх хий дамжуулах хоолойн нийт урт нь 960 км бөгөөд жилд 50 тэрбум шоо метр хийг тээвэрлэх юм.
ОХУ, БНХАУ болон Монгол Улсын төрийн дээд түвшний уулзалтуудын үеэр байгалийн хий дамжуулах хоолойн төслийн асуудал тогтмол яригдаж, хамтын ажиллагаагаа идэвхжүүлэх, төслийн хэрэгжилтийг эрчимжүүлэх асуудлыг дэмжин ажиллахаа гурван улсын төр, засгийн өндөр албан тушаалтнууд удаа дараа мэдэгдэж ирсэн нь төслийг цаашид үр дүнтэй хэрэгжүүлэх гол үндэс гэдгийг талууд энэ үеэр онцлон тэмдэглэж байлаа.
Өнөөдөр үзэглэсэн Протоколд нэгдүгээрт, Хөрөнгө оруулалтын өмнөх судалгаа болох “Монгол Улсын нутаг дэвсгэрээр ОХУ-аас БНХА руу байгалийн хий дамжуулах хоолой барих, ашиглах төслийн Техник, эдийн засгийн үндэслэл”-ийн үр дүнг батлах, хоёрдугаарт, "Зураг төсөл"-ийн үе шатанд шилжих, зураг төсөл, хайгуул судалгааны ажлуудыг гүйцэтгэх талаар тусгажээ.
Энэхүү байгалийн хийн хоолойн төсөл нь манай хоёр орны хооронд хөгжүүлж буй “Иж бүрэн стратегийн түншлэл”-ийг баяжуулан өргөжүүлэхэд чухал ач холбогдолтой төсөл бөгөөд талуудын хүчин чармайлтын дүнд амжилттай хэрэгжиж, манай хоёр улсын хувьд харилцан ашигтай, тогтвортой хөгжилд жинтэй хувь нэмэр оруулах том бүтээн байгуулалт болно гэж Монголын тал итгэл дүүрэн байгаагаа Шадар сайд С.Амарсайхан илэрхийлээд, Монгол Улсын Засгийн газар үүнд өндөр ач холбогдол өгч, өмнөө тавьсан зорилтуудыг богино хугацаанд биелүүлэхийн төлөө бүх талын дэмжлэгийг үзүүлэн ажиллах болно хэмээн хэллээ.
Энэ мэдээнд өгөх таны сэтгэгдэл?
10
ЗөвЗөв
3
ТэнэглэлТэнэглэл
1
ХахаХаха
1
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

22 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-01-25 203.98.76.176

Orosuud zuugaad l, baritsaa ahiulaad l bgaa. Daraa baahan booh bhdaa. Usan tsahilgaan stants iig demjihgui, uursduu undur uneer shahah geed bna daa. yana daa

Avatar

эрка 2022-01-25 203.91.115.247

Засгийн газартаа амжилт хүсэе.

Avatar

Зочин 2022-01-25 202.9.41.23

Бээжин хийн хоолойг Монголоор дайруулахыг огт зөвшөөрөхгүй бга юм гэсэн ! Хамгийн гол нь Кремль хийн хоолойг өөрийн хөрөнгө оруулалтаар барьж 100 % ОХУ ын өмчлөлд авах залжин санаа агуулж бгаг Улаанбаатар ч тэр Бээжин ч тэр гадарлаад бга юм ! Өнөөдөр оросын оролцоотой төмөр замд оросууд техник техонлогийн шинэчлэл ч хийлэгдэггүй үлгэн салган ажилладаг бүтэц болж хувирсан гашуун туршлага бн ! Манай дарга нар хоолойн бүтээн байгуулалтанд хөрөнгө хувь оролцож, улмаар өмчлөлд нь оролцох зайлшгүй бд

Avatar

Иргэн 2022-01-25 202.126.89.35

Хийнээс нь тодорхой хувийг ашиглаж утаанаасаа салцгаая, хийгээр ажилладаг дулааны ба цахилгаан станц хэд хэдийг байгуулъя, эрчим хүчний дутагдлаас ангижирч илүүдэл эрчим хүчээ Хятад руу экспортолъё

Avatar

Зочин 2022-01-25 202.131.238.114

Ene Munkhbaatar erguu hoolnii sav yu hiij suuj baigaan. Barilgiin salbariin kompaniud dampuuraad duusch bn ene nuhur poprool yavj bh yumaa. Zailuualaach ene Munkhbaatariigaa Oyunerdenee. Bayanzurhiin Zasag darga bhad ni Oyuk heltsiin darga ni bsan yum gesen. Ach sanaad bdiimuu yaadiin. ene neg yu ch hiideggui nuhur zasag soligdoh bolgond l uldej baih yum.

