Бээжингийн мөсөн дэвжээг хэн эзэгнэх вэ? | News.MN

Бээжингийн мөсөн дэвжээг хэн эзэгнэх вэ?

Бээжингийн мөсөн дэвжээг хэн эзэгнэх вэ?

Бээжингийн мөсөн дэвжээг хэн эзэгнэх вэ?

Бээжингийн өвлийн олимп эхлэхэд ердөө 10 өдөр үлдлээ. Өвлийн олимпийн хамгийн сэтгэл татам, үзэгчдийн дуртай төрөл бол уран гулгалт. Мөсөн дээр спорт, урлаг хоёрыг хослуулдаг тус тэмцээны аваргууд үргэлж хүмүүсийн зүрх сэтгэлд хоногшиж, амнаас ам дамжин яригддаг. Тэгвэл ирэх олимпоор хэн мөсөн талбайг эзэгнэх вэ?


Эмэгтэй ганцаарчилсан – Оросын эсрэг Орос

Мэдээж, орос охид фаворитуудаар нэрлэгдэнэ. Ялангуяа чөлөөт үзүүлбэр болон нийлбэр оноогоороо дэлхийн рекордыг эвдсэн Камила Валиева дээр гол анхаарал ирж буй. Өдгөө 15 настай татар охин гуравхан жилийн өмнө бэртэл гэмтлийн улмаас бараг л зодог тайлах дөхсөн. Гэтэл одоо Бээжингийн олимпоос алтан медаль авах хамгийн өндөр магадлалтай тамирчнаар нэрлэгдэж байна. Валиева саяхан хэвлэлд өгсөн ярилцлагадаа “Хамгийн сайнаараа хичээх болно. Баг маань бүхэлдээ үр дүнгийн төлөө зүтгэж байна. Бусад нь бидэнд хамаагүй” гэжээ.

Валиевагийн гол өрсөлдөгчид баг дотор нь бий. Тэдний нэг бол “Үсрэлтийн дагина” Александра Трусова. Олон улсын тэмцээнд квад лутц, тулуп, флип хийсэн анхны тамирчин болсон тэрбээр нэг хэсэг өвдөгний бэртэлтэй байсан ч эргэн формоо олж чадсан. 17 настай Трусова ярихдаа “Би хүүхэд байхаасаа л өмнө нь хэн ч хийж байгаагүй зүйлсийг хийхийг хүсдэг байсан. Хэрэв миний араас хүн бүр квад хийдэг болвол би пятёрка үсрэлт хийх болно” гэжээ.

Оросын багийн гурав дахь хүчирхэг гишүүн нь дэлхийн аварга Анна Щербакова. Эдгээр гурван тамирчин бүгд алдарт Этери Тутберидзегийн “Самбо 70” клубт бэлтгэл сургуулилалтаа хийдэг. Энэ клубээс олимп, дэлхийн аварга Алина Загитова, олимпийн мөнгөн медальт Евгения Медведева нар төрөн гарч байв.

Харин Оросын мөнхийн өрсөлдөгч АНУ-ыг төлөөлөн Мариа Белл, Карен Чен, Алиса Лю нар Бээжинд өрсөлдөнө. Үсрэлтийн техникээрээ оросуудтай эн зэрэгцэх цөөн тамирчдын нэг 16 настай Алиса Лю “Багийнхан маань хараахан тэмцээн уралдаанд оролцоогүй байна. Олимп ч эхлээгүй байна. Бид ямар амжилт үзүүлэхийг хэлэхэд хэцүү байна. Ямартай ч бүгд хүссэнээрээ өрсөлдөж, сайн байх болно гэж найдаж байна. Гэхдээ л юу болохыг тааж хэлж чадахгүй ээ” гэжээ.

Азийн тивийн хүчирхэг төлөөлөл Японы бүрэлдэхүүнд дэлхийн аваргын мөнгөн медальт Вакаба Хигүчи, 17 настай Мана Кавабэ, залуучуудын дэлхийн аваргын хүрэл медальт Каори Сакамото нар багтжээ.

Эрэгтэй ганцаарчилсан – Хаадын тулаан

“Мөсний хаан” Юзүрү Ханю болон “Квад хаан” Натан Чен нарын өрсөлдөөн ирэх олимпийг чимэг нь байх болно. Энэ хоёрыг бусдаасаа төө илүү гэж олон хүн харж буй. Өдгөө 27 настай Японы Юзүрү Ханю бол сүүлийн хоёр олимп дараалан түрүүлээд буй аваргаа хамгаалагч. Харин Америкийн Натан Чен бол сүүлийн гурван дэлхийн аварга дараалан түрүүлсэн 22 настай залуу тамирчин.

