Л.Халтар ИНЕГ-т ажиллаж, 13 чиглэл бүхий үүрэг даалгавар өгчээ | News.MN

Л.Халтар ИНЕГ-т ажиллаж, 13 чиглэл бүхий үүрэг даалгавар өгчээ

Л.Халтар ИНЕГ-т ажиллаж, 13 чиглэл бүхий үүрэг даалгавар өгчээ

Зам, тээврийн хөгжлийн сайд Л.Халтар Иргэний нисэхийн Ерөнхий газар, түүний харьяа газрууд болон “МИАТ” ТӨХК-д ажиллаж, салбарын удирдлагуудад холбогдох үүрэг чиглэл өглөө. Эхлээд ИНЕГ-ын дарга С.Мөнхнасан болон удирдлагуудтай уулзаж, салбарын өнөөгийн болон цаашдын нөхцөл байдлын талаар ярилцлаа. Өнгөрсөн оны арванхоёрдугаар сард УИХ-аас Иргэний нисэхийн салбартай холбоотой томоохон шийдвэр гарсан. Олон улсын агаарын тээврийн байгууллагаас гаргасан конвенцын дагуу Агаарын тээврийн хөлөг, түүний эд анги, сэлбэг хэрэгсэл, мөн агаарын тээврийн сургалтын дадлагажуур, түүний сэлбэг хэрэгслүүдийг Монгол Улсад импортлоход гаалийн болон нэмэгдсэн өртгийн албан татвараас чөлөөлөх тухай хуулийг баталсан. Энэхүү хууль хэрэгжсэнээр цаашид агаарын тээврийн салбарт ямар үр дүн гарах, ард иргэдэд ямар үр өгөөжтэй талаар салбарын сайд, удирдлагууд ярилцсан юм. Юун түрүүнд татвараас чөлөөлөгдсөнөөр тодорхой хугацааны дараа тизний үнэ тариф зохих хэмжээгээр буурах байдлаар ард түмэн үр шим хүртэх ёстойг Зам, тээврийн хөгжлийн сайд онцоллоо.

Салбарын сайд ИНЕГ-ын дарга, удирдлагуудад хэд хэдэн үүрэг даалгаврыг өглөө. Тухайлбал,

  • Улаанбаатар хотын бүсийн нислэгийн хөдөлгөөн удирдлагын барилгын үйл явцтай танилцаад, тус барилгын эхний хэсгийг 2022 оны гуравдугаар сарын 31-ний дотор ашиглалтад оруулах,
  • Хувийн хэвшлийн агаарын тээвэрлэгч байгууллагуудтай хамтран ашиглах зорилгоор төр, хувийн хэвшлийн түншлэлийн хүрээнд зарим аймгийн нисэх буудлыг хөгжүүлэх,
  • Монгол Улсын нутаг дээгүүр дамжин өнгөрдөг маршрутын дагуу 4С зэрэглэлийн олон улсын нисэх онгоцны буудлыг (Дорнод, Ховд, Улаангомын нисэх буудлуудыг) 4С ангилалд хамруулах, зарим аймагт бүтээн байгуулах ажлыг энэ онд эхлүүлэх,
  • Орон нутгийн нислэгийг хэрхэн хөгжүүлэх,
  • Төрийн өмчийн болон хувийн хэвшлийн  агаарын тээвэрлэгчдтэй хэрхэн хамтарч ажиллах бодлого боловсруулж, Зам тээврийн хөгжлийн яаманд танилцуулах зэрэг 13 чиглэл бүхий үүрэг даалгавар өглөө.

Үүний дараа Зам, тээврийн хөгжлийн сайд Л.Халтар “Буянт-Ухаа” олон улсын нисэх буудлын ашиглалтын явцтай танилцлаа. Өнөөдрийн байдлаар тус нисэх буудал ерөнхий зориулалтын нислэг, олон улс, орон нутгийн нөөц нисэх буудал, онцгой болон тусгай үүргийн нислэг, агаарын хөлгийн засвар үйлчилгээ, иргэний нисэхийн сургалт дадлага гэсэн чиглэлээр үйл ажиллагаа явуулж байна. 2021 оны долдугаар сарын 4-ний өдрөөс хойш арванхоёрдугаар сарын 31-ний өдрийн байдлаар нийт 11 авиа компанийн 936 нислэг үйлдсэнийг Иргэний нисэхийн үндэсний төвийн дарга П.Мөнхжаргал танилцууллаа.

