“Тавантолгой түлш” компани нь өнөөдрийн байдлаар 19.500 тонн түлшний нөөцтэй байна. Тус компани өдөр бүр 3500 тонн сайжруулсан түлшийг 615 цэгээр борлуулж байгаа аж. Сар шинийн баяр амралтын өдрүүдэд ямар зохицуулалттай ажиллах талаар “Тавантолгой түлш” ХХК-иас тодруулахад “Сар шинийн баяр амралтын өдрүүдэд манай үйлдвэр амрахгүй, хэвийн ажиллана.

Баярын өдрүүдэд түлшний нөөц хангалттай бий. Борлуулалтын бүх цэгт 200 тонн түлш захиалсан учраас түлш хүрэлцэхгүй байх асуудал гарахгүй. Харин 19.500 тонн түлшний тухайд манай үйлдвэрийн аюулгүйн нөөц тул хэрэглээнд ашиглахгүй” гэлээ. Мөн амьжиргааны түвшнээс доош орлого бүхий эмзэг бүлгийн 6098 өрхөд долоо хоногт зургаан шуудай түлш үнэ төлбөргүй олгосон байна.