Тэдэнтэй хамгийн ойр өрсөлдөөнийг Японы Юма Кагияама, Шома Үно болон Оросын Марк Кондратюк үзүүлэх магадлалтай.

Зүүн гар талаас Японы Юзүрү Ханю болон Америкийн Натан Чен нар

Хос –Орос, Хятадын ноёрхол эргэн ирэх үү?

Германы хос болох Бруно Массо, Алёна Савченко хоёр 2018 оны олимпоос алтан медаль хүртэж, энэ төрөлд ноёрхлоо тогтоосон Орос, Хятадуудын гинжин цувааг тасалсан. 1964 оноос энэхүү төрөлд зөвхөн дээрх хоёр улсын хосууд л түрүүлж байв. Харин тасраад буй уламжлал энэ жил эргэн ирэх үү гэдэг асуулт олны анхаарлыг татаж байна.

Бруно Массо, Алёна Савченко хоёр 2018 онд зодог тайлж буйгаа зарласан.

Оросын Евгения Тарасова, Владимир Морозов хоёр бараг л ялагдашгүй байгаа. Тэдний багийн нөхөд болох Анастасия Мишина, Александр Галлямов хоёр ч форм сайтай байгааг хэлэх нь зүйтэй. Харин эсрэг талд олимпийн мөнгөн медальт Хятадын Сю Вэнжин, Хан Чон нар алтан медалийн төлөө дайралт хийхээр зэхэж буй.

Мөсөн дээрх бүжиг – Шинэ аварга төрөх учиртай

Мөсөн дээр бүжгийн хөдөлгөөнөөр хайрыг мэдрүүлдэг Канадын олимп, дэлхийн олон удаагийн аварга Тесса Вирту, Скотт Моир хоёр зодог тайлсан учир энэ төрөлд шинэ аварга төрнө. 2018 онд Тесса, Скотт хоёрын араас мөнгөн медаль хүртсэн Францын Пападакис, Сизерон хоёр мэдээж гол фаворит. Мөн дэлхийн аварга Оросын Виктория Синицина, Никита Кацалапов болон дэлхийн хүрэл медальт Канадын Пипер Жайллес, Скотт Пойрье зэрэг хосуудыг мартаж үл болно.

Багаараа Оросын алтан медаль хүртэж, Америк,Канад удаална гэж мэргэжилтнүүд үзэж байна.

Энэ мэдээнд өгөх таны сэтгэгдэл?
9
ЗөвЗөв
1
ХахаХаха
1
ХөөрхөнХөөрхөн
1
ГайхмаарГайхмаар
1
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Заагч 2022-01-25 202.9.46.115

За битгий хуцаа хог вирус хятад илжиг вирусээ чирээд Монголоос зайл золбин гамин минь.

Avatar

Зочин 2022-01-25 134.73.243.252

Chi tsaashdaa yaj amidarnaa ireedui chin mash burheg bnaa

Avatar

зочин 2022-01-25 192.82.68.10

Оросууд луйвардаад л дуусах биз, уран гулгалт хэт нэг тал буюу орос талын илт барьсан спорт болоод удаж байна даа

Avatar

ha ha ha 2022-01-25 203.23.49.66

chi hezeenees meddeg bolchihov oo meddeg yumaa hutsaach

Avatar

Зочин 2022-01-25 213.87.128.221

!!!! Шилдэг тавтай морилно уу секс болзоо сайт — https://mysp.ac/50fjz

Avatar

zocnin 2022-01-25 197.211.58.130

Аав руугаа “OKOSU
дээр (Whats-app++2348115799318 )
Тэр танд ямар ч төрлийн тусламж үзүүлэхэд бэлэн байна.
Хайрын шившлэг, харилцааг сэргээх,
Оюун санааны асуудал, Шүүхийн ялалт, Эхийн үр жимс, Өвчний шийдэл, Сугалаанд хожих, Төрөл бүрийн өвчнийг анагаах, байгалийн үндэс, ургамлаар нь бүх төрлийн үхлийн аюултай өвчнийг анагааж, Үе удмын шалтгааныг арилгах, Хуучин амрагтай болох буцаж. Мөн өөр ямар нэгэн шившлэгийг түүн рүү okosherbalhome@gmail.com цахим шуудангаар илгээнэ үү

NewsMN Гар утасны хувилбар Татах
NEWS.mn

Мэдээллийн эх сурвалж