Зам, тээврийн хөгжлийн сайд Л.Халтар энэ үеэр “Буянт-Ухаа” нисэх буудал нөөц нисэх буудал гэдэг утгаараа байнгын бэлэн байдалд ажиллаж байх ёстой. Хуучин ажиллаж байсан горим алдагдахгүй байхад анхаарах хэрэгтэй” гээд аж ахуйн зарим шийдвэрлэх шаардлагатай зүйлсийг санууллаа.

Салбарын сайд ИНЕГ-ын удирдлагуудын хамт “МИАТ” ТӨХК болон тус компанийн Агаарын хөлгийн засвар үйлчилгээний газрын үйл ажиллагаатай танилцлаа. “МИАТ” ТӨХК өнөөдрийн байдлаар агаарын таван хөлгөөр үйлчилгээ үзүүлж байна.  Сүүлийн 2 жилд Ковид-19 цар тахлын улмаас нислэгийн тоо огцом буурч, алдагдалд орсон ч эргээд хурдан хугацаанд сэргэх боломжтой гэж харж байгаагаа тус компанийн удирдлагууд хэллээ. Зам тээврийн хөгжлийн сайд Л.Халтар “Аюулгүй байдлыг дэд зэргээр ханган ажиллах, нислэгийн менежментийг сайжруулах, аялалын дугаар хувааж ашиглах зохицуулалтыг түлхүү хийх бодлого барих, үйлчилгээний чанарыг сайжруулж, стандартуудыг хэрэгжүүлэхэд анхаарах, тасалбарын худалдааг цахимжуулах” зэрэг хэд хэдэн үүрэг даалгавар өгсөн юм.

Өнөөдрийн байдлаар Агаарын хөлгийн засвар үйлчилгээний газрын хамт олон ОХУ-ын “Royal Flight” компанийн VQ-BRF бүртгэлийн дугаартай В737-800 агаарын хөлөг “С” хэлбэрийн техник үйлчилгээний ажлыг хийж гүйцэтгэж байна. 2022 он гарсаар 2 дахь онгоцны засварын ажлаа хийж гүйцэтгэж байгаа нь энэ юм. Цаашид Boeng-ын агаарын хөлгүүдэд засвар хийх том зорилт тавин ажиллаж байгааг Агаарын хөлгийн засвар үйлчилгээний газрын дарга Т.Аюуш хэллээ. “Энэ засварын газарт 40 гаруй шижигнэсэн залуус ажиллаж байна. Залуус маань олон улсын түвшинд ажиллаж, хүлээн зөвшөөрөгдсөн үйлчилгээ үзүүлж, үйлчилгээний чанар нь ч олон улсад шаардлага хангаж байна” хэмээн салбарын сайд сайшаалаа. Мөн засвар үйлчилгээний ажилтнуудаа цаашид дахин сургах, ижил төрлийн засвар хийдэг томоохон авиа компаниудын засварын баазад дадлагажуулах зэргээр үйл ажиллагаагаа чанаржуулахыг зөвлөсөн юм.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2022-01-25 103.80.210.183

юу ч мэдэхгүй байж бас үүрэг өгнө гэнэ дээ. өөрөө өөрийгөө хичээ.

Avatar

ККК 2022-01-25 202.179.26.202

13 зүйлт тулган шаардлага өгсийм биз дэ

Avatar

Зочин 2022-01-25 213.87.128.221

>>>>> Шилдэг тавтай морилно уу секс болзоо сайт — https://mysp.ac/50fjz

Avatar

иргэн 2022-01-25 66.181.191.250

Үүрэг даалгавар бас дахин үүрэг даалгавар үүрэг даалгавар л өгсөн хоосон толгойтнууд байх юм. Олигтой мэргэжлийн салбартаа нэр нөлөө бүхий хүмүүсийг нь тэрслээд байж магадгүй гэсэн ганцхан охорхон бодлоор замаасаа зайлуулж байна гээд явуулаад байдаг. Оронд нь гуйлга түүлэгний хэдэн хүүхэд цуглуулаад дураараа дургиж дунд чөмгөөрөө наргиж ханахгүй юм.

Avatar

Зочин 2022-01-25 82.165.250.167

Монголд луйвар, хулгай, дээрэм хийсэн сайд нар нь өнгө орж, мөрөөрөө ажлаа хийсэн нь халагдаж солигддог болжээ, ХҮРЭЛСҮХ ГУАЙ!!!!!!!!!!!!!!!!!!!!

NewsMN Гар утасны хувилбар Татах
NEWS.mn

Мэдээллийн эх сурвалж