Avatar

Зочин 2022-01-25 111.220.50.43

Хитад нь манайхаар дамжуулахыг бүрэн зөвшөөрсөн юм уу??!! Үе үе ардчилал, хүний эрх, сонгууль гээд солиоролд автдаг эрүүл солиотой нь сайн мэдэгдэдгүй хүн олонтой газраар дамжуулах хоолой барьж яршиг төвөг болох дургүй байгаа юм гэсэн.

Avatar

Зочин 2022-01-25 213.87.128.221

>> Шилдэг тавтай морилно уу секс болзоо сайт — https://mysp.ac/50fjz

Avatar

иргэн 2022-01-25 202.9.40.178

2 том хөрш маань өөрсөдөө хэрэгтэй хоолойнхоо аюулгүй байдалд анхаарах нь зүй. Бид бол байгаль орчин болон өөрсдийнхөө улс төрийн байдалдаа анхаараад тохиролцсон төлбөрөө цагтаа хүлээж аваад явж байхад л болно доо.

Avatar

Зочин 2022-01-25 66.181.179.137

САЙН БАЙНА АМЖИЛТ ХҮСЬЕ

Avatar

Заагч 2022-01-25 202.9.47.29

Хог хятад ялгадасууд энэ хоолой битгий баригдаасай гэж бодож байгаа хог вирус хятадууд устаасай.

Avatar

Заагч 2022-01-25 202.9.47.29

Иргэн хог данжаад чи юу юм бэ хог гамин чинь чамд Монгол ямар хамаа байнаа мантуугаа гудраад вирусээ чирээд Монголоос зайл х***а минь

Avatar

Бөбө 2022-01-25 202.126.89.69

Баригдахгүй дээ. Баахан хоосон яриа болж бгаал аяндаа унтрана

Avatar

Иргэн 2022-01-25 66.181.161.28

Энэ ТЭЗҮ – ээ судалж үзсэн юм уу. БОАЖЯ – ны санал дүгнэлт гарсан уу. Сүүлд нь боольхой илрээд балаг тарихааргүй юм хийгээрэй.

Avatar

Зочин 2022-01-25 66.181.186.233

Ene tom tosol manai nutgaag damj8j baigaad bid bayrlah estoi.deer ued tomor zam damjuulahgui geed l balaraad baisan odoo tomor zamaas yamar ih ashig hurtej bna

Avatar

Зочин 2022-01-25 202.126.88.38

Орос хийн хоолойгоо хамгаална гээд цэрэг оруулж ирэхэд амар болж

Avatar

Зочин 2022-01-25 150.129.140.249

За чи битгий хадуураад бай. Дэлхийн бүх улсад ийм транс үндэстэн дамжсан төслүүд хэдэн зуугаараа хэрэгжиж байна.

Avatar

Зочин 2022-01-25 66.181.186.233

harin oruulaad ireesee umhii hyadaduudaas hol baih heregtei

Avatar

Зочин 2022-01-25 103.26.194.169

Erguu uheree chi tegeed hyataduudad zarj mungu olohgui henees mungu avah gej baigaa yam

Avatar

Зочин 2022-01-25 202.21.109.114

Hooloigoo hamgaalah zardlaa oorsdoo l hariutsah blgui dee

Avatar

Хөх монгол 2022-01-25 202.126.89.69

Яг үнэн. Орос цэргээ оруулаал монгол нам

Avatar

Зочин 2022-01-25 66.181.189.254

Солиороод л. Оросууд техникийн ажилчдаа л оруулж ирэх байх. Хамгаалалтын асуудлыг манай хамгаалалтын компаниуд мөнгөө аваад хийчэх чадвартай

Avatar

Зочин 2022-01-25 192.82.72.131

Нөгөө талд хүн байна уу

NewsMN Гар утасны хувилбар Татах
NEWS.mn

Мэдээллийн эх сурвалж