АНУ-ын 8500 цэрэг байлдааны бэлэн байдалд байна

Хуучирсан мэдээ: 2022.01.25-нд нийтлэгдсэн

АНУ-ын 8500 цэрэг байлдааны бэлэн байдалд байна

АНУ-ын 8500 цэрэг байлдааны бэлэн байдалд байна

Украин руу ОХУ-ын талаас дайрсан нөхцөлд хариу үйлдэл үзүүлэхээр АНУ-ын 8500 орчим цэрэг байлдааны бэлэн байдалд байгаа талаар Пентагоноос мэдээллээ. Украинд цэргийн ажиллагаа явуулахаар төлөвлөсөн гэдгийг Москвагаас үгүйсгэж байгаа ч хилийн ойролцоо 100 мянга орчим  цэргээ төвлөрүүлсэн аж. АНУ-ын ерөнхийлөгч Жо Байден өчигдөр Европын холбоотнуудтайгаа утсаар ярьж, Оросын түрэмгийллийн эсрэг стратеги төлөвлөгөөгөө боловсруулсан байна.

Гэхдээ Пентагоноос Украинд цэргээ илгээх эсэх шийдвэр хараахан танилцуулаагүй аж. Харин Умард Атлантын цэргийн эвслээс /NATO/ шуурхай хүчнийг идэвхжүүлэх эсвэл Оросын цэргийн хүчний үйл хөдлөл нэмэгдсэн нөхцөлд цэрэг илгээх гэнэ.

Нөгөө талд NATO-гийн гишүүн Дани, Испани, Франц, Нидерланд зэрэг орнууд Зүүн Европын бүс нутгийн аюулгүй байдлыг хамгаалах зорилгоор хэдийнэ байлдааны нисэх болон хөлөг онгоцнуудаа илгээхээр төлөвлөжээ. Түүнчлэн өнгөрсөн амралтын өдрүүдээр АНУ-аас 90 тонн зэвсэг, техникийн тусламжийг Украин руу илгээсэн байна.

Их Британийн ерөнхий сайд Борис Жонсон тагнуулын мэдээлэлд үндэслэн ярьснаар Украины хилийн дагуу 60 орчим байлдааны бүлгүүд байгаа бөгөөд тэд Киевт богино хугацааны дайн хийхээр төлөвлөсөн гэв.

Үүний зэрэгцээ АНУ-ын төрийн нарийн бичгийн дарга Энтони Блинкен өнгөрсөн долоо хоногт  ОХУ-ын гадаад хэргийн сайд Сергей Лавровтой Швейцарьт хурцадмал нөхцөл байдлыг намжаахаар уулзсан. Энэ хооронд АНУ-аас Москвагийн эсрэг эдийн засгийн хориг тавьж магадгүй гэх шумаар рублийн ханш ам.долларын эсрэг огцом унасан байна.

US Secretary of State Antony Blinken and Russian Foreign Minister Sergei Lavrov move to their seats before their meeting in Geneva, Switzerland, on 21 January 2022
ЭХ СУРВАЛЖ: ВВС
Энэ мэдээнд өгөх таны сэтгэгдэл?
14
ЗөвЗөв
11
ТэнэглэлТэнэглэл
4
ГайхмаарГайхмаар
3
ХөөрхөнХөөрхөн
3
ХарамсалтайХарамсалтай
1
БурууБуруу
0
ХахаХаха
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж